Հա

Այլ

Երեքշաբթի, 08 Օգոստոսի 2017 08:20

Քաղցկեղից բուժւելու կապակցութեամբ խնջոյք կազմակերպած տղամարդը ընկել է ժայռից ու մահացել

Տղամարդը, որը երկար ժամանակ պայքարել է ծանր քաղցեղի դէմ ու յաղթել այն, ուրախութիւնից տօնակատարութիւն է կազմակերպել ընկերների հետ, որի ժամանակ ընկել է ժայռից ու մահացել։

«alikonline.ir» - Տղամարդը, որը երկար ժամանակ պայքարել է ծանր քաղցեղի դէմ ու յաղթել այն, ուրախութիւնից տօնակատարութիւն է կազմակերպել ընկերների հետ, որի ժամանակ ընկել է ժայռից ու մահացել։ Գրում է «news.am»-ը:

Երեք երեխաների հայր 31-ամեայ Ադամ Ֆենթոնը՝ Մեծ Բրիտանիայից, աւարտել էր արեան քաղցկեղի բուժման համար քիմիաթերապիայի 6 ամսւայ բուժումը։ Չնայած բժիշկները վստահ էին, որ այդ տղամարդուն այլեւս ոչինչ չի օգնի՝ այդ բուժումն աւարտելուց յետոյ անալիզները ցոյց են տւել, որ նրա օրգանիզմում այլեւս լէյկոզի հետքեր չկան։ Ինչ-որ անհաւանական հրաշքով Ադամը յաղթել է ծանրագոյն քաղցկեղը, ու նրան յայտնել են, որ նա փաստացի ռեմիսիայի վիճակում է։ Այս տարւայ յուլիսի 28-ին տղամարդը «այն աշխարհից վերադառնալու» կապակցութեամբ իր ընկերների հետ միասին հաւաքոյթ է կազմակերպել Նիւքի լողափի ժայռերից ոչ հեռու։

Ֆենթոնը մտադիր էր մօտ ժամանակներս ամուսնանալ իր սիրեցեալի հետ, հարսանիքին պէտք է մասնակցէին նաեւ նրա երկու հարազատ դստրերը ու  որդեգրած դուստրը։ Սակայն տղամարդը, ըստ ամենայնի, իր հրաշագործ վերակենդանացումն այնքան բուռն է տօնել, որ կորցրել է զգուշաւորութեան բոլոր նշոյլները։ Նրա մարմինը յայտնաբերել են ժայռերից մէկի ստորոտին, որից նա ընկել էր՝ դժբախտ պատահարի հետեւանքով։

«Նա իր սարսափելի ախտորոշման մասին 9 ամիս առաջ էր իմացել, դա լէյկոզի ամենաագրեսիւ տեսակներից մէկն էր, ընդ որում հիւանդութիւնը ախտահարել էր սիրտը, թոքերը ու աւշային հանգոյցները, բոլոր կանխատեսումները չափազանց տխուր էին, բայց նա անցել էր քիմիաթերապիայի 6 ամսւայ բուժում, ու ի զարմանս բոլոր մասնագէտների՝ յաղթել քաղցեղը։ Մենք այդ յաղթանակը տօնում էինք ամբողջ սրտով, ու ոչ ոք չէր կարող պատկերացնել, որ Ադամը կը մահանայ այդքան անհեթեթ ձեւով ու իր կեանքի նման ուրախալի իրադարձութիւնից յետոյ»,- պատմում է Ադամի հարսնացուի մայրը։

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։