Հա

Քաղաքական

Երկուշաբթի, 26 Դեկտեմբերի 2016 10:40

Երեւանի Ազատութեան հրապարակը զարդարում են ձնէ քանդակները

Ապարանից Երեւան բերւած 8 մեքենայ ձիւնը «HD Studio»-ին ու նրա ղեկավար, ռեժիսոր Կարէն Խաչատրեանին օգնեցին իրագործել վաղեմի մտադրութիւնը: Երեւանն այսուհետեւ յետ չի մնում Սանկտ Պետերբուրգից, Պրահայից, Մոսկւայից եւ այլ քաղաքներից, որտեղ ձմռանը այգիները զարդարում են պսղպղուն սառցէ քանդակները՝ ծանօթ ու անծանօթ կերպարներով:

Ապարանից Երեւան բերւած 8 մեքենայ ձիւնը «HD Studio»-ին ու նրա ղեկավար, ռեժիսոր Կարէն Խաչատրեանին օգնեցին իրագործել վաղեմի մտադրութիւնը: Երեւանն այսուհետեւ յետ չի մնում Սանկտ Պետերբուրգից, Պրահայից, Մոսկւայից եւ այլ քաղաքներից, որտեղ ձմռանը այգիները զարդարում են պսղպղուն սառցէ քանդակները՝ ծանօթ ու անծանօթ կերպարներով:
Կարէն Խաչատրեանը նշում է, որ 3 տարի է՝ նման ծրագիր իրականացնելու մտադրութիւն ուէին, եւ այս տարի արդէն որոշում կայացւեց Երեւանի քաղաքապետարանի արտաքին ձեւաւորման վարչութեան հետ համագործակցելով կեանքի կոչել գաղափարը:
«Ամբողջ աշխարհում, յատկապէս ձնառատ երկրներում, անցկացւում է նման միջոցառում, եւ Երեւանն էլ պէտք է յետ չմնայ ու նման ծրագիր կազմակերպի մեր երեխաների, քաղաքացիների, զբօսաշրջիկների համար»,- նշում է գաղափարի հեղինակը:
161226d05aՔանդակները պատրաստել եւ ցուցադրութեան են ներկայացրել ինչպէս պրոֆեսիոնալներ, այնպէս էլ արւեստի դպրոցների սաներ՝ իրենց ուսուցիչների հետ համատեղ:
«Մեր երկրում ձեան հետ աշխատելու փորձ չկայ, ուստի ծրագիրը նաեւ փորձարարական է, պրոֆեսիոնալներն ու սովորողները կաշխատեն միասին, կը համագործակցեն, կը քննարկեն ու ձեան հետ «լեզու կը գտնեն»: Ձիւնն ու սառոյցն ունեն իրենց առանձնայատկութիւնները, եւ ծրագրի մասնակիցները շունչ կը հաղորդեն սառը նիւթին»-նախապատրաստական աշխատանքների մասին խօսելիս նշում է Կարէնը:
Քանդակները տարբեր թեմաներով են, կազմակերպիչներն էսքիզների առումով հեղինակներին ազատութիւն են տւել, սակայն գերակշռում են հեքիաթային կերպարները, նոյնիսկ մտադրութիւն կայ ներկայացնելու Երեւանի երբեմնի Երիտասարդական պալատը:
Ցուցադրւած է աւելի քան 15 քանդակ:


Լրատւական ցանց

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։