Հա

Այլ

20/06/2019 - 09:30

«BMW»-ն գաղտնազերծել է «8 Series Gran Coupe» կուպէն

Գերմանական «BMW» ընկերութիւնը ներկայացրել է «8 Series Gran Coupe» չորս դռնանի կուպէն, որը տւեալ շարքի ամենաթանկարժէք տարբերակն է:

«alikonline.ir» - Գերմանական «BMW» ընկերութիւնը ներկայացրել է «8 Series Gran Coupe» չորս դռնանի կուպէն, որը տւեալ շարքի ամենաթանկարժէք տարբերակն է:

Ըստ «Tert.am»-ի՝ ինչպէս յայտնում է «Korrespondent.net»-ը, երկու դուռ եւ հինգ նստատեղ աւելացնելու համար գերմանական մեքենաշինական հսկան 9 դիւեմով երկարացրել է կուպէն: Մեքենայի չափսերի մեծացման արդիւնքում առաւել շատ տեղ է յատկացւել հետեւի նստատեղերին, որոնք ստացել են 7.1 դիւեմ յաւելեալ տարածք ոտքերի եւ 7.7 դիւեմ՝ ուսերի համար:

Մեքենան համալրւած է 3.0 լիտր ծաւալային, 6 մխոցային տուրբոշարժիչով, որը 340 ձիաուժ հզօրութիւն է զարգացնում եւ ունի ընտրութեան հնարաւորութիւն՝ ետնաքարշակ կամ լիաքարշակ համակարգի միջեւ: Բոլոր տարբերակներն աշխատում են «աւտոմատ» 8-աստիճան փոխանցման տուփով:

Մեքենայի գինը կը կազմի 84.900 դոլար: Արտադրութիւնը նախատեսւում է սկսել այս տարւայ յուլիսին, իսկ վաճառքի համաշխարհային մեկնարկը կը տրւի սեպտեմբերին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։