Հա

Այլ

Կիրակի, 09 Ապրիլի 2017 10:30

Գիտնականները պարզել են, որ Ամազոն գետը 9 միլիոն տարեկան է

Բրազիլիայի համալսարանի գիտնականները եւրոպական երկրներից իրենց գործընկերների աջակցութեամբ յայտնաբերել են, որ Ամազոն գետն իրականում 9 միլիոն տարեկան է: Մինչդեռ նախկինում ենթադրում էին, թէ գետն ընդամենը 1 մլն. տարեկան է:

«alikonline.ir» - Բրազիլիայի համալսարանի գիտնականները եւրոպական երկրներից իրենց գործընկերների աջակցութեամբ յայտնաբերել են, որ Ամազոն գետն իրականում 9 միլիոն տարեկան է: Մինչդեռ նախկինում ենթադրում էին, թէ գետն ընդամենը 1 մլն. տարեկան է: Տեղեկացնում է «tert.am»-ը:

«Ըստ էութեան, 9 մլն. տարի առաջ Ամազոնը մի փոքրիկ լիճ է եղել, որի ջուրը տարածւել է դէպի հիւսիս եւ աստիճանաբար վերածւել գետի»,- ասել է բրազիլացի երկրաբան Ռոբերտու Վենտուրան` «Globo» հեռուստաընկերութեան հաղորդմամբ:

Նախորդ ուսումնասիրութիւնների հեղինակները պնդում էին, թէ Ամազոնի տարիքը տատանւում է 1 մլն.-ից 1.5 միլիոն տարի: Ըստ Վենտուրայի, ներկայիս յայտնագործութիւնը թոյլ կը տայ ոչ միայն աւելի լաւ հասկանալ գետի պատմութիւնը, այլեւ կանխատեսել դրա ապագան:

«Հիմա Ամազոնում տեղի են ունենում տարօրինակ երաշտներ, եւ մենք չենք կարող հասկանալ դրանց բնոյթը, եթէ նայենք միմիայն ներկային»,- ասել է գիտնականը:

Ամազոն գետը գտնւում է Հարաւային Ամերիկայի հիւսիսային մասում: Դրա աւազանի մեծ մասը պատկանում է Բրազիլիային, իսկ հարաւ-արեւմտեան եւ արեւմտեան շրջանները՝ Բոլիւիային, Պերուին, Էկւադորին եւ Կոլումբիային: Բացի այդ գետը յայտնի է իր չտեսնւած յորդառատութեամբ, ինչպէս նաեւ ափամերձ հսկայական ջունգլիներով:

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։