Հա

Այլ

25/07/2018

Հետազօտութիւն. «Ինքնագնահատման ամենաբարձր մակարդակը մարդու մօտ ձեւաւորւում է մինչեւ 60 տարեկանը» 

Մարդու ինքնագնահատականն աճում է ամբողջ կեանքի ընթացքում՝ իր գագաթնակէտին հասնելով 60-70 տարեկանում։ Այս մասին նշւած է Բեռնի համալսարանի հոգեբանութեան ինստիտուտի մասնագէտների հետազօտութեան մէջ։

«alikonline.ir» - Մարդու ինքնագնահատականն աճում է ամբողջ կեանքի ընթացքում՝ իր գագաթնակէտին հասնելով 60-70 տարեկանում։ Այս մասին նշւած է Բեռնի համալսարանի հոգեբանութեան ինստիտուտի մասնագէտների հետազօտութեան մէջ։ Տեղեկացնում է «news.am»-ը:

Հետազօտութեան ընթացքում վերլուծել են 4-94 տարեկան աւելի քան 160 000 մարդու տւեալներ։ Պարզւել է, որ ինքնագնահատականն աճում է ամբողջ կեանքի ընթացքում, ու դրա աստիճանական անկումը գրանցւում է 70 տարեկանից յետոյ։ Այսպիսով, գիտնականների խօսքով, ծերութեան տարիներին շատերը աւելի ինքնավստահ են, քան երիտասարդ տարիներին։

Հետաքրքիր է, որ ուսումնասիրութիւնների արդիւնքներով զարգացման նման միտում է յայտնաբերւել տարբեր սերունդների ներկայացուցիչների մօտ։ Դա նշանակում է, որ հակառակ, այսպէս կոչւած, «Generation Me» սերնդի չափազանցւած ինքնավստահութեան ու նարցիսիզմի մասին տարածւած տեսակէտին, իրականում ինքնագնահատականի զարգացումը բոլորի կեանքում նոյն ձեւով է ընթանում։ Բացի դրանից, ինքնագնահատականը կայուն է նաեւ սեռական հասունացման ժամանակաշրջանում։ Իսկ դա նշանակում է, որ հակառակ գրականութեան մէջ տարածւած շաբլոնին, դեռահասների մեծամասնութիւնն այդ ժամանակաշրջանում ցածր ինքնագնահատականի խնդրին չի բախւում։

Ամբողջ կեանքի ընթացքում ինքնագնահատականի աճի մասին եզրակացութիւնները կարեւոր են, քանի որ ինչպէս ցոյց են տալիս հետազօտութիւնները, բարձր ինքնագնահատականը դրական ազդեցութիւն է ունենում կեանքի այնպիսի առանցքային ոլորտների վրայ, ինչպիսիք են սոցիալական յարաբերութիւնները, դպրոցը, աշխատանքը, գործընկերութիւնն ու առողջութիւնը։ Աւելի վաղ կատարւած հետազօտութիւնները վկայում են այն մասին, որ ինքնայարգանքն ազդում է յաջողութեան ու բարեկեցութեան վրայ։

Այսպիսով՝ ինքնագնահատականը բանալի է դէպի սոցիալական ինտեգրում, երջանկութիւն ու յաջողութիւն։

Յարակից լուրեր

  • Ի՞նչ կը պատահի, եթէ երբեք միս չուտենք
    Ի՞նչ կը պատահի, եթէ երբեք միս չուտենք

    Վերջին հետազօտութեան ընթացքում մասնագէտները եկել են այն եզրակացութեան, որ կենդանական ճարպից հրաժարւելը կարող է բերել մարդու իմունային համակարգի աշխատանքի լուրջ խախտումների:

  • 10 սովորութիւն, որոնք կօգնեն նիհարել եւ պահպանել քաշը
    10 սովորութիւն, որոնք կօգնեն նիհարել եւ պահպանել քաշը

    Յաջողութեամբ նիհարելու եւ քաշը պահպանելու համար անհրաժեշտ է սովորութիւնները փոխել աւելի առողջներով, ասւած է «Journal of Obesity»-ում հրապարակւած «Bond University»-ի (Աւստրալիա) գիտնականների նոր հետազօտութիւնում։ 

  • Հետազօտութիւն. «Քնի պակասը բացասաբար է ազդում սրտի վրայ»
    Հետազօտութիւն. «Քնի պակասը բացասաբար է ազդում սրտի վրայ»

    Քնի պակասը կամ գերյագեցւածութիւնը մեծացնում է սրտամկանի ինֆարկտի եւ ինսուլտի հաւանականութըւնը: Այս մասին յայտարարում են ԱՄՆ Հիւանդութիւնների վերահսկման եւ կանխարգելման կենտրոնների Սրտանօթային հիւանդութիւնների կանխարգելման դեպարտամենտի մասնագէտները: 

  • Օրական 2 գաւաթ սուրճը կարող է ձեզ քնից զրկել տարիներ յետոյ
    Օրական 2 գաւաթ սուրճը կարող է ձեզ քնից զրկել տարիներ յետոյ

    Սուրճի օգտագործումը կարող է մարդու քնի որակի վրայ բացասական ազդեցութիւն ունենալ՝ ուղեղի վրայ ներգործելու պատճառով: Տարիներ շարունակ ամէն օր սուրճ խմելու հետեւանքով կարող է քնի ցմահ վատթարացում առաջանալ՝ այն պատճառով, որ սուրճը սեղմում է մարդու ուղեղի այն հատւածը, որը պատասխանատու է քնի համար, պնդում են հարաւկորէական համալսարանի գիտնականները:

  • Յաջողութեան բաղադրատոմսը գիտութիւնում. մի կնոջ անհաւանական պատմութիւնը
    Յաջողութեան բաղադրատոմսը գիտութիւնում. մի կնոջ անհաւանական պատմութիւնը

    Տպաւորիչ է, երբ լսում ես, որ երիտասարդ հայուհին դարձել է յայտնի մաթեմատիկոս, ինժիներ եւ օդատիեզերական արդիւնաբերութեան ոլորտի փորձագէտ, բայց երբ տեղեկանում ես, որ նա հիմնադրել է սեփական սթարթափ ընկերութիւնը, որը զբաղւում է բարձր որակի նկարներով եւ յաճախ թարմացւող աշխարհատարածքային տւեալներով, չես կարողանում հարց չտալ՝ ի՞նչ իրադարձութիւններ են նախորդել այդ ձեռքբերումներին: Ինչպէ՞ս է նա Ա կէտից հասել Բ կէտ՝ պայքարելով իր ճանապարհին յայտնւած դժւարութիւնների հետ: Հռիփսիմէի պատմութիւնը հաւանական իրադարձութիւնների եւ անհաւանական ճամփորդութեան պատմութիւն է:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։