Հա

Այլ

08/04/2018 - 08:05

Գիտնականները պարզել են, որ ֆինանսապէս յաջողակ մարդկանց միաւորում է ուղեղի նման կառուցւածքը

Այն մարդկանց, ովքեր չեն վախենում ֆինանսական ռիսկերից եւ հանգիստ են վերաբերւում դրանց հետեւանքներին, տարբերում է ուղեղի նման կառուցւածքը:

«alikonline.ir» - Այն մարդկանց, ովքեր չեն վախենում ֆինանսական ռիսկերից եւ հանգիստ են վերաբերւում դրանց հետեւանքներին, տարբերում է ուղեղի նման կառուցւածքը: Այս եզրակացութեանն է յանգել Փենսիլւանիայի համալսարանի հետազօտողների խումբը, նրանց գիտափորձը նկարագրւած է «Neuron» հանդէսում: Գիտափորձին մասնակցել են 108 առողջ երիտասարդներ: Տեղեկացնում է «Արմէնպրես»-ը:

Նրանց առաջարկել են լրացնել այս կամ այն կերպ ֆինանսական ռիսկի հետ կապւած աւելի քան 100 սցենար բովանդակող հարցարանները: Օրինակ՝ նրանք կարող էին ընտրել ոչ մեծ, բայց երաշխաւորւած վարձատրութիւն կամ ռիսկի գնալ մեծ պարգեւի յոյսով՝ հասկանալով, որ կարող են կորցնել ամբողջ «կարողութիւնը»:

Բարդ ֆինանսական որոշումներ կայացնելու համար նրանց տրւել է չորս վայրկեան: Նրանց ուղեղում կատարւած բոլոր փոփոխութիւնները գրանցել են յատուկ ապարատները: Պարզւել է, որ այն մասնակիցների մօտ, որոնք միւսներից աւելի յաջող են գլուխ հանել առաջադրանքներից եւ յաղթահարել ստրեսը, աւելի շատ է գորշ նիւթը եւ աւելի լաւ են զարգացած ֆունկցիոնալ կապերը նշագեղձի եւ հարճակատային կեղեւի միջեւ, հաղորդել է «ՌԻԱ Նովոստի»-ն:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։