Հա

Այլ

Չորեքշաբթի, 11 Յունւարի 2017 15:05

3 սովորոյթ, որոնց պատճառով ձմռանը գիրանում էք

Հաւանաբար նկատել էք, որ ի տարբերութիւն տարւայ միւս եղանակների՝ ձմռանը գիրանալն աւելի դիւրին է, նիհարելը՝ դժւար: Պատճառը միայն այն չէ, որ ձմռանն աւելի շատ կալորիական սնունդ ենք ուտում, քան ամռանը:

«med.news.am» - Հաւանաբար նկատել էք, որ ի տարբերութիւն տարւայ միւս եղանակների՝ ձմռանը գիրանալն աւելի դիւրին է, նիհարելը՝ դժւար: Պատճառը միայն այն չէ, որ ձմռանն աւելի շատ կալորիական սնունդ ենք ուտում, քան ամռանը: Խնդիրը նաեւ մի քանի ձմեռային սովորոյթների մէջ է:

 

Անկանոն սնւելը

Ձմռանը մենք յաճախ աւելի պակաս կանոնաւոր ենք սնւում, քան ամռանը: Մենք կարող էնք բաց թողնել ճաշի ժամը, իսկ յետոյ աւելի շատ ուտել: Այս ամէնը բացասաբար է անդրադառնում նիւթափոխանակութեան վրայ եւ նպաստում աւելորդ քաշ հաւաքելուն: Եթէ չէք ուզում ձմռանը գիրանալ, փորձէք ուտել յաճախ եւ քիչ:

 

Բանջարեղէնի պակասը

Մէկ այլ ձմեռային վատ սովորոյթ է քիչ բանջարեղէն ուտելը: Նորմալ նիւթափոխանակութեան համար օրգանիզմին վիտամիններ են անհրաժեշտ, յատկապէս՝ մագնեզիում եւ B խմբի վիտամիններ: Իսկ դրանց լաւագոյն աղբիւրը բանջարեղէնն է, որում նաեւ մեծ քանակութեամբ մանրաթելեր կան: Իհարկէ՝ ձմռանն աւելի քիչ բանջարեղէն կայ, բայց հարկաւոր է հնարաւորինս շատ օգտագործել եղածը, օրինակ՝ կաղամբ, բազուկ, ստեպղին եւ այլն:

 

Նեարդերը

Նիւթափոխանակութիւնն արգելափակող եւ աւելորդ քաշ հաւաքելուն նպաստող միւս պատճառը շատ նեարդայնանալու սովորոյթն է: Ձմռանը մենք սովորաբար աւելի ենք նեարդայնանում, քան ամռանը. ցուրտ, մռայլ եղանակը նպաստում են դրան: Սթրեսի հետեւանքով օրգանիզմն անցնում է տնտեսելու ռեժիմին՝ էներգիա խնայելով եւ ճարպ կուտակելով: Դրանից խուսափելու համար հարկաւոր է վերահսկել սթրեսի հորմոնների մակարդակը եւ չնեարդայնանալ դատարկ բաների պատճառով:

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։