Հա

Այլ

17/04/2018 - 08:10

Սուրճն օգնում է դեպրեսիայի յաղթահարմանը

Հետազօտութիւնները ցոյց են տւել, որ սուրճը կարող է կանխել թեթեւ ու չափաւոր դեպրեսիան, որն ախտահարում է եկամտի բարձր մակարդակով երկրների բնակչութեան մօտ 15 տոկոսին։

«alikonline.ir» - Հետազօտութիւնները ցոյց են տւել, որ սուրճը կարող է կանխել թեթեւ ու չափաւոր դեպրեսիան, որն ախտահարում է եկամտի բարձր մակարդակով երկրների բնակչութեան մօտ 15 տոկոսին։ Այս մասին ըստ «news.am»-ի՝ յայտնում է «Psychology Today»-ը։

Վերջերս Չինաստանի Ցինդաօ համալսարանի բժշկական քոլեջի գիտնականները վերլուծել են 15 հետազօտութիւնների արդիւնքները, որոնք վերաբերում էին սուրճի գործածման ու դեպրեսիայի միջեւ կապի առկայութեանը։ Պարզւել է, որ օրական մէկ բաժակ կոֆէին պարունակող սուրճը 8 տոկոսով նւազեցնում է դեպրեսիայի զարգացման հաւանականութիւնը։

Դեռ յայտնի չէ, թէ յատկապէս ինչպէս է սուրճը դիմակայում դեպրեսիային։ Սակայն հետազօտողները ենթադրում են երկու հնարաւոր մեխանիզմ։ Չնայած համարւում է, որ դեպրեսիան սերոտոնինի ցածր մակարդակի հետեւանք է, կայ նաեւ մէկ այլ հիպոթեզ։ Եթէ հաւատանք դրան՝ ապա դեպրեսիան վատ իմունային ռեակցիայի հետեւանք է, որը յանգեցնում է ուղեղում բորբոքումների։ Չինացի հետազօտողները ենթադրում են, որ սուրճն  ունակ է նւազեցնել նման բորբոքումը հակաօքսիդանտների յատուկ համադրութեան շնորհիւ։

Մէկ այլ թեզի համաձայն՝ սուրճի հակադեպրեսիւ ազդեցութիւնը պայմանաւորւած է կոֆէինի պարունակութեամբ։ Չէ՞ որ դա պսիխոխթանիչ է, որը բարձրացնում է առոյգութիւնն ու մոտիւացիան։ Երբ մենք արթնանում ենք որակեալ գիշերային քնից յետոյ՝ կենտրոնական նեարդային համակարգում ադենոզինի քանակութիւնը քիչ է լինում։ Սակայն մի քանի ժամւայ ընթացքում այն աստիճանաբար կուտակւում է ու ակտիւացնում ռեցեպտորները, որոնք առաջացնում են քնկոտութիւն, նաեւ մոտիւացիայի ու էներգիայի պակաս։

Ադենոզինի նման՝ կոֆէինը կապակցւում է կենտրոնական նեարդային համակարգի նոյն ռեցեպտորների հետ, բայց ի տարբերութիւն ադենոզինի՝ չի ակտիւացնում դրանք։ Այն արգելափակում է այդ ռեցեպտորները, ինչը խանգարում է դրանց սովորական ռեակցիաներին, որոնք ճնշում են մոտիւացիան ու առոյգութիւնը։ Նման ազդեցութիւնը բացատրում է, թէ ինչպէս է սուրճի գործածումն օգնում մեզ առոյգ մնալ կարճաժամկէտ հեռանկարում։ Բայց չի օգնում հասկանալ, թէ ինչպէս է սուրճը թեթեւացնում դեպրեսիան երկարաժամկէտ հեռանկարում։

Չինացի հետազօտողների առաջարկած մեխանիզմներից մէկն այն է, որ սուրճն օգնում է աւելի արդիւնաւէտ դարձնել դոպամինի արտադրութիւնը։ Կապակցւելով ադենոզիւ ռեցեպտորների հետ՝ կոֆէինը բարձրացնում է դոպամինի քանակութիւնը։ Այն էլ իր հերթին կապակցւում է դոպամինային ռեցեպտորների հետ զոլաւոր մարմնում՝ ուղեղի այն հատւածում, որը, բացի ամենայնից, համակարգում է որոշումների կայացումը, մոտիւացիան ու պարգեւատրման ընկալումը։

Յարակից լուրեր

  • Գիտնականները առաւօտեան սուրճ խմելու եւս մէկ պատճառ են նշել
    Գիտնականները առաւօտեան սուրճ խմելու եւս մէկ պատճառ են նշել

    Պորտուգալիայից գիտնականները ամէն առաւօտ մեծ դոզայով սուրճ խմելու եւս մէկ պատճառ են նշել: Պարզւել է, որ կոֆէինի գործածումը երիկամների քրոնիկական հիւանդութիւններով մարդկանց մօտ նւազեցնում է վաղաժամ մահւան հաւանականութիւնը:

  • Ի՞նչ կը պատահի, եթէ երբեք միս չուտենք
    Ի՞նչ կը պատահի, եթէ երբեք միս չուտենք

    Վերջին հետազօտութեան ընթացքում մասնագէտները եկել են այն եզրակացութեան, որ կենդանական ճարպից հրաժարւելը կարող է բերել մարդու իմունային համակարգի աշխատանքի լուրջ խախտումների:

  • 10 սովորութիւն, որոնք կօգնեն նիհարել եւ պահպանել քաշը
    10 սովորութիւն, որոնք կօգնեն նիհարել եւ պահպանել քաշը

    Յաջողութեամբ նիհարելու եւ քաշը պահպանելու համար անհրաժեշտ է սովորութիւնները փոխել աւելի առողջներով, ասւած է «Journal of Obesity»-ում հրապարակւած «Bond University»-ի (Աւստրալիա) գիտնականների նոր հետազօտութիւնում։ 

  • Հետազօտութիւն. «Քնի պակասը բացասաբար է ազդում սրտի վրայ»
    Հետազօտութիւն. «Քնի պակասը բացասաբար է ազդում սրտի վրայ»

    Քնի պակասը կամ գերյագեցւածութիւնը մեծացնում է սրտամկանի ինֆարկտի եւ ինսուլտի հաւանականութըւնը: Այս մասին յայտարարում են ԱՄՆ Հիւանդութիւնների վերահսկման եւ կանխարգելման կենտրոնների Սրտանօթային հիւանդութիւնների կանխարգելման դեպարտամենտի մասնագէտները: 

  • Օրական 2 գաւաթ սուրճը կարող է ձեզ քնից զրկել տարիներ յետոյ
    Օրական 2 գաւաթ սուրճը կարող է ձեզ քնից զրկել տարիներ յետոյ

    Սուրճի օգտագործումը կարող է մարդու քնի որակի վրայ բացասական ազդեցութիւն ունենալ՝ ուղեղի վրայ ներգործելու պատճառով: Տարիներ շարունակ ամէն օր սուրճ խմելու հետեւանքով կարող է քնի ցմահ վատթարացում առաջանալ՝ այն պատճառով, որ սուրճը սեղմում է մարդու ուղեղի այն հատւածը, որը պատասխանատու է քնի համար, պնդում են հարաւկորէական համալսարանի գիտնականները:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։