Հա

Այլ

08/04/2018

Սուրճն օգտակար է սրտի համար, բայց առանց ծխախոտի

Օրական երեք կամ աւելին բաժակ սուրճ խմելը կարող է նւազեցնել անօթների խցանման վտանգը՝ դրանով իսկ պաշտպանելով սիրտը, պարզել են բրազիլացի գիտնականները։ 

«alikonline.ir» - Օրական երեք կամ աւելին բաժակ սուրճ խմելը կարող է նւազեցնել անօթների խցանման վտանգը՝ դրանով իսկ պաշտպանելով սիրտը, պարզել են բրազիլացի գիտնականները։ Այս մասին գրում է «news.am»-ը:

«MedicalXpress»-ի փոխանցմամբ՝ հետազօտողներն իրականացրել են հարցում, որին մասնակցել է Սան Պաուլուի աւելի քան 4400 բնակիչ։ Կամաւորներին հարցրել են՝ արդեօք նրանք սիրում են սուրճ, որքան յաճախ են խմում ու ինչպէս են այն պատրաստում։ Հետագայում այդ պատասխանները համեմատել են զարկերակների կալցիումային գործակցի հետ, որը վկայում է անօթներում կալցիումի կուտակման մասին՝ որպէս սրտի նոպայի վտանգի գործօն։

Հետազօտութեան մասնակիցների միջին տարիքը կազմել է 50 տարեկան (35-74 տարեկան)։ 10 մարդկանցից գրեթէ 8-ը խոստովանել է, որ քիչ է շարժւում, իսկ 2/3-ը յայտնել է աւելորդ քաշի կամ ախտորոշւած ճարպակալման մասին։ Բացի դրանից, հետազօտութեան 10 մասնակիցներից 3-ը նախկինում ծխել է, իսկ 16 տոկոսը հիմա էլ է շարունակում ծխել։

«Տւեալների վերլուծութիւնը ցոյց է տւել, որ օրական աւելի քան երեք բաժակ սուրճի գործածումը նւազեցնում էր զարկերակային կալցիֆիկացման հաւանականութիւնը այն մարդկանց մօտ, ովքեր երբեւէ չեն ծխել»,- ասում է հետազօտութեան առաջատար հեղինակ, Սան Պաուլուի  համալսարանում դոկտորի թեկնածու Անդրէա Միրանդան։ Ինչո՞ւ է ծխելն այս դէպքում զսպող գործօն դառնում։ «Journal of the American Heart Association» ամսագրում հրապարակւած յօդւածում նշւած է, որ անառողջ ազդեցութիւնը, որը ծխելն ունենում է օրգանիզմի բոլոր համակարգերի վրայ, ունակ է ճնշել սուրճի դրական ազդեցութիւնը սրտի ու անօթների վրայ։

Անդրէա Միրանդան նշում է, որ իրենք պէտք է պարզեն՝ արդեօք օրական չորս կամ հինգ բաժակ սուրճ խմելն էլ աւելի՞ մեծ օգուտ կը տայ, թէ՞ դրական ազդեցութիւնը կը նւազի։ Ու նախազգուշացնում է, որ «միւս հետազօտութիւններն արդէն ցոյց են տւել, որ այդ ըմպելիքի չարաշահումը կարող է անվտանգ չլինել»։

Նկատի ունեցեք, որ սրտի հետ կապւած բոնուսները չեն տարածւում կոֆէին պարունակող միւս ըմպելիքների ու մթերքների վրայ՝ լինի դա թէյ, թէ շոկոլադ։ «Սուրճը հանքանիւթերի ու ամենատարբեր բաղադրանիւթերի բարդ խառնուրդ է, այնպէս որ՝ ամենայն հաւանականութեամբ, առողջութեան համար բոնուսների աղբիւրը պէտք է որոնել սուրճի հակաօքսիդանտային յատկութեան մէջ, այլ ոչ թէ կոֆէինի»,- ամփոփում են հետազօտութեան հեղինակները։

Յարակից լուրեր

  • Գիտնականները պարզել են, թէ որ սպասքը կարող է քաղցկեղ առաջացնել
    Գիտնականները պարզել են, թէ որ սպասքը կարող է քաղցկեղ առաջացնել

    Չայրւող մակերեսով սպասքում առկայ նիւթերը մարդու օրգանիզմում յայտնւելու դէպքում կարող են քաղցկեղի հետեւանք դառնալ: 

  • Մշտական սթրեսը կարող է տեսողութեան կորուստի յանգեցնել
    Մշտական սթրեսը կարող է տեսողութեան կորուստի յանգեցնել

    Մշտական ստրեսը կարող է տեսողութեան կորուստի յանգեցնել։ Նման եզրակացութեան են հանգել հետազօտողները՝ պրոֆեսոր Բերնհարթ Սաբելի ղեկավարութեամբ, որը Գերմանիայում Մագդեբուրգեան համալսարանին կից բժշկական հոգեբանութեան ինստիտուտի տնօրէնն է։

  • Սուրճը կարող է օգնել դիաբետի բուժմանը
    Սուրճը կարող է օգնել դիաբետի բուժմանը

    Ցիւրիխի տեխնիկական բարձրագոյն դպրոցի հետազօտողները ստեղծել են տեխնոլոգիա, որը հեռանկարում կարող է փոխարինել ինսուլինի կանոնաւոր ներարկումները շաքարային դիաբետով հիւանդների համար։ Ենթամաշկային իմպլանտատն ակտիւանում է, երբ օրգանիզմի մէջ է յայտնւում կոֆէին, որը պարունակւում է օրինակ սուրճի կամ թէյի մէջ:

  • Սննդակարգի փոքր խախտումները օգնում են նիհարելուն
    Սննդակարգի փոքր խախտումները օգնում են նիհարելուն

    Նոյնիսկ ամենախիստ սննդակարգերը յաճախ կորցնում են իրենց արդիւնաւէտութիւնը, քանի որ օրգանիզմը սովորում է այն իրողութեանը, որ քիչ կալորիաներ է ստանում ու սկսում է էներգիա «պաշարել» ու աւեի քիչ կալորիա այրել։ Ընդ որում մարդը, բնականաբար, դադարում է նիհարել։

  • Մարդիկ սկսել են յիմարանալ
    Մարդիկ սկսել են յիմարանալ

    Նորւեգիայի Տնտեսական հետազօտութիւնների «Ragnar Frisch» կենտրոնի մասնագէտները վերջին մի քանի տասնամեակների ընթացքում մարդու ինտելեկտի մակարդակի անկում են նկատել: Գիտնականները գիտական աշխատանքներն իրականացրել են զինւորական ծառայութեան անցած նորւեգացիների ինտելեկտի (IQ թեստ) մակարդակի թեստերի հիման վրայ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։