Հա

Այլ

10/04/2018 - 09:40

7 սովորութիւն, որոնք կարող են կայունացնել քաշը

Սննդի հարցում խիստ սահմանափակումը ծանր է ազդում հոգեկանի ու օրգանիզմի վրայ։ Միաժամանակ կան միջոցներ, որոնք թոյլ են տալիս քաշը վերահսկել ստրեսի նւազագոյն մակարդակով։ 

«alikonline.ir» - Սննդի հարցում խիստ սահմանափակումը ծանր է ազդում հոգեկանի ու օրգանիզմի վրայ։ Միաժամանակ կան միջոցներ, որոնք թոյլ են տալիս քաշը վերահսկել ստրեսի նւազագոյն մակարդակով։ Ըստ «news.am»-ի՝ «PINK»-ը ներկայացրել է եօթ սովորութիւն առողջ մարմին ունենալու համար, որոնց արդիւնաւէտութիւնը գիտականօրէն ապացուցւած է։

 

1 Ժամանակին պառկել քնելու

Քնի պակասն աւելորդ քաշ հաւաքելու պատճառներից մէկն է։ Էներգիայի պակասը լրացնելու համար օրգանիզմը կարող է մշտապէս պահանջել սնունդ, յատկապէս շաքար պարունակող սնունդ, որպէս էներգիայի արագ լրացման աղբիւր։ Բացի դրանից, երբ դուք քիչ էք քնում, դուք աւելի քիչ ուժեր էք ունենում եւ չէք կարողանում դուրս գալ զբօսնելու կամ աստիճաններով բարձրանաք՝ վերելակ նստելու փոխարէն։ Դրա համար էլ առաջին հերթին ձգտէք ձեր քունը կարգաւորել։

 

2 Բաւականաչափ ջուր խմել

Հետազօտութիւնները ցոյց են տալիս, որ գործածւող ջրի ծաւալի աւելացումն օգնում է նւազեցնել քաշը։ Օրական լրացուցիչ կէս լիտր ջուրը կօգնի ակտիւացնել նիւթափոխանակութիւնը, նւազեցնել շատակերութեան վտանգն ու լաւացնել ինքնազգացողութիւնը։

 

3 Կրճատել շաքարի ու պարզ ածխածինների գործածումը

Ու խնդիրը նոյնիսկ կալորիաների քանակը չէ։ Շաքարն ու արագ ածխածինները միւսներից աւելի ակտիւ են խթանում ինսուլիսին արտադրութիւնը, որը օրգանիզմի գլխաւոր «ճարպային» հորմոնն է ու գործարկում է քաշի հսկողութեան գործընթացը։ Արեան մէջ ինսուլիսի ցածր մակարդակի դէպքում օրգանիզմը սկսում է այրել ճարպերը, դրա համար էլ ցածր ածխածնային սննդակարգերն արդիւնաւէտ են։ Բացի դրանից ինսուլինի ցածր մակարդակի դէպքում երիկամների համար հեշտանում է աւելորդ ջուրը օրգանիզմից հանելը, այդպիսով նւազեցնելով այտուցւածութիւնը։ Փորձէք նախ հրաժարւել քաղցր գազաւորւած ըմպելիքներից ու քաղցր թէյ, սուրճ ու շիլաները գործածելուց։ Ժամանակի ընթացքում կարելի է վերանայել աղանդերների հանդէպ վերաբերմունքը ու փոխել դրանք նւազ քաղցր ու աւելի օգտակար մթերքներով։

 

4 Բաւականաչափ սպիտակուց ուտել

Իդէալական տարբերակն այն է, որ ամէն անգամ մեր ճաշացանկը պարունակի բանջարեղէն ու սպիտակուցի աղբիւր։ Դա ոչ միայն կը համալրի մեր օրգանիզմը անհրաժեշտ սննդարար տարրերով ու կը պաշտպանի առողջական խնդիրներից, այլեւ կօգնի կրճատել ածխածինների գործածումն ու կարգաւորել ախորժակը։ Պրոտէինի գործածման մոտաւոր նորման է 0․8 գրամ սպիտակուց 1 կգ. քաշի համար։ Այսպիսով՝ նստակեաց կենսակերպ վարող կանանց համար պրոտէինի միջին անհրաժեշտ քանակութիւնը օրական 48 գրամ է։

 

5 Մի մոռացէք օգտակար ճարպերի մասին

Որքան էլ տարօրինակ հնչի, սառը մզման բուսական՝ յատկապէս ձիթապտղի ու աւոկադոյի իւղերում, նաեւ ընդեղէնում ու սերմերում պարունակւող միաչյագեցած ճարպաթթուներով օգտակար ճարպերն օգնում են այրել ճարպերը քաշի կորստի պրոցեսում։

 

6 Սիրել բանջարեղէն

Ածխածինների ցածր պարունակութեամբ բանջարեղէնը՝ կաղամբի բոլոր տեսակները, հազարը, վարունգը, նեխուրը, դդմիկը, պարունակում են նւազագոյն քանակութեան կալորիաներ ու առաւելագոյն քանակութեան սննդարար տարրեր։ Ընդ որում դրանք օգնում են օրգանիզմին իւրացնել սպիտակուցը, կարգաւորում են մարսողութիւնն ու արագացնում նիւթափոխանակութիւնը։

 

7 Թէյ կամ սուրճ խմել

Եթէ Ձեզ դուր է գալիս թէյի կամ սուրճի համը ու դուք դրանց գործածման հարցում հակացուցումներ չունէք, խմէք որքան ուզում էք։ Ապացուցւած է, որ կոֆէինն արագացնում է նիւթափոխանակութիւնը 3-11 տոկոսով։ Խօսքը մաքուր տեսքով ըմպելիքների մասին է՝ առանց կաթի ու շաքարի։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։