Հա

Այլ

Երեքշաբթի, 14 Մարտի 2017 12:10

Նիւ Եօրքում արտակարգ դրութիւն է յայտարարւել մօտեցող ձնաբքի պատճառով

ԱՄՆ-ի Նիւ Եօրք քաղաքում եւ Նիւ Ջերսի նահանգում արտակարգ դրութիւն է յայտարարւել սպասւող ձնաբքի պատճառով, որն այսօր կը հասնի երկրի արեւելեան ափ: Նախօրէին փոթորկի պատճառով հետաձգւել են Գերմանիայի կանցլեր Անգելլա Մերկէլի հետ նախագահ Դոնալդ Թրամփի բանակցութիւնները:

«alikonline.ir» - ԱՄՆ-ի Նիւ Եօրք քաղաքում եւ Նիւ Ջերսի նահանգում արտակարգ դրութիւն է յայտարարւել սպասւող ձնաբքի պատճառով, որն այսօր կը հասնի երկրի արեւելեան ափ: Նախօրէին փոթորկի պատճառով հետաձգւել են Գերմանիայի կանցլեր Անգելլա Մերկէլի հետ նախագահ Դոնալդ Թրամփի բանակցութիւնները: Յայտնում է «tert.am»-ը՝ «BBC»-ին յղումով:

Փոթորկի եւ ձնաբքի հետեւանքով, ինչպէս սպասւում է, Նիւ Եօրքում մօտ 60 սանտիմետր տեղումներ կը գրանցւեն: Քամու արագութիւնը տեղ-տեղ հասնելու է 96 կմ/ժ արագութեան:

ԱՄՆ-ի խոշոր քաղաքներում կը փակւեն դպրոցները, օդանաւակայաններում չեղեալ կը յայտարարւեն չւերթները: Նիւ Եօրքում արտակարգ դրութիւնը յայտարարել է քաղաքապետ Բիլ Դէ Բլազիօն:

Նիւ Եօրքում սպասւող ձնաբքի պատճառով կը փակւի ՄԱԿ-ի գրասենեակը, որտեղ այս օրերին անց է կացւում կանանց իրաւունքների հարցերով համաժողովը:

ԱՄՆ-ում չորեքշաբթի չեղեալ կը յայտարարւի մօտ 6500 աւիաչւերթ, յայտնում է «FlightAware» ծառայութիւնը: Չւերթների մեծ մասը չեղեալ են յայտարարւել ԱՄՆ-ի արեւելեան քաղաքների օդանաւակայաններում՝ Նիւ Եօրքում, Վաշինգտոնում, Բոստոնում, Բալտիմորում եւ Ֆիլադելֆիայում:

Յարակից Հրապարակումներ

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։