Հա

Այլ

03/12/2017 - 08:20

Գիտնականները պարզել են, թէ ինչու է վնասակար նախաճաշերը բաց թողնելը

Վերջերս կատարւած հետազօտութիւնը, որը հրապարակւած է «Journal of Psychology»-ում, ցոյց է տւել, որ այն մարդիկ, ովքեր չեն հրաժարւում նախաճաշից, աւելի քիչ են նախատրամադիր սիրտ-անօթային հիւանդությունների եւ շաքարախտի: 

«alikonline.ir» - Վերջերս կատարւած հետազօտութիւնը, որը հրապարակւած է «Journal of Psychology»-ում, ցոյց է տւել, որ այն մարդիկ, ովքեր չեն հրաժարւում նախաճաշից, աւելի քիչ են նախատրամադիր սիրտ-անօթային հիւանդությունների եւ շաքարախտի: Տեղեկացնում է «Արմէնպրես»-ը:

Փորձագէտները 21-ից մինչեւ 60 տարեկան 49 մարդու խնդրել են վեց շաբաթւայ ընթացքում ամէն օր սնունդ ընդունել արթնանալուց յետոյ երկու ժամւայ ընթացքում կամ էլ մինչեւ կէսօր քաղցած մնալ:

Նրանք կարող էին ընտրել ցանկացած կերակրատեսակ, սակայն շատերը գերադասել են աւանդական նախաճաշը փաթիլներով, տոստերով եւ հիւթով: Թեստից առաջ եւ յետոյ գիտնականները գրանցել են մասնակիցների նիւթափոխանակութեան ցուցանիշները:

Նրանք նաեւ կատարել են ճարպաբջիջների բիոպսիա՝ պարզելու, թէ ինչպէս են գործում այն 44 գէներն ու սպիտակուցները, որոնք պատասխանատու են նիւթափոխանակութեան համար: Հետազօտութեան ընթացքում պարզւել է, որ նախաճաշերը նւազեցնում են այն գէների ակտիւութիւնը, որոնք կապւած են ինսուլինառեզիստենտութեան հետ, եւ նորմայի սահմաններում են մեծացնում արեան մէջ շաքարի պարունակութիւնը, ինչը ժամանակի հետ կարող է օրգանիզմը պաշտպանել շաքարախտից եւ սրտի հիւանդութիւններից: Ըստ որում այն լրացուցիչ կալորիաները, որոնցով իրենց ծանրաբեռնում են նախաճաշել սիրողները, օրգանիզմին էական վնաս չեն պատճառում, հաղորդել է «ՌԻԱ Նովոստի»-ն:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։