Հա

Քաղաքական

Շաբաթ, 27 Փետրւարի 2016 09:50

Տարւայ ժամանակակից հայ հեղինակը Վահրամ Մարտիրոսեանն է

«Արմէնպրես» լրատւական գործակալութեան Հայաստանի ամենապահանջւած գրքերը ներկայացնող «Երեւանեան բեսթսելեր» յատուկ նախագիծն արդէն երրորդ անգամ իւրայատուկ նախաձեռնութեամբ ամփոփեց տարին: Փետրւարի 20-ին «LOFT» կենտրոնում անցկացւեց «Տարւայ բեսթսելեր» մրցանակաբաշխութիւնը եւ մի շարք անւանակարգերում յայտարարւեցին յաղթողներ:

«Արմէնպրես»-ն անցկացրեց «Տարւայ բեսթսելեր» մրցանակաբաշխութիւնը


«armenpress.am» - «Արմէնպրես» լրատւական գործակալութեան Հայաստանի ամենապահանջւած գրքերը ներկայացնող «Երեւանեան բեսթսելեր» յատուկ նախագիծն արդէն երրորդ անգամ իւրայատուկ նախաձեռնութեամբ ամփոփեց տարին: Փետրւարի 20-ին «LOFT» կենտրոնում անցկացւեց «Տարւայ բեսթսելեր» մրցանակաբաշխութիւնը եւ մի շարք անւանակարգերում յայտարարւեցին յաղթողներ:
«Մենք սովորաբար մրցանակաբաշխութիւնն անում ենք Մայրենի լեզւի օրը, սակայն հաշւի առնելով օրացուցային առանձնայատկութիւններն, այս տարի որոշեցինք կազմակերպել տօնից մէկ օր շուտ: Մրցանակաբաշխութեան գրքերն ընտրում ենք ոչ միայն քանակական, այլեւ որակական ցուցանիշերով, որպէսզի գնահատւի լաւ գիրքը, իսկական գրականութիւնը, լաւ գրահրատարակիչը, գրքի վաճառքով զբաղւող պրոֆեսիոնալ մարդիկ: Ուրախ եմ, որ մեր նախագիծը շարունակում է իր ընթացքը»,- «Արմէնպրես»-ի փոխանցմամբ՝ մրցանակաբաշխութեան մեկնարկին նշեց Արամ Անանեանը:
160227e01aՏարւայ ժամանակակից հայ հեղինակ ճանաչւեց Վահրամ Մարտիրոսեանը («Սէրը Մոսկւայում»): «Մեր ժամանակներում գիրք գնելը եւ տպելը խիզախութիւն է: Ինձ համար շատ արժէքաւոր է այս մրցանակը»,-շեշտեց Վահրամ Մարտիրոսեանը:
Տարւայ ամենապահանջւած թարգմանութիւնները կատարել է Կառլէն Մատինեանը՝ հայերէն թարգմանելով Էլֆրիդէ Ելինեկի «Դաշնակահարուհին» եւ Գիւնթեր Գրասի «Թիթեղեայ թմբուկը»: «Ինձ համար անակնկալ էր այս մրցանակն, անչափ շնորհակալ եմ մրցանակի համար: Այս յաջողութեան հիմքը մեծագոյն գրողներն են՝ Գրասը եւ Ելինեկը»,- ընդգծեց Կառլէն Մատինեանը:
Տարւայ մանկական գիրքը «Զանգակ» հրատարակչութեան «100 դասական հեքիաթներ» ժողովածուն է: Բեսթսելերների տարւայ հրատարակիչը կրկին «Անտարես»-ն է: Տարւայ մանկական գրքերի հրատարակիչը՝ «Բուկինիստ»-ը:

160227e01b

Լեւոն Անանեանի անւան յատուկ մրցանակի արժանացաւ Գրիգը՝ «Յիսուսի կատուն» ժողովածուի համար: «Ժամանակին համահունչ» նոր՝ յատուկ մրցանակն ստացաւ «Էդիթ պրինտ» հրատարակչութիւնը: Նախագծի աջակից ճանաչւեց «LOFT» ինքնազարգացման եւ ժամանցի կենտրոնը:
Մրցանակաբաշխութեան աւարտին նշւեց, որ նախագիծը կը ներկայացւի նաեւ հեռուստատեսային ձեւաչափով:
160227e01cՄրցանակաբաշխութեան նպատակն էր արժանին մատուցել տարւայ ընթացքում ամենապահանջւած գրական ստեղծագործութիւնների հեղինակներին, թարգմանիչներին, հրատարակիչներին: Միջոցառմանը ներկայ էին գրական ասպարէզի ներկայացուցիչներ, հրատարակիչներ, թարգմանիչներ, հիւրեր:
«Տարւայ բեսթսելեր» մրցանակաբաշխութիւնն անցկացւում է արդէն երրորդ անգամ. առաջին անգամ իրադարձութիւնը տեղի է ունեցել 2014 թւականին:
«Երեւանեան բեսթսելերը» միտւած է հայ գրքի, գրականութեան, ընթերցանութեան խրախուսմանը: Այն «Արմէնպրես»-ի յաջողւած եւ ընթերցւած նախագծերից է, որը շարունակում է հաւաքել եւ ներկայացնել գրախանութների տրամադրած տւեալները՝ ամենավաճառւող գրքերի մասին: Նախագծի՝ մանկական լսարանին միտւած գրականութիւնը ներկայացնող միւս տարբերակն է «Մանկական բեսթսելերը», որը յաջողութեամբ շարունակում է իր ընթացքը:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։