Հա

Քաղաքական

28/12/2014 - 10:00

Լաւաշի համար աշխարհը ծնկաչոք շնորհակալութիւն պէտք է յայտնի մեզ, որ ստեղծել ենք այն

Նոյեմբերի 26-ին Փարիզում ընթացող՝ ԻՒՆԵՍԿՕ-ի «Ոչ-նիւթական մշակութային ժառանգութեան պաշտպանութեան մասին» կոնւենցիայի միջկառավարական կոմիտէի 9-րդ նիստում որոշում է կայացւել ԻՒՆԵՍԿՕ-ի՝ մարդկութեան ոչ-նիւթական մշակութային ժառանգութեան ներկայացուցչական ցանկում ներառել Հայաստանի կողմից ներկայացւած «Լաւաշ. աւանդական հացի պատրաստումը, նշանակութիւնը եւ մշակութային դրսեւորումները Հայաստանում» յայտը:

«yerkir.am» - Նոյեմբերի 26-ին Փարիզում ընթացող՝ ԻՒՆԵՍԿՕ-ի «Ոչ-նիւթական մշակութային ժառանգութեան պաշտպանութեան մասին» կոնւենցիայի միջկառավարական կոմիտէի 9-րդ նիստում որոշում է կայացւել ԻՒՆԵՍԿՕ-ի՝ մարդկութեան ոչ-նիւթական մշակութային ժառանգութեան ներկայացուցչական ցանկում ներառել Հայաստանի կողմից ներկայացւած «Լաւաշ. աւանդական հացի պատրաստումը, նշանակութիւնը եւ մշակութային դրսեւորումները Հայաստանում» յայտը:
Հարցի հետ կապւած՝ Թուրքիայի հիստերիան չուշացաւ՝ թուրքական կայքերը սկսեցին սրտաճմլիկ կերպով ներկայացնել, որ Թուրքիայի մշակոյթի եւ զբօսաշրջութեան նախարար Օմեր Չելիքը վաղուց յայտնել էր, թէ իբր Թուրքիան Ադրբեջանի հետ համատեղ պատրաստւում էր դիմել ԻՒՆԵՍԿՕ-ին՝ լաւաշը ոչ-նիւթական մշակութային ժառանգութեան ցանկում ներառելու համար:
«Yerkir.am»-ի հետ զրոյցում «Հայ խոհարարական աւանդոյթների զարգացման եւ պահպանման» հասարակական կազմակերպութեան նախագահ Սեդրակ Մամուլեանը նշեց, որ շնորհակալ է թէ՛ ՀՀ մշակոյթի նախարարութեանը եւ թէ՛ հնագիտութեան եւ ազգագրութեան ինստիտուտին՝ նման յայտ ներկայացնելու համար, թէեւ իրենք դէմ էին այդ քայլին:
«Մենք աջակցում ենք ՀՀ մշակոյթի նախարարութեանը, բայց, որպէս կազմակերպութիւն, մենք դէմ ենք եղել, որ մեր մշակութային ժառանգութիւնն այս կամ այն խորամանկ ու կաշառակեր միջազգային կազմակերպութիւնում վիճարկելու առիթ լինի: Կարմիր Խաչը չէ՞ր, որ չէր կարողանում մեր օդաչուների մարմինները հանել»,- ասաց Մամուլեանը:
Նա Թուրքիայի արձագանգը բնական է համարում՝ հօ չէի՞ն շնորհաւորելու մեր նախարարութեանը: «Իրենք ուրիշ ճար չունեն, պէտք է վայնասուն բարձրացնեն: Ի դէպ, մեր յայտը ներկայացւած էր լաւաշի եւ թոնրի համար, եւ շատ աւելի ուրախ կը լինէի, որ թոնիրը ընդունւէր, այլ ոչ թէ լաւաշը, թոնիրն աւելի արմատական է, աւելի մեծ խորհուրդ ունի մեր իրականութեան համար: Ինչ վերաբերում է լաւաշին, լաւաշն ամբողջութեամբ է հայկական: Լաւաշը մեր՝ պաշար անելու ընդհանուր մշակոյթն է ցոյց տալիս, քանի որ մեր նախնիները մառանը լցնելու մշակոյթ ունէին՝ չորաթան, հորած պանիր, ապխտած միս, նաեւ՝ լաւաշ»,- ասաց Մամուլեանը՝ յաւելելով, որ լաւաշի համար Ադրբեջանն ու Թուրքիան ոչ թէ պէտք է վայնասուն բարձրացնեն, այլ ամբողջ աշխարհը ծնկաչոք շնորհակալութիւն պէտք է յայտնի մեզ, որ լաւաշ ենք ստեղծել:
Մամուլեանը կուզէր, որ հայկական կողմն առաջիկայում թոնրի յայտը կրկին ներկայացնէր՝ շատ աւելի լուրջ փաստարկներով, քանի որ մենք ունենք դրանք: Ըստ նրա՝ Ադրբեջանը չի կարող մեզնից տանել այն, ինչ մենք ձեռքերով ամուր պահում ենք: «Կեանքը պայքար է, եւ պէտք է իւրաքանչիւր ոլորտում ամէն մի հարթակ օգտագործենք, որ կարողանանք մեր մշակոյթը ցոյց տալ»,- ասաց Մամուլեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։