Հա

Այլ

04/01/2018 - 09:00

Նուռը կարող է օգնել յիշողութեան խանգարումների դէպքում

Նռան մէջ պարունակւող պոլիֆենոլն օգնում է պայքարել դեգեներատիւ հիւանդութիւնների դէմ եւ լաւացնում է յիշողութիւնն ու կոգնիտիւ ֆունկցիաները: Մասնագէտները պնդում են, որ պոլիֆենոլը նւազեցնում է օքսիդատիւ սթրեսները եւ ուղեղը պաշտպանում նեարդաբանական ու հոգեբուժական հիւանդութիւններից: 

«alikonline.ir» - Նռան մէջ պարունակւող պոլիֆենոլն օգնում է պայքարել դեգեներատիւ հիւանդութիւնների դէմ եւ լաւացնում է յիշողութիւնն ու կոգնիտիւ ֆունկցիաները: Մասնագէտները պնդում են, որ պոլիֆենոլը նւազեցնում է օքսիդատիւ սթրեսները եւ ուղեղը պաշտպանում նեարդաբանական ու հոգեբուժական հիւանդութիւններից: Գրում է «news.am»-ը:

Միջին եւ ավւագ տարիքի մարդիկ յաճախ են սկսում մոռանալ, թէ բանալիները որտեղ են դրել կամ արդեօք գազն անջատել են: Նման մարդկանց յաճախ խորհուրդ են տալիս նուշ ուտել, որն իբր պէտք է օգնի յիշողութիւնը կորցնելու դէպքում: Մասնագէտների խօսքով, սակայն, նուռը այս հարցում աւելի արդիւնաւէտ է: Աւելին՝ նուռը մի ամբողջ շարք օգտակար յատկութիւններ ունի՝ քաղցկեղի եւ սրտի հիւանդութիւնների պաշտպանութիւնից մինչեւ իմունիտետի եւ յիշողութեան ամրապնդում:

Նռան մէջ պարունակւող պոլիֆենոլը հանդիպում է նաեւ մեծ թւով բուսական մթերքներում՝ օգնելով պայքարել դեգեներատիւ հիւանդութիւնների դէմ: Պոլիֆենոլը նւազեցնում է օքսիդացման սթրեսը եւ ուղեղը պաշտպանում է նեարդաբանական ու հոգեբուժական հիւանդութիւններից: Պոլիֆենոլով յագեցած մթերքները ամրացնում են յիշողութիւնը եւ կոգնիտիւ ֆունկցիաները: Նուռը ահռելի քանակութեամբ պոլիֆենոլ է պարունակում, որը այն ուղեղի համար շատ օգտակար է դարձնում:

Նշենք, որ յիշողոթեան խանգարումները բաւականին յաճախ են հանդիպում սրտի վիրահատութեան ենթարկւած հիւանդների մօտ: 2013 թւականին հետազօտողներն ապացուցել են, որ այսպիսի հիւանդների սննդակարգի մէջ նռան հիւթի ներառումը վիրահատութիւնից մէկ շաբաթ առաջ եւ վիրահատութիւնից յետոյ 6 շաբաթւայ ընթացքում նրանց պաշտպանում է յիշողութեան կորստից: Նուռն առանձնապէս օգտակար է այն մարդկանց, որոնց մօտ տարածական կողմնորոշումը զարգացած չէ. ապացուցւել է, որ միրգը յիշողութեան հէնց այս տարատեսակը միւսներից աւելի լաւ է ամրացնում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։