Հա

Այլ

30/08/2017 - 11:20

Գիտնականներ. «Դարչինը կարող է չէզոքացնել իւղոտ սննդի հասցրած վնասը»

Դարչինը կարող է օգնել չէզոքացնել օրգանիզմին իւղոտ սննդի հասցրած վնասը: Հետազօտութիւնը ցոյց է տւել, որ դարչինը դանդաղեցրել է ճարպի կուտակման պրոցեսը եւ նւազեցրել սրտի հիւանդութիւնների առաջացման վտանգը:

«alikonline.ir» - Դարչինը կարող է օգնել չէզոքացնել օրգանիզմին իւղոտ սննդի հասցրած վնասը: Այս մասին նշւած է նոր հետազօտութիւնում, որի արդիւնքները ներկայացւել են «American heart Association»-ի համաժողովի ընթացքում: Գրում է «news.am»-ը:

Մասնագէտները հետազօտութիւն են անցկացրել առնետների մասնակցութեամբ, որի ընթացքում կրծողներին 12 շաբաթ շարունակ իւղոտ մթերքներով են կերակրել: Որոշների ուտելիքին նաեւ դարչին են աւելացրել: Հետազօտութիւնը ցոյց է տւել, որ դարչինը դանդաղեցրել է ճարպի կուտակման պրոցեսը եւ նւազեցրել սրտի հիւանդութիւնների առաջացման վտանգը:

Դարչին օգտագործած առնետներն աւելի քիչ են կշռել, նրանց արեան մէջ շաքարի, ինսուլինի եւ ճարպերի մակարդակն աւելի քիչ է եղել, քան դարչին չստացած կրծողների մօտ: Նրանց օրգանիզմում նաեւ աւելի շատ հակաօքսիդանտներ եւ հակաբորբոքային մոլեկուլներ են եղել:

Աւելի վաղ անցկացւած հետազօտութիւնները նոյնպէս ցոյց են տւել, որ դարչինն օգտակար է առողջութեան համար: Ուսումնասիրութիւններից մէկի համաձայն՝ դարչինը բարելաւում է նոր բան սովորելու ունակութիւնը, ուղեղը պաշտպանում դեմենցիայից եւ պարկինսոնի հիւանդութիւնից: Բացի այդ՝ Արիզոնայի համալսարանի մասնագէտները պարզել են, որ դարչնի ալդեհիդը (միացութիւն, որը դարչնին իւրայատուկ համ ու հոտ է տալիս) օգնում է յաղթահարել հաստաղիքի քաղցկեղը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։