Հա

Այլ

10/04/2018 - 09:50

Ինչո՞ւ ենք մենք մշտապէս քնել ուզում

Որոշ մարդիկ քնում են օրական 9-10 ժամ, երբեմն էլ ցերեկն են փորձում մի քիչ քնել ու միեւնոյն է՝ անընդհատ քնել են ուզում։ Ինչո՞ւ է նման բան տեղի ունենում ու ո՞ր դէպքերում է քնկոտութիւնը մասնագէտին դիմելու առիթ հանդիսանում։

«alikonline.ir» - Որոշ մարդիկ քնում են օրական 9-10 ժամ, երբեմն էլ ցերեկն են փորձում մի քիչ քնել ու միեւնոյն է՝ անընդհատ քնել են ուզում։ Ինչո՞ւ է նման բան տեղի ունենում ու ո՞ր դէպքերում է քնկոտութիւնը մասնագէտին դիմելու առիթ հանդիսանում։ Այս մասին գրում է «news.am»-ը:

 

Գէնետիկ ու տարիքային հակւածութւն

Որոշ մարդկանց դէպքում քնի մեծ պահանջը կարող է գէնետիկ առանձնայատկութիւն լինել, վստահեցնում է Միչիգանի համալսարանի Քնի խանգարումների կենտրոնի տնօրէն պրոֆեսոր Ռոնալդ Չերւինը «Huffington Post» պարբերականին տւած հարցազրոյցում։

Նրա խօսքով՝ մենք չենք կարող ազդել գէնետիկ գործօնների վրայ, փոխարէնը մեզնից են կախւած քնի հսկողութեան միւս գործօնները, օրինակ դրա ռեժիմը, նոյն ժամին քնելու ու արթնանալու սովորութիւնը։

Մասնագէտը նաեւ նշել է, որ դեռահասները յաճախ հակւած են երկար քնել ու դժւար են արթնանում, ինչը պայմանաւորւած է նրանց տարիքային առանձնայատկութիւններով՝ դա կարող է կապակցւած լինել ցիրկադային ռիթմի «ընդլայնումով», որը պատասխանատու է քնի համար, չնայած սովորութիւնները նոյնպէս այս հարցում կարեւոր դեր են կատարում։

 

Քնի խանգարումները

Քնի խանգարումները բազմաթիւ են ու դրանցից մի քանիսի հետեւանքով մարդիկ անընդհատ քնել են ուզում։ Նման խանգարումներից մէկն է հիպերսոմնիան, որի դէպքում մարդը չի կարողանում վեր կենալ անկողնուց ու 10 ժամ քնելուց յետոյ անգամ քնի կարիք է զգում։ 

«Նման մարդիկ ցերեկն էլ կարող են 2-3 ժամ քնել, բայց անգամ դա նրանց չի բաւականացնի։ Այդ վիճակը կարող է զարգանալ ցանկացած տարիքում, մենք այնքան էլ չենք հասկանում դրա բնոյթը»,- նշել է պրոֆեսոր Էմանուէլ Դիւրինգը, Սթենդֆորդի համալսարանի հոգեբոյժը։

Կլէյնէ-Լեւինի կամ «քնած գեղեցկուհու» համախտանիշը եւս մէկ պատճառ է քնից չհագենալու համար, նման մարդիկ կարող են օրական 15-20 ժամ մնալ անկողնում, վեր կենալով միայն ուտելու ու բնական կարիքները հոգալու համար։ Իհարկէ այդ հազւագիւտ համախտանիշն ախտահարում է մէկ միլիոնից միայն մէկին։

 

Հոգեկան խնդիրներն ու ընդհանուր հիւանդութիւնները

Դիւրինգի խօսքով՝ երկարատեւ քունը կարող է պայմանաւորւած լինել դեպրեսիւ հոգեվիճակով։ Բացի բուն դեպրեսիայից, քնելու ցանկութիւն կարող են առաջացնել նաեւ հակադեպրեսանտները։

Գլխուղեղի տրաւմաները նոյնպէս կարող են մշտական քնկոտութեան պատճառ դառնալ։ Տւեալ դէպքում երկարատեւ քունը նպաստում է ապաքինմանը։

Եթէ Դուք մշտապէս ուզում եք քնել, նոյնիսկ եթէ բաւականաչափ քնում էք գիշերները, դա արդէն իսկ առիթ է բժշկի դիմելու համար, նշում են մասնագէտները։

Յարակից լուրեր

  • Գիտնականները հաշւարկել են քնի կատարեալ տեւողութիւնը
    Գիտնականները հաշւարկել են քնի կատարեալ տեւողութիւնը

    Գիտնականները հաշւարկել են քնի կատարեալ տեւողութիւնը: Ինչպէս պարզել են Արեւմտեան Օնտարիոյի համալսարանին առընթեր Ուղեղի ինստիտուտի կանադացի գիտնականները, ուղեղի համար առաւել վտանգաւոր է 4 ժամից պակաս տեւողութեամբ քունը:

  • Ի՞նչ կը պատահի, եթէ երբեք միս չուտենք
    Ի՞նչ կը պատահի, եթէ երբեք միս չուտենք

    Վերջին հետազօտութեան ընթացքում մասնագէտները եկել են այն եզրակացութեան, որ կենդանական ճարպից հրաժարւելը կարող է բերել մարդու իմունային համակարգի աշխատանքի լուրջ խախտումների:

  • Հետազօտութիւն. «Քնի պակասը բացասաբար է ազդում սրտի վրայ»
    Հետազօտութիւն. «Քնի պակասը բացասաբար է ազդում սրտի վրայ»

    Քնի պակասը կամ գերյագեցւածութիւնը մեծացնում է սրտամկանի ինֆարկտի եւ ինսուլտի հաւանականութըւնը: Այս մասին յայտարարում են ԱՄՆ Հիւանդութիւնների վերահսկման եւ կանխարգելման կենտրոնների Սրտանօթային հիւանդութիւնների կանխարգելման դեպարտամենտի մասնագէտները: 

  • Օրական 2 գաւաթ սուրճը կարող է ձեզ քնից զրկել տարիներ յետոյ
    Օրական 2 գաւաթ սուրճը կարող է ձեզ քնից զրկել տարիներ յետոյ

    Սուրճի օգտագործումը կարող է մարդու քնի որակի վրայ բացասական ազդեցութիւն ունենալ՝ ուղեղի վրայ ներգործելու պատճառով: Տարիներ շարունակ ամէն օր սուրճ խմելու հետեւանքով կարող է քնի ցմահ վատթարացում առաջանալ՝ այն պատճառով, որ սուրճը սեղմում է մարդու ուղեղի այն հատւածը, որը պատասխանատու է քնի համար, պնդում են հարաւկորէական համալսարանի գիտնականները:

  • Եւրոպայի օդանաւակայաններում քնի խցիկներ կը յայտնւեն
    Եւրոպայի օդանաւակայաններում քնի խցիկներ կը յայտնւեն

    Այս տարի եւրոպական օդանաւակայաններում կարող են յայտնւել  քնելու համար անհատական խցիկներ: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։