Հա

Այլ

26/04/2018 - 08:50

Ուշ երեկոյեան ի՞նչ մթերքներ է կարելի ուտել

Նախկինում շատերը համոզւած էին, որ չի կարելի ուտել ժամը 18-ից յետոյ: Հիմա արդէն յայտնի է, որ երեկոյեան կարելի է ուտել, սակայն ամենեւին ոչ բոլոր մթերքները: Ձեզ ենք ներկայացնում մի քանի մթերքներ, որոնք կարելի է ուշ երեկոեան ուտել, եւ որոնք ձեզ չեն գիրացնի:

«alikonline.ir» - Նախկինում շատերը համոզւած էին, որ չի կարելի ուտել ժամը 18-ից յետոյ: Հիմա արդէն յայտնի է, որ երեկոյեան կարելի է ուտել, սակայն ամենեւին ոչ բոլոր մթերքները: Ձեզ ենք ներկայացնում մի քանի մթերքներ, որոնք կարելի է ուշ երեկոեան ուտել, եւ որոնք ձեզ չեն գիրացնի: Գրում է «news.am»-ը:

 

Ձուկ

Ձուկը հարուստ է ոչ միայն սպիտակուցով, այլեւ «Օմեգա-3» ճարպաթթւով, որոնք անօթները մաքրում են խոլեստերինի նստւածքներից, այս պատճառով ձուկը պէտք է լինի իւրաքանչիւր մարդու առողջ սննդակարգի մասը: Ձուկ կարելի է ուտել նաեւ երեկոյեան, սակայն խորհուրդ չի տրւում այն տապակել, նախընտրելի է եփած կամ գոլորշու վրայ պատրաստւած ձուկը:

 

Թռչնամիս

Թռչնամիսը սպիտակուցներ եւ տրիպտոֆան ամինաթթու է պարունակում, որը բարելաւում է տրամադրութիւնը եւ բարձրացնում քնի հորմոն մելատոնինի մակարդակը: Եթէ երեկոյեան եփած թռչնամիս ուտէք (ցանկալի է՝ կրծքամիս), օրգանիզմն այս ընթրիքը արագ կը մարսի, այն ճարպային շերտեր չի առաջացնի:

 

Բանջարեղէն

Բանջարեղէնը մեծ քանակութեամբ բջջանիւթ եւ քիչ կալորիաներ է պարունակում, իսկ մարսողութիւնը չի ծանրացնում: Դրանից բացի, բանջարեղէնը աղիները մաքրում է՝ ակտիւացնելով ճարպային նիւթերի դուրսբերումը: Թարմ կամ եփած/շոգեխաշած բանջարեղէնը պէտք է ուտել ե՛ւ օրւայ ընթացքում, ե՛ւ երեկոյեան:

 

Կեֆիր եւ մածուն

Կեֆիրը եւ մածունը մարսողութեան համար օգտակար բակտերիաների հոյակապ աղբիւր են:

 

Կաթ

Կաթը պարունակում է սպիտակուց եւ կալցիում, որոնց համադրութիւնը նեարդային համակարգը կազդուրում է, ինչպէս նաեւ մաշկը երիտասարդացնում: Համարւում է նաեւ, որ տաք կաթն օգնում է արագ քնելուն:

 

Մասնագէտները յիշեցնում են, որ պէտք է ընթրել քնից գոնէ 3 ժամ առաջ, սակայն դէպի անկողին ուղեւորւելուց առաջ կարելի է ձեռքի հետ թեթեւ ուտել:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։