Հա

Այլ

Չորեքշաբթի, 11 Յունւարի 2017 13:30

Ինչո՞ւ չի կարելի ականջները բամբակի փայտիկներով մաքրել

Շատերն այսօր ականջները բամբակի փայտիկներով են մաքրում, սակայն որոշ օտոլարինգոլոգներ դրան դէմ են: Նրանց թւում է Օտոլարինգոլոգիայի գերմանական միութիւնից Ռոլանդ Լասցիգը:

«med.news.am» - Շատերն այսօր ականջները բամբակի փայտիկներով են մաքրում, սակայն որոշ օտոլարինգոլոգներ դրան դէմ են: Նրանց թւում է Օտոլարինգոլոգիայի գերմանական միութիւնից Ռոլանդ Լասցիգը:

Նրա խօսքով՝ ականջի ծծումբի մէջ ոչ մի անմաքուր բան չկայ, ուստի եւ դրանից ականջն ամբողջ ժամանակ մաքրելու անհրաժեշտութիւն էլ չկայ: Ականջի օրգանները ինքնամաքրւելու մեխանիզմ ունեն: Նրա խօսքով՝ ծծումբն ինքը դանդաղ դէպի դուրս է շարժւում:

Գերմանացի բժշկի կարծիքով՝ այսպիսով, այդ փայտիկների օգտագործումը քիչ արդիւնաւէտ է, աւելին՝ դրանց միջոցով ականջները մաքրելը ականջի ծծումբի մեծ մասը ներս է հրում արտահոսքի բնական ուղղութեանը հակառակ:

Մասնագէտի խօսքով՝ դրանից բացի, ականջի մաքրումը առաջացնում է վաղաժամ ներքին չորացում, ինչը միայն խթանում է էլ աւելի մեծ քանակով ճարպի եւ ծծումբի արտադրութիւնը, որի հետեւանքով մեծանում է ականջի խցանման առաջացման հաւանականութիւնը:

Մասնագէտի խօսքով՝ բամբակի փայտիկներով ականջների մաքրումը նաեւ թմբկաթաղանթը վնասելու վտանգ ունի: Նշւած բոլոր պատճառներով օտոլարինգոլոգը խորհուրդ չի տալիս ականջները մաքրելու համար բամբակի փայտիկներ օգտագործել: Իսկ եթէ ականջներում շատ աւելի մեծ քանակով է ծծումբ արտադրւում, քան կարող է բնական ճանապարհով ականջներից դուրս գալ, Ռոլանդ Լասցիգը խորհուրդ է տալիս դիմել լոռ բժշկի, որը կօգնի ականջներն անվտանգ մաքրել:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։