Հա

Այլ

13/01/2018 - 11:50

Ո՞ր մթերքներն են քաղցկեղը կանխում

Սննդային մանրաթելերի մեծ պարունակութեամբ դիետան կարող է զգալիօրէն նւազեցնել կոլորեկտալ քաղցկեղով հիւանդանալանու հաւանականութիւնը, պարզել են բրիտանական Բաբրահամի ինստիտուտի գիտնականները:

«alikonline.ir» - Սննդային մանրաթելերի մեծ պարունակութեամբ դիետան կարող է զգալիօրէն նւազեցնել կոլորեկտալ քաղցկեղով հիւանդանալանու հաւանականութիւնը, պարզել են բրիտանական Բաբրահամի ինստիտուտի գիտնականները: Տեղեկացնում է «news.am»-ը:

Բրիտանացի հետազօտողները յայտնաբերել են, որ խթաղիի էպիթելային հիւսւածքների ԴՆԹ-ում գիստոնների բարձր մակարդակ է պարունակւում, որոնք պատասխանատու են գէների միացման եւ անջատման համար, այսինքն՝ դրանց ակտիւութեան համար: Ըստ որում՝ ոչ պակաս դերակատարում ունեն կարճաշղթայ ճարպաթթուները (ԿՇՃ): ԿՇՃ-ն մեծացնում է այսպիսի գիստոնների մակարդակը եւ նւազեցնում «HDAC2» սպիտակուցի քանակութիւնը, որի պարունակութիւնը գիտնականները կապում են քաղցկեղի առաջացման հաւանականութեան հետ: ԿՇՃ-ն եւ գիստոնները դրական են ազդում ինֆեկցիաների դէմ օրգանիզմի պայքարելու կարողութեան եւ ուռուցքային հիւանդութիւնների նկատմամբ նրա կայունութեան վրայ:

Օրգանիզմը ԿՇՃ է արտադրում սննդային մանրաթելերի ֆերմենտացման պրոցեսում, որոնցով հարուստ են բանջարեղէնը, մրգերը, նպարեղէնը: Բջջանիւթի մեծ պարունակութեամբ դիետան նպաստում է ԿՇՃ-ի ակտիւ արտադրմանը, ինչն, իր հերթին, կարեւոր է քաղցկեղի կանխման համար:

«Կարճաշղթայ ճարպաթթուները աղիների բջիջների համար էներգիայի հիմնական աղբիւրն են, սակայն մենք նաեւ պարզել ենք, որ դրանք գէնոմում ազդում են գիստոնների վրայ»,- ասում է հետազօտութեան հեղինակներից Ռէյչէլ Ֆելլոուսը:

Ինչպէս նշում են Բաբրահամի ինստիտուտի աշխատակիցները, հետազօտութիւնը թոյլ է տւել յայտնաբերել «HDAC2» սպիտակուցի նոր դերը, որը կապւած է կոլորեկտալ քաղցկեղի առաջացման հետ: Նրանց կարծիքով՝ հետագայում սա կարող է նպաստել նոր դեղամիջոցների ստեղծմանը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։