Հա

Այլ

17/04/2017

Գիտնականները պարզել են, թէ պլանշետներն ու սմարթֆոնները ինչով են վտանգաւոր փոքր երեխաների համար

Մի խումբ գիտնականներ՝ Լոնդոնի Բիրքբեք համալսարանի աշխատակից Թիմ Սմիթի ղեկավարութեամբ, անցկացրել են այն ծնողների առցանց-հարցում, որոնք դաստիարակում են վեցից մինչեւ 36 ամսական երեխաների:

«alikonline.ir» - Գիտնականները պարզել են, որ փոքր երեխաների կողմից պլանշետների ու սմարթֆոնների կանոնավար օգտագործումը կրճատում է նրանց քնի ժամանակը: 

Հետազօտողների յօդւածը հրապարակւած է «Scientific Reports» հանդէսում, տեղեկացնում է «Արմէնպրես»-ը: Մի խումբ գիտնականներ՝ Լոնդոնի Բիրքբեք համալսարանի աշխատակից Թիմ Սմիթի ղեկավարութեամբ, անցկացրել են այն ծնողների առցանց-հարցում, որոնք դաստիարակում են վեցից մինչեւ 36 ամսական երեխաների: Հարցման մասնակիցներին խնդրել են նշել երեխաների ցերեկային ու գիշերային քնի միջին տեւողութիւնը եւ պատմել, թէ որքան յաճախ է երեխան արթնանում գիշերը եւ որքան ժամանակ է նրան պահանջւում քնելու համար: 

Հարցւած ծնողների 70 տոկոսը սմարթֆոն կամ պլանշետ ունէր տանը: Այն երեխաների թիւը, որոնք կարող էին օգտւել այդ տեխնիկայից, կազմել է 75 տոկոս: Ուսումնասիրութեան համաձայն, սենսորային սարքերից օգտւում էր 6-ից մինչեւ 11 ամսական երեխաների կէսից աւելին (51 տոկոսը), իսկ երկուսից մինչեւ երեք տարեկան երեխաների շրջանում պլանշետներին անծանօթներ գործնականում չկային (օգտատէրերի 92 տոկոսը): Հետազօտութեան արդիւնքների համաձայն, դեւայսի առջեւ անցկացրած իւրաքանչիւր ժամը երեխայի քունը կրճատում է 15,6 րոպէով: Նաեւ նշւել է, որ այն երեխաները, որոնք գաջեթներ են օգտագործում, աւելի դժւարութեամբ են քնում: 

Արդիւնքները ցոյց են տալիս, որ սենսորային էկրաններով սարքերի տարածւածութիւնն ու հասանելիութիւնը յանգեցնում է այն բանին, որ դրանք ակտիւօրէն օգտագործում են ամենափոքրիկները, եւ դա յանգեցնում է քնի ժամանակի կրճատման»,- նշել է հետազօտողների խմբի ղեկավար Թիմ Սմիթը: Գիտնականն ընդգծել է, որ խնդրի հետագայ ուսումնասիրութիւնը կօգնի հասկանալ, թէ արդեօք քնի հետ կապւած խնդիրներն իրօք գաջեթների հետ են կապւած:

Յարակից լուրեր

  • Գիտնականներ. «Ժպիտը մարդուն աւելի յիշւող է դարձնում»
    Գիտնականներ. «Ժպիտը մարդուն աւելի յիշւող է դարձնում»

    Մարդիկ անհամեմատ աւելի լաւ են յիշում անծանօթների լուսանկարները, եթէ նրանք ժպտում են կամ դրսեւորում այլ ուժեղ յոյզեր:

    Մարդու անձը լուսանկարով որոշելը կարեւոր դեր է խաղում մեր կեանքում, սակայն մենք գիտենք, որ մեր ուղեղը չափանզաց վատ է գլուխ հանում այդ խնդրից:

  • Գիտնականները պարզաբանել են իւղոտ սննդի հանդէպ մարդկանց ձգտումը
    Գիտնականները պարզաբանել են իւղոտ սննդի հանդէպ մարդկանց ձգտումը

    Հելի համալսարանի (ԱՄՆ) մասնագէտները 200 կամաւորների մասնակցութեամբ փորձի շրջանակում պարզել են, որ մարդիկ դժւարանում են հրաժարւել վնասակար ճարպերից ու ածխաջրերից, քանի որ այս սնունդը գործարկում է ուղեղի պարգեւատրման համակարգը: Նէյրոնների մեծացած ակտիւութեան հետեւանքով մարդն աւելի շատ հաճոյք է ստանում բուրգերից կամ պիցցայից, քան «ճիշտ» կերակուրից:

  • Ամերիկացի գիտնականները ստեղծել են սուրճի օգտագործման կատարեալ ալգորիթմ
    Ամերիկացի գիտնականները ստեղծել են սուրճի օգտագործման կատարեալ ալգորիթմ

    Ամերիկեան քնի բժշկութեան ակադեմիայի հետազօտողները մաթեմատիկական ալգորիթմ են ստեղծել, որը թոյլ է տալիս իւրաքանչիւր մարդու համար կազմել սուրճի օգտագործման անվտանգ ռեժիմ եւ ըմպելիքի շնորհիւ առոյգութեան ցուցանիշը գրեթէ 65 տոկոսով մեծացնել:

  • Գիտնականները պարզել են ձւի ամենօրեայ սպառման օգտակարութիւնը
    Գիտնականները պարզել են ձւի ամենօրեայ սպառման օգտակարութիւնը

    Ամերիկեան սննդի միութեան գիտնականները «Nutrition 2018» համաժողովի շրջանակներում ներկայացւել են մի շարք գիտական աշխատանքների նախնական արդիւնքները, որոնցում բացայայտւում է տարատեսակ սննդամթերքների օգտակարութիւնն առողջութեան համար: 

  • Իտալացի գիտնականները ստեղծել են «հակաքաղցկեղային» պիցցա
    Իտալացի գիտնականները ստեղծել են «հակաքաղցկեղային» պիցցա

    Իտալացի գիտնականները խոհարարների հետ ստեղծել են քաղցկեղի եւ սիրտ-անօթային համակարգի հիւանդութիւնների կանխարգելման համար օգտակար պիցցա: Պասկալինա պիցցան անւանում են «կեանքի տեւողութիւնը երկարացնող» եւ «հակաուռուցքային պիցցա»:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։