Հա

Այլ

07/02/2018

Սննդակա՞րգ, թէ՞ սպորտ. Ո՞րն է աւելի շատ օգնում նիհարել

Նստակեաց կենսակերպը եւ սխալ սննդակարգը այն հիմնական պատճառներն են համարւում, որոնց հետեւանքով մարմնի աւելորդ զանգւածով մարդիկ տարեցտարի աւելի են գիրանում: Այդուհանդերձ, դիետոլոգների շրջանում միասնական կարծիք չկայ, որ սպորտը կամ հաւասարակշռւած սնւելը լաւ կազմւածք պահպանելու համար առաւել կարեւոր են: 

«alikonline.ir» - Նստակեաց կենսակերպը եւ սխալ սննդակարգը այն հիմնական պատճառներն են համարւում, որոնց հետեւանքով մարմնի աւելորդ զանգւածով մարդիկ տարեցտարի աւելի են գիրանում: Այդուհանդերձ, դիետոլոգների շրջանում միասնական կարծիք չկայ, որ սպորտը կամ հաւասարակշռւած սնւելը լաւ կազմւածք պահպանելու համար առաւել կարեւոր են: Գրում է «news.am»-ը:

Նիհարելու ո՞ր ռազմավարութիւնն աւելի շատ օգուտ կը տայ. այս հարցը որոշել են պարզել ԱՄՆ Թեխասի համալսարանի (University of Texas) հետազօտողները: Նրանց կարծիքով՝ շատ բան է կախւած, թէ մարդն ինչպիսի կենսակերպ է վարում  եւ որքան ժամանակ է պատրաստ իր առողջութեանը յատկացնել: Նրանց հետազօտութեան արդիւնքները հրապարակւել են «American Journal of Clinical Nutrition» գիտական ամսագրում:

Հետազօտութեան հեղինակ, դիետոլոգ Ֆիլիպ Սթենֆորդը նշել է, որ սննդակարգը եւ որոշակի մթերքների սահմանափակ օգտագործումը ընտրութեան տարբերակ է նրանց համար, ովքեր աշխատանքային լարւած գրաֆիկ ունեն եւ ֆիզիկական ակտիւութեամբ կանոնաւոր զբաղւելու հնարաւորութիւն չունեն:

Այսպիսի մարդիկ հեշտ են հրաժարւում, օրինակ, շոկոլադէ բատոնից, ինչը թոյլ կը տայ աւելորդ կալորիաներ չստանալ, որոնք այրելու համար կը պահանջւի որոշակի քանակութեամբ ֆիզիկական վարժութիւններ կատարել: Այսպիսով, մարդկանց, որոնք ժամանակ չունեն զբօսնելու կամ մարզասարքերի դահլիճում անցկացնելու համար, խորհուրդ է տրւում առաջին հերթին ուշադրութիւն դարձնել ճիշտ սնւելուն:

Հաւասարակշռւած սննդակարգը առաջնահերթ դերակատարում ունի միայն կարճաժամկէտ հեռանկարում, այնպէս որ՝ ֆիզիկական լաւ վիճակ ունենալու եւ վայելուչ կազմւածք պահպանելու համար վարժութիւններն անհրաժեշտ են: Մարդը որքան ֆիզիկապէս զարգացած է, այնքան շատ կալորիա կը կարողանայ այրել օրւայ ընթացքում: Սա բացատրւում է այն հանգամանքով, որ զարգացած մկանունքում էներգափոխանակութիւնը զգալիօրէն աւելի բարձր է, քան ճարպային հիւսւածքում, որը մարմնի ավելորդ զանգվածով մարդկանց մոտ գերակայում է: Դրանից բացի, կանոնաւոր ֆիզիկական ծանրաբեռնւածութիւնները ամբողջ նիւթափոխանկութիւնը վերափոխում են սնունդի հետ ստացած էներգիայի կուտակման/ծախսման աւելի արագ եւ ճկուն ուղիների: Նման մօտեցումը գործում է երկարաժամկէտ հեռանկարում՝ կանխելով ճարպակալումն ու այլ հիւանդութիւնները, որոնք կապւած են նիւթափոխանակութեան հետ:

Այնուամենայնիւ, ճիշտ սննդակարգի եւ խնամքով ընտրւած մարզումների համալիրի զուգակցումը կօգնի առաւելագոյն արդիւնաւէտութեամբ ազատւել աւելորդ կիլոգրամներից եւ գեղեցիկ կազմւածք ձեռք բերել:

Յարակից լուրեր

  • Մասնագէտները խորհուրդ են տալիս շոգ եղանակին կծու մթերքներ գործածել
    Մասնագէտները խորհուրդ են տալիս շոգ եղանակին կծու մթերքներ գործածել

    Կծու ճաշատեսակների ընտրութիւնը կատարեալ ընտրութիւն է նրանց համար, ովքեր որոշել են շոգ եղանակին մի բան ուտել:

  • 5 կալորիական ու ճարպոտ մթերք, որոնք նպաստում են նիհարելուն
    5 կալորիական ու ճարպոտ մթերք, որոնք նպաստում են նիհարելուն

    Նիհարելու մտադրութիւն ունեցող մարդկանց մեծ մասը խուսափում է այդ մթերքներից ու դրանք համարում վնասակար։ Իրականում չարժի դրանք ամբողջովին բացառել սննդակարգից, քանի որ դրանք պարունակում են օրգանիզմին անհրաժեշտ բազմաթիւ սննդարար նիւթեր։

  • Նստակեաց կենսակերպը մահացու վտանգաւոր է
    Նստակեաց կենսակերպը մահացու վտանգաւոր է

    Նստակեաց կենսակերպը մահացու վտանգաւոր  է: Քաղցկեղի ուսումնասիրման ամերիկեան հասարակութեան (American Cancer Society) գիտական հետազօտութեան մէջ նշւում է, որ օրական 6 եւ աւելի ժամ նստողների մօտ մահւան վտանգը 19 տոկոսով մեծանում է, եթէ համեմատենք նրանց հետ, ովքեր օրական 3 ժամից քիչ են նստած լինում:

  • Սննդակարգի փոքր խախտումները օգնում են նիհարելուն
    Սննդակարգի փոքր խախտումները օգնում են նիհարելուն

    Նոյնիսկ ամենախիստ սննդակարգերը յաճախ կորցնում են իրենց արդիւնաւէտութիւնը, քանի որ օրգանիզմը սովորում է այն իրողութեանը, որ քիչ կալորիաներ է ստանում ու սկսում է էներգիա «պաշարել» ու աւեի քիչ կալորիա այրել։ Ընդ որում մարդը, բնականաբար, դադարում է նիհարել։

  • Մաստակը կարող է նպաստել նիհարելուն
    Մաստակը կարող է նպաստել նիհարելուն

    Մաստակը կարող է օրգանիզմին օգուտ տալ եւ նպաստել նիհարելուն, եթէ այն ծամէք քայլելիս: Այսպիսի եզրահանգում են կատարել Տոկիոյի Վասեդա համալսարանի ճապոնացի գիտնականները

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։