Հա

Քաղաքական

Չորեքշաբթի, 01 Մարտի 2017 10:10

ՀՀ նախագահը հանդիպել է Ժան-Կլոդ Իւնկերի եւ Ֆեդերիկա Մոգերինիի հետ

Աշխատանքային այցով Բելգիայի Թագաւորութիւն այցելած ՀՀ նախագահ Սերժ Սարգսեանը երէկ` փետրւարի 28-ին հանդիպել է Եւրոպական յանձնաժողովի նախագահ Ժան-Կլոդ Իւնկերի եւ Եւրոմիութեան արտաքին քաղաքականութեան եւ անվտանգութեան հարցերով բարձր ներկայացուցիչ, Եւրոպական յանձնաժողովի փոխնախագահ Ֆեդերիկա Մոգերինիի հետ:

«alikonline.ir» - Աշխատանքային այցով Բելգիայի Թագաւորութիւն այցելած ՀՀ նախագահ Սերժ Սարգսեանը երէկ` փետրւարի 28-ին հանդիպել է Եւրոպական յանձնաժողովի նախագահ Ժան-Կլոդ Իւնկերի եւ Եւրոմիութեան արտաքին քաղաքականութեան եւ անվտանգութեան հարցերով բարձր ներկայացուցիչ, Եւրոպական յանձնաժողովի փոխնախագահ Ֆեդերիկա Մոգերինիի հետ:

Ինչպէս տեղեկացնում է «panorama.am»-ը` Սերժ Սարգսեան-Ժան-Կլոդ Իւնկեր հանդիպմանը կողմերը հանգամանորեն անդրադարձել են ՀՀ-ԵՄ յարաբերութիւններին եւ դրանց հեռանկարին, քննարկել են իրավիճակը տարածաշրջանում եւ վերջին շրջանի զարգացումները:

Զրուցակիցներն անդրադարձել են նաեւ Լեռնային Ղարաբաղի հիմնահարցին: ՀՀ նախագահը ներկայացրել է Լեռնային Ղարաբաղի հիմնահարցի կարգաւորման շուրջ վերջին զարգացումներն ու մտահոգութիւնները: Սերժ Սարգսեանը բարձր է գնահատել Լեռնային Ղարաբաղի հիմնախնդրի խաղաղ կարգաւորման հարցում ԵՄ-ի հաւասարակշռւած դիրքորոշումը, որը համահունչ է հակամարտութեան կարգաւորման միակ միջազգայնօրէն ճանաչւած ձեւաչափի՝ ԵԱՀԿ Մինսկի խմբի համանախագահների ջանքերին եւ ձևակերպումներին:

Կողմերը մտքեր են փոխանակել նաեւ Մերձաւոր Արեւելքում տիրող իրավիճակի, այդ թւում` սիրիական ճգնաժամի շուրջ, անդրադարձել փախստականների հիմնախնդրին եւ բազմաթիւ երկրների հետ միասին Հայաստանի կողմից Սիրիայի բարեկամ ժողովրդին ու սիրիահայերին ցուցաբերւող մարդասիրական օգնութեանը: 

Սերժ Սարգսեան-Ֆեդերիկա Մոգերինի հանդիպման ժամանակ կողմերը քննարկել են Հայաստան-Եւրոպական միութիւն յարաբերութիւններին եւ փոխգործակցութեան հետագայ զարգացմանն ու ամրապնդմանը վերաբերող հարցերի լայն շրջանակ: 

Նրանք նոյնպէս չեն շրջանցել ԼՂ-ի հակամարտութեան թեման` քննարկելով Լեռնային Ղարաբաղի հիմնախնդրի կարգաւորման գործընթացը, առկայ խնդիրներն ու մտահոգութիւնները: ՀՀ նախագահը հանգամանօրէն ներկայացրել է Ադրբեջանի ապակառուցողական պահւածքն ու այդ երկրի կողմից ԼՂ-ի հետ շփման գծի երկայնքով ու նաեւ Հայաստանի պետական սահմանի վրայ պարբերաբար հրահրւող սադրանքները, հրաժարումը Վիեննայում եւ Սանկտ Պետերբուրգում ձեռքբերւած պայմանաւորւածութիւնների կատարումից, որոնք, ըստ նրա` հարցականի տակ են դնում միջազգային հանրութեան՝ խնդրի խաղաղ կարգաւորմանն ուղղւած երկարամեայ ջանքերը եւ ողջ բանակցային գործընթացը։ 

Յարակից Հրապարակումներ

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։