Հա

Այլ

12/03/2018

Գիտնականները յիշողութիւնը բարելաւելու նոր միջոց են գտել

Բիրմինհամի եւ Եօրքի համալսարանների գիտնականները բացայայտել են ուղեղի ակտիւութեան տիպ, որը կապւած է քնի մէջ տեղեկատւութիւնը յիշելու եւ մշակելու հետ:

«alikonline.ir» - Բիրմինհամի եւ Եօրքի համալսարանների գիտնականները բացայայտել են ուղեղի ակտիւութեան տիպ, որը կապւած է քնի մէջ տեղեկատւութիւնը յիշելու եւ մշակելու հետ: Այս մասին, ինչպէս տեղեկացնում է «Արմէնպրես»-ը, գրել է «Eurekalert»-ը:

Հետազօտողներն ուշադրութիւն են դարձրել քնի շպինդելների՝ ուղեղի ակտիւութեան ալիքների վրայ, որոնք կարելի է տեսնել էլեկտրաէնցեֆալոգրամի (ԷԷԳ) միջոցով: Գիտնականներին հետաքրքրել է, թէ դրանք ինչպէս են ազդում քնի մէջ յիշողութեան աշխատանքի վրայ: Դրա համար մասնագէտները կատարել են գիտափորձ. մասնակիցներին խնդրել են քնից առաջ յիշել բառերի եւ օբիեկտների պատկերների միջեւ կապը:

Երբ մարդիկ ննջել են, նրանց համար կրկնել են այդ բառերի կէսը, որպէսզի գործի դնեն յիշողութեան ռեակտիւացման գործընթացը: Յետոյ, երբ մասնակիցներն արթնացել են, նրանց ասել են բառը եւ խնդրել յիշել ճիշտ զուգորդումները: Պարզւել է, որ ամէնից լաւ յիշւել են այն բառերի պատկերներն ու տեսարաննները, որոնք գիտնականները կրկնել են մասնակիցների համար, երբ նրանք քնած են եղել:

ԷԷԳ-ի արդիւնքները ցոյց են տւել, որ հէնց այդ պահին են առաջացել քնի շպինդելները: Բիրմինհամի համալսարանի Հոգեբանութեան դպրոցից Բեռնհարդ Ստարեսինայի խօսքով՝ էլեկտրոդներով շպինդելների խթանումը կարող է դառնալ յիշողութեան բարելաւման միջոցներից մէկը: Գիտնականները ենթադրում են, որ իրենց յայտնագործութիւնը կօգնի այն մարդկանց, որոնց դժւարութեամբ է տրւում ուսուցումը, հաղորդել է «ՌԻԱ Նովոստի»-ն:

Յարակից լուրեր

  • Գիտնականները պարզաբանել են իւղոտ սննդի հանդէպ մարդկանց ձգտումը
    Գիտնականները պարզաբանել են իւղոտ սննդի հանդէպ մարդկանց ձգտումը

    Հելի համալսարանի (ԱՄՆ) մասնագէտները 200 կամաւորների մասնակցութեամբ փորձի շրջանակում պարզել են, որ մարդիկ դժւարանում են հրաժարւել վնասակար ճարպերից ու ածխաջրերից, քանի որ այս սնունդը գործարկում է ուղեղի պարգեւատրման համակարգը: Նէյրոնների մեծացած ակտիւութեան հետեւանքով մարդն աւելի շատ հաճոյք է ստանում բուրգերից կամ պիցցայից, քան «ճիշտ» կերակուրից:

  • Ամերիկացի գիտնականները ստեղծել են սուրճի օգտագործման կատարեալ ալգորիթմ
    Ամերիկացի գիտնականները ստեղծել են սուրճի օգտագործման կատարեալ ալգորիթմ

    Ամերիկեան քնի բժշկութեան ակադեմիայի հետազօտողները մաթեմատիկական ալգորիթմ են ստեղծել, որը թոյլ է տալիս իւրաքանչիւր մարդու համար կազմել սուրճի օգտագործման անվտանգ ռեժիմ եւ ըմպելիքի շնորհիւ առոյգութեան ցուցանիշը գրեթէ 65 տոկոսով մեծացնել:

  • Գիտնականները պարզել են ձւի ամենօրեայ սպառման օգտակարութիւնը
    Գիտնականները պարզել են ձւի ամենօրեայ սպառման օգտակարութիւնը

    Ամերիկեան սննդի միութեան գիտնականները «Nutrition 2018» համաժողովի շրջանակներում ներկայացւել են մի շարք գիտական աշխատանքների նախնական արդիւնքները, որոնցում բացայայտւում է տարատեսակ սննդամթերքների օգտակարութիւնն առողջութեան համար: 

  • Իտալացի գիտնականները ստեղծել են «հակաքաղցկեղային» պիցցա
    Իտալացի գիտնականները ստեղծել են «հակաքաղցկեղային» պիցցա

    Իտալացի գիտնականները խոհարարների հետ ստեղծել են քաղցկեղի եւ սիրտ-անօթային համակարգի հիւանդութիւնների կանխարգելման համար օգտակար պիցցա: Պասկալինա պիցցան անւանում են «կեանքի տեւողութիւնը երկարացնող» եւ «հակաուռուցքային պիցցա»:

  • Մաստակը կարող է նպաստել նիհարելուն
    Մաստակը կարող է նպաստել նիհարելուն

    Մաստակը կարող է օրգանիզմին օգուտ տալ եւ նպաստել նիհարելուն, եթէ այն ծամէք քայլելիս: Այսպիսի եզրահանգում են կատարել Տոկիոյի Վասեդա համալսարանի ճապոնացի գիտնականները

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։