Հա

Այլ

Երեքշաբթի, 27 Սեպտեմբերի 2016 09:50

Բժիշկները սրտի անբաւարարութեամբ մարդկանց թւի եռապատկում են կանխատեսում

Սրտի եւ անօթների հետ կապւած խնդիրներով տարեց մարդկանց թիւը 2060 թւականին առնւազն կեռապատկւի, ինչը կամրապնդի նրանց «առաջատար» դիրքը մահւան պատճառների թւում: Այդ մասին, ինչպէս տեղեկացնում է «Արմէնպրես»-ը, յայտարարել են գիտնականները, որոնք Հռոմում ելոյթ են ունեցել Եւրոպայի սրտաբանական ընկերութեան կոնգրեսում:

«armenpress.am» - Սրտի եւ անօթների հետ կապւած խնդիրներով տարեց մարդկանց թիւը 2060 թւականին առնւազն կեռապատկւի, ինչը կամրապնդի նրանց «առաջատար» դիրքը մահւան պատճառների թւում: Այդ մասին, ինչպէս տեղեկացնում է «Արմէնպրես»-ը, յայտարարել են գիտնականները, որոնք Հռոմում ելոյթ են ունեցել Եւրոպայի սրտաբանական ընկերութեան կոնգրեսում:
«Սրտի անբաւարարութիւնն ամենատարածւած բժշկական խնդիրներից մէկն է ամբողջ մոլորակի համար, որն աւելի ու աւելի շատ է դրսեւորւում մարդու ծերացման համեմատ: Այն կարող են առաջացնել սրտի հիւանդութիւնը, ճարպակալումը եւ շաքարախտը: Այս բոլոր հիւանդութիւններն աւելի յաճախ հանդիպում են տարեց մարդկանց շրջանում, ահա թէ ինչու է զգալիօրէն աճում սրտի հետ կապւած խնդիրներ ունեցող մարդկանց թիւը»,- յայտարարել է Ռանգար Դանիէլսէնը Ռէյկիաւիկի (Իսլանդիա) Լանդսպիտալիի համալսարանից:
Դանիէլսէնը եւ նրա գործընկերները այս եզրկացութեանն են յանգել՝ վերլուծելով Իսլանդիայի՝ տւեալների պահոցից պատահականօրէն ընտրւած գրեթէ վեց հազար տարեց մարդկանց շրջանում սրտի եւ անօթների հիւանդութիւնների տարածւածութեան տւեալները: Նրանց տարիքը տատանւել է 66-ից մինչեւ 98, ինչը գիտնականներին թոյլ է տւել գնահատել, թէ տարիքի հետ ինչպէս է փոխւում սիրտ-անօթային համակարգի առողջութիւնը:
Նրանց վերլուծութիւնը ցոյց է տւել, որ նման խնդիրներից աւելի յաճախ տառապում են տղամարդիկ, քան կանայք,- հաղորդել է «ՌԻԱ Նովոստի»-ն:

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։