Հա

Քաղաքական

Կիրակի, 08 Յունւարի 2017 09:40

Ջերմոցներ՝ եւս 59 ընտանիքի համար

«Հայաստան» Համահայկական հիմնադրամն իր արգենտինահայ բարերարների ֆինանսաւորմամբ Տաւուշի մարզի 10 համայնքներում մեկնարկում է ջերմոցների կառուցման երրորդ փուլը: 

«Հայաստան» Համահայկական հիմնադրամն իր արգենտինահայ բարերարների ֆինանսաւորմամբ Տաւուշի մարզի 10 համայնքներում մեկնարկում է ջերմոցների կառուցման երրորդ փուլը: 
Ոսկեւան, Արծւաբերդ, Կոթի, Ներքին Ծաղկաւան, Բերդաւան, Այգեհովիտ, Կողբ, Զօրական, Դիտաւան, Կիրանց գիւղերի 57 շահառու ընտանիքների տնամերձ հողատարածքներում կը կառուցւեն 100 քմ. մակերեսով, մետաղեայ կառուցւածքով եւ բարձրորակ ծածկով ջերմոցներ: Երկու ջերմոց էլ Հիմնադրամի Աւստրալիայի տեղական մարմնի հովանաւորութեամբ կը կառուցւի Խաչարձանում: Ջերմոցների շահագործման նախնական փուլում գիւղացիներին միանւագ կը տրամադրւի անվճար խորհրդատւութիւն եւ կը նւիրաբերւեն սածիլներ:

Ծրագրի համակարգող Մարիամ Ջենջիրջեանի ասութեամբ՝ շահառուներն ընտրւում են վիճակահանութեան միջոցով եւ համաֆինանսաւորման պայմանով: Համայնքներն ընտրելիս հիմք է ընդունւել կառավարութեան կողմից սահմանւած սահմանամերձ համայնքների ցանկը: 59 ջերմոցի կառուցման համար այս փուլում յայտ էր ներկայացրել 100 մենատնտես: Մէկ ջերմոցի արժէքը կազմում է 5400 ԱՄՆ դոլարին համարժէք դրամ, որից 200000 ՀՀ դրամը վճարում է շահառուն: «Տարէցտարի մարզում աւելանում է ջերմոցային տնտեսութիւն վարողների թիւը՝ 10-ից հասնելով 102-ի: Յուսանք, որ 2017 թ.-ին նախատեսւած էլեկտրաէներգիայի սակագնի նւազումը կը թեթեւացնի ջերմոցային տնտեսութեամբ զբաղւողների ֆինանսական բեռը»,- ասում է ծրագրի համակարգողը: 
Առաջին եւ երկրորդ փուլերի (2013-15 թթ.) արդիւնքում Դիտաւան, Կիրանց, Բաղանիս, Այգեհովիտ, Վազաշէն, Գանձաքար եւ Խաչարձան գիւղերի 43 շահառու մենատնտեսները ջերմոցների շահագործման շնորհիւ ստանում են կայուն եկամուտ:

«Հայաստան» Համահայկական հիմնադրամ

Յարակից Հրապարակումներ

Ամենաշատ ընթերցւած

Քւէարկութիւն

Խորհրդարանը կը վստահի՞ արդեօք 12-րդ կառավարութեան կազմին:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։