Հա

Այլ

Հինգշաբթի, 13 Յուլիսի 2017 08:00

«KFC»-ն սեփական սմարթֆոնն է թողարկել

Հանրայայտ «KFC» արագ սննդի ռեստորանների ցանցը չինական «Huawei» տեխնոլոգիական ընկերութեան հետ համագործակացութեան արդիւնքում ներկայացրել է սեփական սմարթֆոնը, որն արտադրւելու է սահմանափակ քանակով ու կոչւում է «Enjoy 7»: 

«alikonline.ir» - Հանրայայտ «KFC» արագ սննդի ռեստորանների ցանցը չինական «Huawei» տեխնոլոգիական ընկերութեան հետ համագործակացութեան արդիւնքում ներկայացրել է սեփական սմարթֆոնը, որն արտադրւելու է սահմանափակ քանակով ու կոչւում է «Enjoy 7»: Դրա վրայ դաջւած է «KFC»-ի խորհրդանիշը համարւող գնդապետ Սանդերսի պատկերը: Գրում է «tert.am»-ը:

Ինչպես նշում է «CNBC»-ն, սմարթֆոնը թողարկւել է Չինաստանում՝ այդ երկրում «KFC»-ի գործունէութեան 30-ամեակի կապակցութեամբ:

Սարքն ունի 1280X720 լուծաչափով 5 դիւրմանոց էկրան, «Qualcomm» «Snapdragon» 425 քառամիջուկ պրոցեսոր, 3 գիգաբայթ ծաւալով օպերատիւ յիշողութիւն:

«KFC»-ն եւ «Huawei»-ն դարձել են անցած 30 տարւայ ընթացքում Չինաստանի բուռն զարգացման խորհրդանիշները: Մեր համագործակցութիւնը իւրատեսակ յարգանքի տուրք է այդ ժամանակահատւածին»,- ասել է «KFC»-ի ներկայացուցիչը:

Հեռախօսն արժէ 160 դոլար: Այն կարտադրւի 5 հազար օրինակով:

Յարակից Հրապարակումներ

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։