Հա

Այլ

21/05/2018

6 օգտակար մթերք, որոնք չարժի ուտել դատարկ ստամոքսով

Որոշ մթերքներ, չնայած իրենց օգտակարութեանը, խորհուրդ չի տրւում ուտել դատարկ ստամոքսով։

«alikonline.ir» - Որոշ մթերքներ, չնայած իրենց օգտակարութեանը, խորհուրդ չի տրւում ուտել դատարկ ստամոքսով։ Տեղեկացնում է «news.am»-ը:

Ձեր ուշադրութեանն ենք ներկայացնում դրանցից մի քանիսը.

 

Եոգուրտ

Կաթնաթթւային մթերքներն օգտակար են իրենց պարունակած բակտերիաների շնորհիւ։ Բայց եթէ եոգուրտ կամ կեֆիր խմէք դատարկ ստամոքսով, դրանց օգտակարութիւնը շատ քիչ կը լինի, քանի որ ստամոքսահիւթը, ամենայն հաւանականութեամբ, կոչնչացնի բակտերիաների մեծ մասը։ Հէնց այդ պատճառով էլ մասնագէտները խորհուրդ են տալիս եոգուրտը գործածել ուտելուց 30-40 րոպէ յետոյ։

 

Սուրճ

Սուրճը ստիմուլացնում է ստամոքսը, ստիպելով, որ այն աւելի շատ թթու արտադրի։ Դատարկ ստամոքսով սուրճ խմելու սովորութիւնը լրջօրէն բարձրացնում է այրոցի ու ստամոքսի լորձաթաղանթի վնասման հաւանականութիւնը, բացի դրանից յանգեցնում է սերոտոնինի արտադրութեան նւազմանը՝ նպաստելով դեպրեսիւ տրամադրութեան առաջացմանը։

 

Լոլիկ

Դատարկ ստամեքսով լոլիկ ուտելը բարձրացնում է թթւայնութիւնը՝ լոլիկում մեծ քանակութեամբ դաբաղանիւթերի պարունակութեան պատճառով։ Արդիւնքում բարձրանում է աղեստամոքսային տրակտի հիւանդութիւնների՝ գաստրիտի, պանկրեատիտի, կոլիտի զարգացման հաւանականութիւնը։

 

Բանան

Յայտնւելով դատարկ ստամոքսում՝ բանանն առաջացնում է մագնիումի մակարդակի կտրուկ բարձրացում, ինչը կարող է վատ ազդել սրտի աշխատանքի վրայ։

 

Ցիտրուսային մրգեր

Թթուներով հարուստ ցիտրուսային մրգերը կարող են այրոց ու գաստրիտ առաջացնել, եթէ դրանք ուտէք դատարկ ստամոքսին։ 

 

Տանձ

Տանձը պարունակում է մեծ քանակութեամբ կոպիտ սննդային մանրաթելեր։ Մարսողութեան համար դա նոյնիսկ լաւ է, բայց քաղցած վիճակում տանձ ուտելը վտանգաւոր է, քանի որ որոշ դէպքերում մանրաթելերի աւելցուկը կարող է վնասել ստամոքսի լորձաթաղանթը։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։