Հա

Այլ

01/10/2018 - 08:10

Ասիական էլիտայի քմահաճոյքները. 300 հազար դոլարանոց ձուկ

Ասիական էլիտայի համար կարգավիճակի խորհրդանիշ եւ համատարած մոլագարութիւն է դարձել հազւադէպ էկզոտիկ ձուկը։ Արովանա (Arowana) ձկան համար, որ համարւում է աշխարհի ամենաթանկարժէք ծովամթերքներից մէկը, ոմանք պատրաստ են 300 հազար դոլար վճարել։

«alikonline.ir» - Ասիական էլիտայի համար կարգավիճակի խորհրդանիշ եւ համատարած մոլագարութիւն է դարձել հազւադէպ էկզոտիկ ձուկը։ Ըստ «news.am»-ի՝ «CNBC»-ը գրում է, որ արովանա (Arowana) ձկան համար, որ համարւում է աշխարհի ամենաթանկարժէք ծովամթերքներից մէկը, ոմանք պատրաստ են 300 հազար դոլար վճարել։

Երիտասարդ արովանա Սինգապուրում կարելի է գնել 33 դոլարով, մինչդեռ հազւադէպ արովանա-ալբինոսը կարող է 70 հազար դոլար արժենալ։

Արովանան յայտնի է նաեւ որպէս «վիշապ ձուկ»։ Այն ապրում է Հարաւարեւելեան Ասիայի ողջ տարածքում եւ կարող է հասնել 1 մետրի։

Շատերը համարում են, որ ձուկը յաջողութիւն եւ հարստութիւն է բերում։ Առասպելներ են շրջում, թէ արովանան կարող է, իրեն զոհաբերելով, դուրս թռչել ակւարիումից, որպէսզի տէրերին զգուշացնի կոմերցիոն վատ գործարքների կամ այլ վտանգների մասին։

«Անհետացող տեսակների մասին» օրէնքով պաշտպանւած ասիական արովանան համարեայ անհետացել է վայրի բնութիւնից։ 1975 թ․ 183 երկրներ պայմանագիր են ստորագրել ձկանը հազւագիւտ տեսակների շարքը դասելու եւ նրա միջազգային առեւտուրը արգելելու մասին։

Պայմանագիրը նպաստել է, որ արովանան շքեղ ապրանք դառնայ։ Յայտնւել է բարգաւաճող «սեւ շուկայ»։ Սինգապուրում, որը կարող է հպարտանալ հյանցագործութիւնների ցածր մակարդակով, մի անգամ արովանայի գողութեան 4 դէպք է գրանցւել՝ մէկ շաբաթւայ ընթացքում։

Մալայզիայում 5 արովանա էին գողացել մի կնոջ տնից, մէկ ուրիշի ակւարիումը տանելու համար տիրոջը սպանել էին։ Այս ձկների համար կազմակերպւող մրցոյթներում «մասնակիցներին» պահպանում են զինւած մարդիկ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։