Հա

Այլ

03/03/2019 - 08:10

Ինչո՞ւ է վտանգաւոր հանգստեան օրերին երկար քնելը

Հանգստեան օրերին երկար քնելն օրգանիզմն աւելի ուժեղ է վնասում, քան պարբերաբար քիչ քնելը: Այս մասին նշւած է Կոլորադոյի համալսարանի գիտնականների հետազօտութեան մէջ, որը հրապարակւել է «Current Biology» ամսագրում:

«alikonline.ir» - Հանգստեան օրերին երկար քնելն օրգանիզմն աւելի ուժեղ է վնասում, քան պարբերաբար քիչ քնելը: Այս մասին նշւած է Կոլորադոյի համալսարանի գիտնականների հետազօտութեան մէջ, որը հրապարակւել է «Current Biology» ամսագրում: Տեղեկացնում է «News.am»-ը:

Փորձի մասնակիցներին երեք խմբի են բաժանել: Առաջին խմբում ընդգրկւած փորձարկւողները քնել են օրական 9 ժամ, երկրորդ՝ 5 ժամ, իսկ երրորդ խմբի փորձարկւողներն աշխատանքային օրերին քիչ են քնել, սակայն հանգստեան օրերին երկար քնելու հնարաւորութիւն են ունեցել:

Արդիւնքում երրորդ խմբի կամաւորների մօտ զարգացել են առողջական որոշ խնդիրներ: Այսպէս՝ երկրորդ խմբի կամավւորների համեմատութեամբ նրանց մօտ նւազել է ինսուլինի նկատմամբ զգայունութիւնը, ինչը մեծացնում է դիաբետի զարգացման հաւանականութիւնը: Դրանից բացի, հանգստեան օրերին երկար քունը բացասաբար է անդրադարձել լեարդի բջիջների եւ մկանների վրայ:

Գիտնականների կարծիքով՝ աշխատանքային օրերին քիչ քնելու եւ հանգստեան օրերին քնի աւելցուկի դէպքում աւելի արագ է տեղի ունենում բնական ցիրկադային ռիթմերի խանգարումը, որոնք փոխկապակցւած են կենսաբանական ժամերի հետ: Միաժամանակ, ցիրկադային ռիթմի խանգարումների հետ են սերտօրէն կապւած քնի խանգարումները (ջեթլագ, հանգստեան օրւայ անքնութիւն եւ այլն):

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։