Հա

Այլ

Չորեքշաբթի, 24 Յունւարի 2018 09:10

Գիտնականներ. «Կենսաթոշակի անցնելը էականօրէն մեծացնում է դեմենցիայի առաջացման վտանգը»

Կենսաթոշակի անցնելը մարդու մօտ արագացնում է բանաւոր յիշողութեան կորուստը, որը պատասխանատու է տեքստային տեղեկատւութիւնը մտապահելու մարդու ընդունակութեան համար: Այս եզրակացութեանն են եկել Լոնդոնի Համալսարանական քոլեջի եւ Լոնդոնի Թագաւորական քոլեջի գիտնականներն իրենց հետազօտութեան մէջ, որը հրապարակւած է «European Journal of Epidemiology» բժշկական հանդէսում: 

«alikonline.ir» - Կենսաթոշակի անցնելը մարդու մօտ արագացնում է բանաւոր յիշողութեան կորուստը, որը պատասխանատու է տեքստային տեղեկատւութիւնը մտապահելու մարդու ընդունակութեան համար: Այս եզրակացութեանն են եկել Լոնդոնի Համալսարանական քոլեջի եւ Լոնդոնի Թագաւորական քոլեջի գիտնականներն իրենց հետազօտութեան մէջ, որը հրապարակւած է «European Journal of Epidemiology» բժշկական հանդէսում: Տեղեկացնում է «Արմէնպրես»-ը:

45-ից մինչեւ 68 տարեկան աւելի քան 3 հազար կամաւորներ են մասնակցել ընդգրկուն գիտափորձին, որի ընթացքում բժիշկները 30 տարի կանոնաւոր կերպով ստուգել են փորձարկւողների մտաւոր ընդունակութիւնների մակարդակը: Ինչպէս պարզւել է՝ հէնց որ մարդը դադարում է աշխատել, նրա մօտ զգալիօրէն արագանում է ճանաչողական տարբեր գործառոյթների կորստի գործընթացը: Այսպէս, բանաւոր յիշողութեան վատացումը, ինչը միանգամայն բնական գործընթաց է, թոշակառուների մօտ 38 տոկոսով աւելի արագ է ընթանում, քան այն մարդկանց մօտ, որոնք շարունակում են իրենց կարիերան:

Ինչպէս նշում են փորձագէտները, յիշողութեան այդօրինակ կորուստը զգալիօրէն մեծացնում է տարեցների մօտ դեմենցիայի աւելի վաղ զարգացման վտանգը: «Այս հետազօտութիւնն ակնառու կերպով ցուցադրում է աւագ տարիքի մարդկանց համար ցանկացած մտաւոր գործունէութեան օգուտն ու անհրաժեշտութիւնը»,- ասւած է գիտական աշխատութեան մէջ:

Այս բացայայտման ակտուալութիւնն այն է, որ Եւրոպայի զարգացած երկրներում կեանքի միջին տեւողութեան աւելանալուն զուգընթաց աւելանում է նաեւ դեմենցիայով տառապող մարդկանց թւաքանակը: Այսպէս, պաշտօնական տւեալների համաձայն, 2016 թւականին այսօրւայ դրութեամբ անբուժելի հիւանդութիւնը մահւան հիմնական պատճառն է դարձել Վելսում եւ Անգլիայում, հաղորդել է «ՏԱՍՍ»-ը:

Յարակից Հրապարակումներ

  • Վեց գործօն, որոնք բարձրացնում են զարկերակային ճնշումը
    Վեց գործօն, որոնք բարձրացնում են զարկերակային ճնշումը

    Սրտի ամերիկեան ասոցիացիայի գիտնականները յայտնել են 6 պատճառ, որոնք ազդում են զարկերակային ճնշման բարձրացման վրայ:

  • Նստակեաց կենսակերպը վնասում է յիշողութեանը
    Նստակեաց կենսակերպը վնասում է յիշողութեանը

    Նստակեաց կենսակերպը կապակցւած է ուղեղի այն գօտու բարակման հետ, որը կարեւորագոյն դեր է կատարում էքսպլիցիտային յիշողութեան աշխատանքում, պարզել են Լոս Անջելէսի Քալիֆորնիական համալսարանի հետազօտողները։ Յիշողութեան այդ տեսակը ֆիքսում է փաստերն ու իրադարձութիւնները։ Ընդ որում  նոյնիսկ ինտենսիւ ֆիզիկական ակտիւութիւնը ուղեղը չի պաշտպանում երկար անշարժութեան հետեւանքներից։

  • Դեմենցիայի կանխարգելման 6 գործուն միջոց
    Դեմենցիայի կանխարգելման 6 գործուն միջոց

    Ամբողջ մոլորակում աճում է դեմենցիայով՝ տկարամտութեամբ տառապող մարդկանց թիւը, եւ բնակչութեան ծերացումը դրան միայն նպաստում է: Այսօր դեմենցիայով է տառապում 85 տարեկանից մեծ իւրաքանչիւր երրորդ մարդը: 

  • Վտանգաւո՞ր է արդեօք մաստակ կուլ տալը
    Վտանգաւո՞ր է արդեօք մաստակ կուլ տալը

    Բոլորս, հաւանաբար, լսել ենք պատմութիւններ այն մասին, թէ որքան վտանգաւոր է մաստակ կուլ տալը: Բայց իրականում դա արդեօք այդքան վտանգաւո՞ր է: Ամերիկացի գիտնականները մանրամասն ներկայացրել են, թէ օրգանիզմում ինչ է յատկապէս տեղի ունենում, երբ մարդն, այնուամենայնիւ, մաստակ է կուլ տալիս: 

  • Գիտնականները նշել են վաղաժամ մահւան անսպասելի պատճառը
    Գիտնականները նշել են վաղաժամ մահւան անսպասելի պատճառը

    Անգլիայի Սուրէյի համալսարանի գիտնականները պարզել են, որ այն մարդկանց մօտ, որոնք նախընտրում են ուշ պառկել քնելու եւ ուշ արթնանալ (այսպէս կոչւած «բուեր»), աւելի մեծ է վաղաժամ մահւան վտանգը շուտ արթնացող «արտոյտների» համեմատութեամբ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։