Հա

Այլ

03/02/2018 - 09:30

Կաթից հրաժարւելը 13 կէտով նւազեցնում է երեխաների «IQ»-ն

Վեգանեան դիետայի կողմնակիցների քանակի աւելացումը, յատկապէս երիտասարդ կանանց շրջանում, կարող է վտանգաւոր լինել յաջորդ սերունդների համար․ կովի կաթի բուսական փոխարինողները չեն պարունակում բաւականաչափ եոդ, որն անհրաժեշտ է սերնդի մտաւոր զարգացման համար։ Այս մասին ասւում է «British Journal of Nutrition» ամսագրում հրապարակւած հետազօտութեան մէջ։ 

«alikonline.ir» - Վեգանեան դիետայի կողմնակիցների քանակի աւելացումը, յատկապէս երիտասարդ կանանց շրջանում, կարող է վտանգաւոր լինել յաջորդ սերունդների համար․ կովի կաթի բուսական փոխարինողները չեն պարունակում բաւականաչափ եոդ, որն անհրաժեշտ է սերնդի մտաւոր զարգացման համար։ Այս մասին ասւում է «British Journal of Nutrition» ամսագրում հրապարակւած հետազօտութեան մէջ։ Տեղեկացնում է «news.am»-ը:

Հետազօտութիւնները, որոնք իրականացրել են գիտնականների միջազգային խումբը զարգացող երկրների տարածքում, ցոյց են տւել, որ այն տարածաշրջաններում, որոնց բնակչութիւնը տառապում է եոդի պակասից, աճող սերունդը «IQ»-ի մակարդակով միջինը 12.4-13 միաւորով  հետ է մնում բաւարար քանակութեամբ եոդ ստացող հասակակիցների համեմատ։

Ինչ վերաբերում է վեգանեան սննդակարգի կողմնակիցներին՝ ապա ըստ «University of Surrey» համալսարանի մասնագէտների հետազօտութեան արդիւնքների, նրանց մօտ եոդի պակասի ամենատարածւած պատճառներից մէկը կաթից ու կաթնամթերքից հրաժարւելն է։ Փորձագէտները համարում են, որ յղի կանանց սննդակարգում կովի կաթի բացակայութիւնը կարող է նրանց ապագայ սերնդին դարձնել աւելի հիմար։ Վերլուծելով «կաթի փոխարինողների» 47 տեսակներ (այդ թւում սոյայի, կոկոսի, նուշի ու վարսակի), հետազօտողները պարզել են, որ այդ մթերքները լաւագոյն դէպքում պարունակում են կովի կաթում պարունակւող եոդի զանգւածի 2 տոկոսը։

Սննդակարգից կաթը հանելու հիմնական պատճառներից մէկը աղիների գրգռման ու լակտոզայի անմարսելիութեան հետեւանքով գազագոյացման բարձրացման խնդիրներն են։ Բայց կոշտ վեգանեան սննդակարգը, որը վերջին տարիներին մեծ տարածում է գտել, սովորաբար կապակցւած չէ այդ խնդրի հետ՝ այդ սննդակարգին մարդիկ տարբեր պատճառներով են հետեւում ու դրանից նրանք ու նրանց երեխաները ոչ միշտ են շահում։

Գիտնականների խօսքով՝ սննդակարգում եոդի պակասը կարող է նաեւ առաջացնել քրոնիկ հոգնածութիւն՝ վահանաձեւ գեղձի աշխատանքի խախտումների հետեւանքով ։ Ու ամենակարեւորն այն է, որ յղիության ընթացքում եոդ քիչ գործածած մայրերից ծնւած նորածինները կարող են մտաւոր յետամնացութեան բախւել։ Իսկ երեխաների կողմից եոդի գործածման ցածր մակարդակն էլ իր հերթին կարող է ազդել նրանց մտաւոր զարգացման վրայ։

 

Յարակից լուրեր

  • Ասպիրին. աւելի շատ օգտակա՞ր է, թէ՞ վնասակար
    Ասպիրին. աւելի շատ օգտակա՞ր է, թէ՞ վնասակար

    Ասպիրինի մասին վերջին ժամանակներս յաճախ ենք լսում. այս դեղամիջոցը հիմա ընդունում են մի ամբողջ շարք հիւանդութիւնների կանխարգելման համար։ Բայց նոր հետազօտութեան հեղինակները, որը հրապարակւել է «Journal of the American Medical Association»-ում, նախազգուշացնում են, որ թէեւ ասպիրինն իջեցնում է ինֆարկտի եւ ինսուլտի ռիսկը, դրա կիրառումից ներքին արնահոսութիւնների հաւանականութիւնը էապէս աւելանում է, եւ դա պացիենտները պէտք է իմանան։

  • Ինչպէս կարող են քաշը եւ հասակն ազդել ձեր կեանքի տեւողութեան վրայ
    Ինչպէս կարող են քաշը եւ հասակն ազդել ձեր կեանքի տեւողութեան վրայ

    Քաշը եւ հասակը կարող են զգալի ազդեցութիւն ունենալ կանանց կեանքի տեւողութեան վրայ, պնդում են Հոլանդիայում «Maastricht» համալսարանի բժշկական կենտրոնի գիտնականները: Հետաքրքիր է, որ տղամարդկանց դէպքում նման կապ չի յայտնաբերւել:

  • Հետազօտութիւն. «Կլիմայի փոփոխութիւններից տարեկան աւելի քան 250 հազար մարդ կարող է մահանալ»
    Հետազօտութիւն. «Կլիմայի փոփոխութիւններից տարեկան աւելի քան 250 հազար մարդ կարող է մահանալ»

    Կլիմայի փոփոխութիւններից տարեկան աւելի քան 250 հազար մարդ կարող է մահանալ: Նման տւեալներ են ներկայացւում «The New England Journal of Medicine» ամսագրում հրապարակւած նոր հետազօտութիւնում: 

  • Հետազօտութիւն. «Սմարթֆոններն ազդում են երեխայի հոգեկան առողջութեան վրայ»
    Հետազօտութիւն. «Սմարթֆոններն ազդում են երեխայի հոգեկան առողջութեան վրայ»

    Տասնութ տարեկանից փոքր երեխաներն ու դեռահասները, որոնք օրւայ ընթացքում սմարթֆոնների, այլ գաջեթների կամ հեռուստացոյցի էկրանի առաջ մէկ ժամից աւելի ժամանակ են անցկացնում, կարող են հոգեկան խնդիրներ ձեռք բերել:

  • Կաթը վաղաժամ մահից փրկում է
    Կաթը վաղաժամ մահից փրկում է

    Օրական կաթնամթերքի երեք չափաբաժնի օգտագործումը կապւած է սիրտ-անօթային հիւանդութիւնների եւ վաղաժամ մահւան հաւանականութեան նւազման հետ: Այսպիսի եզրակացութեան են յանգել Մաքմասթերի համալսարանի (Կանադա) գիտնականները, նշւած է «MedicalXpress»-ի մամուլի հաղորդագրութեան մէջ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։