Հա

Այլ

03/03/2018

Ինչպէս են բրիտանական համալսարանները խրախուսում ուսանողներին ապրել առանց սմարթֆոնների

Մեծ Բրիտանիայում նոր յաւելւած են գործարկում, որը պարգեւատրում է ուսանողներին այն ժամանակահատւածի համար, որը նրանք առանց սմարթֆոնի են անցկացրել:

«alikonline.ir» - Մեծ Բրիտանիայում նոր յաւելւած են գործարկում, որը պարգեւատրում է ուսանողներին այն ժամանակահատւածի համար, որը նրանք առանց սմարթֆոնի են անցկացրել: Գրում է «tert.am»-ը:

Ինչպէս ներկայացնում է «BBC»-ն, «Hold» յաւելւածը ստեղծել են երեք ուսանող, որոնք ծանօթացել են Կոպենհագենի բիզնես դպրոցում: Նրանք ցանկանում էին ստեղծել մի բան, որը կօգնէր պայքարել գաջեթներից կախւածութեան դէմ:

Նոր յաւելւածը մեծ տարածում է գտել Սկանդինաւեան երկրներում: Նորւեգիայում, Դանիայում եւ Շւեդիայում այն օգտագործում է աւելի քան 120 հազար մարդ:

Լոնդոնեան տնտեսագիտական դպրոցում անցկացւած ուսումնասիրութիւնը ցոյց է տւել, որ ուսանողները, ովքեր չեն օգտագործել իրենց սմարթֆոնները դպրոցի տարածքում, 6.4 տոսկոսով աւելի բարձր ցուցանիշներ են գրանցել ստուգարքի ժամանակ:

Նորաստեղծ յաւելւածն առաջարկել են թագաւորութեան ողջ տարածքում գտնւող 170 համալսարանի: Այն աշխատում է ինչպէս «Android», այնպէս էլ «iOS» օպերացիոն համակարգերով: 

Ուսանողները 10-ական միաւոր կը ստանան իւրաքանչիւր 20 րոպէի համար, երբ սմարթֆոն չեն օգտագործի 07:00-23:00-ն ընկած ժամականահատւածում: Խրախուսական ծրագրի շրջանակում նրանք այդ միաւորները կարող են փոխանակել անվճար սուրճի, հագուստի կամ կինոյի տոմսի հետ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։