Հա

Այլ

27/01/2018 - 08:30

Քրքումը պաշտպանում է դեմենցիայից. հետազօտութիւն

Սնունդի մէջ քրքումի ամենօրեայ օգտագործումը նպաստում է առողջ մարդկանց յիշողութեան լաւացմանը եւ օգնում է պայքարել դեմենցիայի ախտանիշների դէմ: Այսպիսի եզրակացութեան են յանգել Լոս Անջելէսի Քալիֆորնիայի համալսարանի գտնականները:

«alikonline.ir» - Սնունդի մէջ քրքումի ամենօրեայ օգտագործումը նպաստում է առողջ մարդկանց յիշողութեան լաւացմանը եւ օգնում է պայքարել դեմենցիայի ախտանիշների դէմ: Այսպիսի եզրակացութեան են յանգել Լոս Անջելէսի Քալիֆորնիայի համալսարանի գտնականները: Ըստ «news.am»-ի՝ յայտնում է «EurekAlert»-ը:

Փորձին մասնակցել է 50-ից մինչեւ 90 տարեկան 40 հիւանդ: Նախկինում նրանք բողոքել են ցրւածութիւնից եւ յիշողութեան վատթարացումից: Փորձարկւողները 18 ամիս օրական 2 անգամ կա՛մ պլացեբո են ստացել, կա՛մ 90 միլիգրամ քրքում (քրքումի արմատից արտադրւող նիւթ):

Բոլոր մասնակիցները համալիր զննում են անցել, կրկնակի ախտորոշում է կատարւել իւրաքանչիւր 6 ամիսը մէկ: Գիտնականները նկատել են, որ զգալիօրէն լաւացել է նրանց յիշողութիւնն ու կենտրոնացւածութիւնը, ովքեր քրքում են օգտագործել: Այսպէս՝ նրանց մօտ ուշադրութեան թեստի արդիւնքները 28 տոկոսով աւելի լաւ են եղել, քան մինչեւ սնունդի մէջ հնդկական համեմունքի օգտագործումը: Դրանից բացի, համեմունքը դրական ազդեցութիւն է ունեցել փորձարկւողների տրամադրութեան վրայ:

Միեւնույն ժամանակ, մասնագէտները նաեւ կողմնակի էֆեկտներ են յայտնաբերել: Այսպէս՝ քրքում օգտագործած 4 մարդ բողոքել է փորացաւից եւ սրտխառնոցից:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։