Հա

Քաղաքական

24/12/2016

Ծաղկաձորում տարեկան ներդրումները հասնում են մօտ 10 միլիոն դոլարի

Ծաղկաձորում ընդհանուր տարեկան ներդրումների ծաւալը հասնում է մօտ 10 միլիոն դոլարի: Ինչպէս հաղորդում է «Արմէնպրես»-ը, այս մասին լրագրողների հետ ճեպազրոյցում յայտնեց Ծաղկաձորի քաղաքապետ Արթուր Յարութիւնեանը՝ յաւելելով, որ ներդրումները հիմնականում ուղղւում են զբօսաշրջային եւ հիւրանոցային ոլորտին: Նշւած ոլորտները ապահովում են բնակչութեան 35-40 տոկոսի՝ շուրջ հազար հոգու աշխատանքը:

«armenpress.am» - Ծաղկաձորում ընդհանուր տարեկան ներդրումների ծաւալը հասնում է մօտ 10 միլիոն դոլարի: Ինչպէս հաղորդում է «Արմէնպրես»-ը, այս մասին լրագրողների հետ ճեպազրոյցում յայտնեց Ծաղկաձորի քաղաքապետ Արթուր Յարութիւնեանը՝ յաւելելով, որ ներդրումները հիմնականում ուղղւում են զբօսաշրջային եւ հիւրանոցային ոլորտին: Նշւած ոլորտները ապահովում են բնակչութեան 35-40 տոկոսի՝ շուրջ հազար հոգու աշխատանքը: «Ծաղկաձորը փոքր համայնք է, ուստի մենք կարողանում ենք որոշակի զբաղւածութիւն ապահովել նաեւ յարակից համայնքների, մասնաւորապէս Հրազդանի բնակչութեան համար»,- նշեց Յարութիւնեանը:
Նրա ասութեամբ՝ Ծաղկաձորում ներկայում գործում են 43 հիւրանոցներ եւ 10 հիւրատներ: «Սա նշանակում է, որ Ծաղկաձորում հանգիստը միայն հարուստների համար չէ: Հիւրատներում գները տատանւում են 5-80 հազար դրամի սահմաններում»,- ասաց քաղաքապետը: Արթուր Յարութիւնեանի ներկայացմամբ՝ քաղաքում հայ եւ արտասահմանցի զբօսաշրջիկների թիւը գրեթէ հաւասարապէս է բաժանւում:
Արտասահմանցի զբօսաշրջիկների աշխարհագրութեան մասով քաղաքապետը նշում է, որ նրանք հիմնականում գալիս են նախկին խորհրդային տարածքի երկրներից՝ հիմնականում Ռուսաստանից, Ղազախստանից եւ այլն: «Դա պայմանաւորւած է այն հանգամանքով, որ 1967 թ. այստեղ ստեղծւել է ձմեռային սպորտի համար ԽՍՀՄ-ի գլխաւոր մարզահամալիրներից մէկը: Սակայն վերջին շրջանում նկատւում է նաեւ եւրոպացի զբօսաշրջիկների՝ ֆրանսիացիների, գերմանացիների ներհոսք»,- ընդգծեց Արթուր Յարութիւնեանը: Անդրադառնալով վիճակագրութեանը՝ Ծաղկաձորի քաղաքապետը նշեց, որ յստակ թւեր դժւար է բերել, սակայն մօտաւոր հաշւարկներով 2007-2016 թւականների ընթացքում զբօսաշրջիկների թիւը 60-70 հազարից հասել է մօտ 350 հազարի: Յարութիւնեանը նաեւ շեշտեց, որ առաջիկայում Ծաղկաձորի հիմնական եկեղեցու յարակից տարածքում նախատեսւում է ստեղծել զբօսայգի: Բացի այդ, 2017 թ. քաղաքում բացւելու են մէկական ռեստորան, գինետուն եւ հիւրանոց: Քաղաքի հինգերորդ հինգաստղանի հիւրանոցի՝ «Արարատ Ռեզորտի» բացմանը ներկայ է գտնւել նաեւ ՀՀ նախագահ Սերժ Սարգսեանը:
Նախքան Ծաղկաձորից մեկնելը Սերժ Սարգսեանին ներկայացւել են «ՀՀ բեւեռային քաղաքային համայնքների զարգացման» ծրագրով Ծաղկաձոր քաղաքում իրականացւելիք ենթակառուցւածքային ներդրումների ուղղութիւնները եւ համայնքի զարգացման առաջնահերթութիւնները:

Յարակից լուրեր

  • Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»
    Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»

    Կան ներդրողներ, ես անուններ չեմ հրապարակի, բայց բաւական մեծ ծաւալի ներդրումների մասին է խօսքը: Աւելի կոնկրետ ներդրումը կը լինի, դուք կը տեսնէք: Այս մասին այսօր կառավարութեան նիստի մեկնարկից առաջ լրագրողների հետ ճեպազրոյցում ասաց տնտեսական զարգացման եւ ներդրումների նախարար Արծւիկ Մինասեանը:

  • Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին
    Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին

    Վերջին ամիսներին Հայաստանի ներսում քաղաքական գործընթացների խաղաղ հանգուցալուծումը եւ առանց աշխարհաքաղաքան ցնցումների՝ երկրի զարգացման ուղու ապահովումը զարմացրեց շատերին, այդ թւում՝ Ադրբեջանին, որտեղ ոչ միայն զարմանում, այլ դատելով նաեւ մամուլում շարունակւող հրապարակումներից, ցաւում են նման ելքի համար։

  • Հայաստանը կարող է հանդիսանալ այն կղզեակը, որից կը կարողանան օգտւել իրանցիները
    Հայաստանը կարող է հանդիսանալ այն կղզեակը, որից կը կարողանան օգտւել իրանցիները

    Օրերս Ֆրանսիայի ֆինանսների նախարար Բրունօ Լը Մերը ցաւով յայտարարել է, որ ֆրանսիական մի քանի խոշոր ընկերութիւններ, որոնք միջուկային համաձայնութիւնից յետոյ սկսել էին գործունէութիւն ծաւալել Իրանում, հնարաւոր է՝ չկարողանան այլեւս շարունակել իրենց հետագայ համագործակցութիւնն ու դուրս գան իրանական շուկայից։ Պատճառն, ըստ Ֆրանսիայի գլխաւոր ֆինանսիստի, իհարկէ, ամերիկեան նախատեսւող պատժամիջոցներն են։ 

  • Միֆեր եւ իրականութիւն պարտադիր կուտակային կենսաթոշակային համակարգի մասին
    Միֆեր եւ իրականութիւն պարտադիր կուտակային կենսաթոշակային համակարգի մասին

    Կենսաթոշակային համակարգը երկրի քաղաքական, տնտեսական եւ սոցիալական անվտանգութեան տեսանկիւնից կարեւորագոյն գործօններից է, որի արդիւնաւէտ եւ առողջ կենսագործունէութեամբ մեծապէս պայմանաւորւած են երկրի սոցիալ-տնտեսական, բիւջետային կայունութիւնը, քաղաքացիների ընդհանուր բարեկեցութիւնը, հասարակութեան ունակութիւնը հոգ տանել իր անդամների մասին մինչեւ խոր ծերութիւն։

  • Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»
    Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»

    Ի վերջոյ Արցախի եւ Հայաստանի վերամիաւորումը պէտք է լինի․ «Ազատութիւն» ռ/կ-ի «Ֆէյսբուքեան ասուլիս» հաղորդաշարի ընթացքում նման միտք արտայայտեց Անվտանգութեան խորհրդի քարտուղար Արմէն Գրիգորեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։