Հա

Այլ

07/02/2018

Գիտնականները պարզել են՝ ինչու են տարեց մարդիկ աւելի յաճախ տառապում քաղցկեղով

Իմունային համակարգի թուլացումն այն բանի գլխաւոր պատճառներից մէկն է, որ տարեց մարդիկ անհամեմատ աւելի յաճախ են տառապում քաղցկեղով:

«alikonline.ir» - Իմունային համակարգի թուլացումն այն բանի գլխաւոր պատճառներից մէկն է, որ տարեց մարդիկ անհամեմատ աւելի յաճախ են տառապում քաղցկեղով: Այդ մասին, ինչպէս տեղեկացնում է «Արմէնպրես»-ը, ասւած է «PNAS» հանդէսում հրապարակւած յօդւածում:

«Առայժմ վաղ է այդ մասին խօսել, բայց եթէ մենք ճիշտ ենք, ապա այդ դէպքում կը ստացւի, որ քաղցկեղը հարկաւոր է բուժել ամենեւին ոչ այնպէս, ինչպէս դա անում են այսօր: Այժմ բոլոր ջանքերն ուղղւած են մուտացիաների ուսումնասիրման եւ դրա դէմ պայքարի վրայ:

Մենք չենք ասում, որ դրանք քաղցկեղ չեն առաջացնում, բայց հարց ենք տալիս՝ կարող է արդեօք դրանց կուտակումը տարիքի աճի համեմատ ինքնաբերաբար մեծացնել ուռուցքի ի յայտ գալու հաւանականութիւնը»,- պատմում է Դանդիի համալսարանի (Շոտլանդիա) աշխատակից Թէա Նիւմանը:

Քաղցկեղն այսօր համարւում է մարդու մահւան գլխաւոր պատճառներից մէկը զարգացած երկրներում, եւ դրա գլխաւոր առանձնայատկութիւնը կարելի է նշել այն, որ դրա առաջացման յաճախականութիւնը նկատելիօրէն մեծանում է առաջացած տարիքում: Նիւմանը եւ նրա գործընկերները կարծում են, որ բջիջներում մուտացիաների կուտակումը գլխաւոր պատճառը չէ այն բանի, թէ ինչու է քաղցկեղն աւելի յաճախ ախտահարում տարեցներին՝ ուշադրութիւն դարձնելով մի հասարակ բանի վրայ, որը կապւած է մարդու մարմնի ծերացման հետ:

Ոստի, ինչպէս նշում են կենսաբանները, քաղցկեղի դէմ արդիւնաւէտ պայքարելու համար հարկաւոր է ոչ միայն ճնշել վտանգաւոր մուտացիաների զարգացումը, այլեւ խթանել ամբողջ իմունային համակարգի աշխատանքը, հաղորդել է «ՌԻԱ Նովոստ»-ի գործակալութիւնը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։