Հա

Այլ

11/03/2018

Սպիտակուցների 7 օգտակար աղբիւր դիաբետիկների համար

Դիաբետի վերահսկողութեան գործում մեծ դերակատարում ունի յատկապէս սննդակարգը. առանց ճիշտ սնւելու՝ դեղերը սովորաբար չեն կարող դիաբետով տառապող հիւանդների արեան մէջ գլիւկոզայի մակարդակն արդիւնաւէտօրէն վերահսկել: Ձեր ուշադրութեանն ենք ներկայացնում մի քանի մթերք, որոնք հարուստ են սպիտակուցներով եւ օգտակար դիաբետիկների համար:

«alikonline.ir» - Դիաբետի վերահսկողութեան գործում մեծ դերակատարում ունի յատկապէս սննդակարգը. առանց ճիշտ սնւելու՝ դեղերը սովորաբար չեն կարող դիաբետով տառապող հիւանդների արեան մէջ գլիւկոզայի մակարդակն արդիւնաւէտօրէն վերահսկել: Ձեր ուշադրութեանն ենք ներկայացնում մի քանի մթերք, որոնք հարուստ են սպիտակուցներով եւ օգտակար դիաբետիկների համար: Գրում է «news.am»-ը:

 

Ընդեղէններ

Ամէն օր 5 բաժակ ընդեղէնային մթերքի օգտագործումը նւազեցնում է սիրտ-անօթային հիւանդութիւնների հաւանականութիւնը, օգնում կարգաւորել քաշը, ինչպէս նաեւ նւազեցնում է ճարպակալւելու հաւանականութիւնը. սա հաստատւել է նաեւ 2016 թւականին հրապարակւած հետազօտութեամբ: Ընդեղէնների այս բոլոր յատկութիւնները շատ կարեւոր են դիաբետը վերահսկելիս, ուստի խորհուրդ է տրւում այն պարտադիր ընդգրկել սննդակարգի մէջ:

 

Ձուկ եւ ծովամթերք

Կանոաւորապէս ձուկ օգտագործող մարդիկ աւելի հազւադէպ են բախւում դիաբետիկ ռետինոպատիային եւ դիաբետի դէպքում այլ բարդութիւններին:

 

Ընկուզեղէն եւ սերմեր

Ընկուզեղէնը մեծ քանակութեամբ  ճարպեր եւ կալորիաներ է պարունակում, սակայն քիչ չէ նաեւ սպիտակուցների պարունակութիւնը, եւ դրանք առողջութեան համար օգտակար են, այդ թւում՝ նաեւ դիաբետիկների: Ամենաօգտակարն են համարւում նուշը, յունական ընկոյզը եւ արեւածաղկի սերմերը:

 

Հաւի միս եւ հաւի մսից արտադրանք

Հաւի անիւղ միսը եւս օգնում է վերահսկողութեան տակ պահել արեան մէջ շաքարի մակարդակը, այս մթերքը ցածր հիպոգլիկեմիկ ինդեքս ունի: Հետազօտութիւնը ցոյց է տալիս, որ հաւի միսը, սպիտակուցի այլ աղբիւրների համեմատութեամբ, շատ օգտակար է դիաբետի վերահսկողութեան համար:

 

Ձու

Դեռեւս 2011 թւականին կատարւած հետազօտութեամբ պարզւել է, որ օրական 2 ձու օգտագործող 2-րդ տիպի դիաբետով տառապող հիւանդները «վատ» խոլեստերինի ցածր մակարդակ ունեն, ինչպէս նաեւ աւելի լաւ են վերահսկում արեան մէջ գլիւկոզայի մակարդակը եւ արեան ճնշումը:

 

Ցածր իւղայնութեամբ կաթ

Կայ սպիտակուցի եւս մի հրաշալի աղբիւր՝ կաթը: Հետազօտութիւնները ցոյց են տալիս, որ 6 ամիս ցածր իւղայնութեամբ կաթի օգտագործումը բարելաւում է ինսուլինի նկատմամբ ռեզիստենտութեան ցուցանիշները՝ այդ ընթացքում ոչ մի կերպ չազդելով առողջ մարդկանց լիպիդների եւ մարմնի զանգւածի վրայ:

 

Սոյա

Հետազօտութիւնները ցոյց են տալիս, որ սոյայի արտադրանքը եւ իզոֆլաւոնները 2-րդ տիպի դիաբետով հիւանդների օրգանիզմի վրայ պաշտպանական ազդեցութիւն է ապահովում: Սակայն աւելի լաւ է զերծ մնալ սոյայի վերամշակւած մթերքներից, ինչպիսին է սոյայի կաթը, որը շաքար է պարունակում: Սոյայի ցանկացած մթերք օգտագործելուց առաջ խորհուրդ է տրւում բաղադրութիւնը կարդալ:

Յարակից լուրեր

  • Սննդակարգի փոքր խախտումները օգնում են նիհարելուն
    Սննդակարգի փոքր խախտումները օգնում են նիհարելուն

    Նոյնիսկ ամենախիստ սննդակարգերը յաճախ կորցնում են իրենց արդիւնաւէտութիւնը, քանի որ օրգանիզմը սովորում է այն իրողութեանը, որ քիչ կալորիաներ է ստանում ու սկսում է էներգիա «պաշարել» ու աւեի քիչ կալորիա այրել։ Ընդ որում մարդը, բնականաբար, դադարում է նիհարել։

  • Մարդիկ սկսել են յիմարանալ
    Մարդիկ սկսել են յիմարանալ

    Նորւեգիայի Տնտեսական հետազօտութիւնների «Ragnar Frisch» կենտրոնի մասնագէտները վերջին մի քանի տասնամեակների ընթացքում մարդու ինտելեկտի մակարդակի անկում են նկատել: Գիտնականները գիտական աշխատանքներն իրականացրել են զինւորական ծառայութեան անցած նորւեգացիների ինտելեկտի (IQ թեստ) մակարդակի թեստերի հիման վրայ:

  • Ինչո՞ւ է վերջին տասնամեակում աճել քաղցկեղով հիւանդացութիւնը
    Ինչո՞ւ է վերջին տասնամեակում աճել քաղցկեղով հիւանդացութիւնը

    Ամբողջ աշխարհում տարեկան արձանագրւող քաղցկեղի դէպքերի քանակը վերջին տասնամեակում գրեթէ մէկ երրորդով աճել է, պարզել են գիտնականները։ Ու պատճառը միայն մարդկանց վնասակար սովորութիւնները ու նրանց կենսակերպը չեն։ Հիւանդացութեան աճի պատճառներից մէկն էլ մարդկանց կեանքի տեւողութեան աւելացումն է, մէկ այլ «դրական» պատճառ է ախտորոշման մեթոդների բարելաւումը։

  • Ֆրանսիայում մէկ տարում ծխելը թողել է 1 մլն. մարդ
    Ֆրանսիայում մէկ տարում ծխելը թողել է 1 մլն. մարդ

    Վերջին տասնամեակում ծխողների թւի ռեկորդային անկում է գրանցւել Ֆրանսիայում: 2016-2017 թւականների համեմատութեամբ նրանց թիւը պակասել է մէկ միլիոնով:

  • Հետազօտութիւն. «Վիտամիններն ու յաւելումները օգուտ չեն տալիս առողջութեանը»
    Հետազօտութիւն. «Վիտամիններն ու յաւելումները օգուտ չեն տալիս առողջութեանը»

    Ամենայաճախ գործածւող վիտամիններն ու յաւելումներն օգուտ չեն տալիս առողջութեանը, հաւաստիացնում են Տորոնտոյի համալսարանի գիտնականները։ 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։