Հա

Այլ

18/04/2017

Ինչ տեսք ունի մէկ բաժակ սուրճն աշխարհի տարբեր երկրներում

19-րդ դարավերջում 20-րդ դարասկզբին Արեւմտեան Հայաստանում Կոստանդնուպոլսի քաղաքային մշակոյթի ազդեցութեան տակ ունեւոր ընտանիքներում կենցաղի մաս է դառնում կակաոյի եւ հայկական սուրճի օգտագործումը։

«alikonline.ir» - Փորձէք պատկերացրնել նոր եփւած սուրճի անկրկնելի բոյրը. խօսքերը չեն հերիքի այս հրաշք ըմպելիքը նկարագրելու համար: Աշխարհում միլիոնաւոր մարդիկ օրը սկսում են մէկ բաժակ սուրճով, եւ ամէն երկիր ունի սուրճ պատրաստելու իր գաղտնիքները: Գրում է «panorama.am»-ը: 

Ձեզ ենք ներկայացնում աշխարհի տարբեր երկրներում սուրճի պատրաստման մի քանի գաղտնիքներ, բայց մինչ այդ անդրադարձ հայկական սուրճին։

19-րդ դարավերջում 20-րդ դարասկզբին Արեւմտեան Հայաստանում Կոստանդնուպոլսի քաղաքային մշակոյթի ազդեցութեան տակ ունեւոր ընտանիքներում կենցաղի մաս է դառնում կակաոյի եւ հայկական սուրճի օգտագործումը։ 20-րդ դարի կէսին բազմաթիւ հայերի հայրենադարձութիւնից յետոյ, մասնաւորապէս Մերձաւոր Արեւելքից, սուրճ աստճանաբար տարածւում է Հայաստանով մէկ, այդ թւում գիւղերում, եւ դառնում սովորական բոլոր խաւերի համար։ 

Հայկական սուրճի առանձնայատկութիւնը նրա մէջ է, որ հատիկները աղացած են մինչեւ փոշի վիճակի։ Պատրաստելիս մէկ բաժին սուրճի համար օգտագործում են՝

Սուրճ (փոշիացւած)՝ մէկ թէյի գդալ 1 հոգու համար,

Ջուր՝մէկ սրճի բաժակ 1հոգու համար,

Շաքարաւազ՝ կէս թեյի գդալ ամէն հոգու համար կամ ըստ ցանկութեան։ 

Փոքր բաժակի մէջ լցրած ջուրը լցնում են ջազւէի մէջ, այնուհետեւ ջրի վրայ աւելացնում են սուրճ եւ շաքարաւազը, լաւ խառնում, դնում կրակին եւ սպասում այնքան՝ մինչեւ որ այն եփւի։ Հայկական, թրքական եւ պարսկական ձեւերով սուրճ պատրաստելիս, այն եփւած է համարւում, երբ մակերեսին սկսում է հաւաքւել փրփուրը՝ եռման նախաշեմին։ Այն ժամանակ անմիջապէս կրակից հեռացւում է սուրճը, լցւում սրճի բաժակներում եւ մատուցւում։ Արաբական պատրաստման ձեւում, ջազւէն աւելի երկար է կրակի վրայ թողնւում մինչ սուրճը եռա եւ փրփուրն անցնի։ 

Ձւով սուրճ, Վիետնամ 

Բաղադրութիւնը՝ ձւի դեղնուց, խտացրած կաթ, շաքարաւազ եւ տաք սուրճ: 

Լապլանդեան սուրճ, Ֆինլանդիա 

Բաժակի մէջ սկզբից դրւում է լապլանդեան պանիր, յետոյ՝ սուրճ: 

Էսպրեսսօ հռոմէական, Իտալիա 

Էսպրեսսօ կիտրոնի կտորով, ընդորում, ըմպելուց առաջ, կիտրոնը պէտք է ճզմել՝ գդալով սեղմելով այն բաժակի պատերին կամ յատակին: 

Լագրիմա, Արգենտինա 

Կաթնային փրփուրի վրայ աւելացնում են մի քանի կաթիլ սուրճ: Այսինքն՝  կաթ սուրճով: 

Բօնբօն, Իսպանիա 

Էսպրեսսո՝ խտացրած կաթով: 

Սուրճ համեմունքներով, Մարոկկօ 

Այս սուրճը պատրաստւած է քունջութի, սեւ պղպեղի եւ մշկընկոյզի խառնուրդից: Սրանք խառնում են սուրճի հատիկների հետ եւ աղում: Ստացւում է շատ թունդ ըմպելիք:   

Թէյով սուրճ, Հոնկոնգ 

Թէյի եւ սուրճի միքս. Այս սուրճը պատրաստելու համար հարկաւոր է 4 հատ թէյի փաթեթ, պղպեղ եւ խտացրած կաթ: 

Ֆրապպէ, Յունաստան 

Սուրճ, պաղպաղակ, կաթ եւ սառը ջուր. ահա համեղ ֆրապպէի գաղտնիքը: 

Ֆարիսէյ, Գերմանիա 

Այս ըմպելիքը ստեղծւել է Գերմանիայում, որպէսզի ընտանեկան հաւաքոյթների ժամանակ քողարկեն ալկոհոլի պարունակութիւնը: Այս սուրճի մէջ մեծ քանակութեամբ ռոմ կայ: 

Տոուբա, Սենեգալ 

Այս սուրճի մէջ աւելացնում են գւիենական պղպեղ: 

Սուրճ՝ սխտորով եւ մեղրով, Թուրքիա 

Հանրայայտ ըմպելիք Թուրքիայում: Այս սուրճը նաեւ անւանում են «ծեր մաւրի բաղադրատոմս»: 

Նարինջով սուրճ, Ճամայկա 

Ճամայկան առաջին հերթին ասոցացւում է ռոմի հետ: Եւ զարմանալի չէ, որ աւանդական ճամայկական սուրճը պատրաստւում է հէնց այս թունդ խմիչքով:

Յարակից լուրեր

  • Սուրճը կարող է օգնել դիաբետի բուժմանը
    Սուրճը կարող է օգնել դիաբետի բուժմանը

    Ցիւրիխի տեխնիկական բարձրագոյն դպրոցի հետազօտողները ստեղծել են տեխնոլոգիա, որը հեռանկարում կարող է փոխարինել ինսուլինի կանոնաւոր ներարկումները շաքարային դիաբետով հիւանդների համար։ Ենթամաշկային իմպլանտատն ակտիւանում է, երբ օրգանիզմի մէջ է յայտնւում կոֆէին, որը պարունակւում է օրինակ սուրճի կամ թէյի մէջ:

  • Ամերիկացի գիտնականները ստեղծել են սուրճի օգտագործման կատարեալ ալգորիթմ
    Ամերիկացի գիտնականները ստեղծել են սուրճի օգտագործման կատարեալ ալգորիթմ

    Ամերիկեան քնի բժշկութեան ակադեմիայի հետազօտողները մաթեմատիկական ալգորիթմ են ստեղծել, որը թոյլ է տալիս իւրաքանչիւր մարդու համար կազմել սուրճի օգտագործման անվտանգ ռեժիմ եւ ըմպելիքի շնորհիւ առոյգութեան ցուցանիշը գրեթէ 65 տոկոսով մեծացնել:

  • Սուրճը բարելաւում է թիմային աշխատանքը
    Սուրճը բարելաւում է թիմային աշխատանքը

    Կոֆէինի օգտագործումը մեծացնում է կոլեկտիւում մարդկանց ուշադրութիւնն ու աշխատունակութիւնը: Մասնագէտների յօդւածը հրապարակւել է «Journal of Psychopharmacology» ամսագրում: Յօդւածում ներկայացւած է Օհայո նահանգի համալսարանի եւ Դէյւիսի Քալիֆորնիական համալսարանի ամերիկացի գիտնականների հետազօտութիւնը: Կոֆէինով սուրճը խմբի անդամներին աւելի ուշադիր է դարձնում, նրանք բարձր են գնահատել ընդհանուր խմբի եւ սեփական արդիւնաւէտութիւնը: 

  • Սուրճը սրտի համար օգտակար է, բայց ոչ օրական 10 գաւաթը
    Սուրճը սրտի համար օգտակար է, բայց ոչ օրական 10 գաւաթը

    Սուրճի մշտական օգտագործումը կարող է նւազեցնել առիթմիայի յաճախականութիւնը: Մասնագէտները վերլուծել են հետազօտութիւնների արդիւնքները, որոնք նւիրւած էին կոֆէինի եւ նախասրտերի ու փորոքների ռիթմի խանգարումների փոխկապւածութեանը:

  • Սուրճն օգնում է դեպրեսիայի յաղթահարմանը
    Սուրճն օգնում է դեպրեսիայի յաղթահարմանը

    Հետազօտութիւնները ցոյց են տւել, որ սուրճը կարող է կանխել թեթեւ ու չափաւոր դեպրեսիան, որն ախտահարում է եկամտի բարձր մակարդակով երկրների բնակչութեան մօտ 15 տոկոսին։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։