Հա

Քաղաքական

07/03/2017

5 ուժ ունի խորհրդարան անցնելու պոտենցիալ

Փետրւարի 6-ին «Gallup International Association»-ի հայաստանեան ներկայացուցչութեան տնօրէն Արամ Նաւասարդեանը լրագրողներին ներկայացրեց վերջին հետազօտութիւնը` «Քաղաքական կուսակցութիւններ եւ դաշինքների մեկնարկային ցուցանիշները» թեմայով:

«alikonline.ir» - Փետրւարի 6-ին «Gallup International Association»-ի հայաստանեան ներկայացուցչութեան տնօրէն Արամ Նաւասարդեանը լրագրողներին ներկայացրեց վերջին հետազօտութիւնը` «Քաղաքական կուսակցութիւններ եւ դաշինքների մեկնարկային ցուցանիշները» թեմայով: Տեղեկացնում է «yerkir.am»-ը:

Թէ ո՞ր ուժին կընտրեն համամասնական ցուցակով, եթէ առաջիկայ կիրակի տեղի ունենային ընտրութիւնները, հարցման մասնակիցները պատասխանել են` «Ծառուկեան» դաշինք` 26.4 տոկոս, ՀՀԿ` 22.8 տոկոս, «Ելք» դաշինք` 4.3 տոկոս, ՀՅԴ` 3.9 տոկոս, «Ազատ դեմոկրատներ»` 3.4 տոկոս, «Հայկական վերածնունդ»` 2.7 տոկոս, «ՀԱԿ-ՀԺԿ» դաշինք` 2.6 տոկոս, «Օհանեան-Րաֆֆի-Օսկանեան» դաշինք` 1.8 տոկոս, Կոմկուս` 1 տոկոս: Հրաժարւել է պատասխանել 14 տոկոսը, դժւարացել է պատասխանել 17 տոկոսը:

Արամ Նաւասարդեանը շեշտեց, որ այս ցուցանիշները վերաբերում են համամասնական ցուցակին, եւ ամէն ինչ կարող է փոխւել թէ՛ քարոզարշաւի, թէ՛ ռէյտինգային թեկնածուների լաւ աշխատանքի արդիւնքում:

Նա նաեւ նշեց, որ առաջին հինգ ուժերը խորհրդարան անցնելու  պոտենցիալ ունեն, մնացածների դէպքում դժւար է կանխորոշել, մանաւանդ, որ դաշինքների դէպքում տոկոսային շեմը 7-ն է: Ըստ Նաւասարդեանի` նոյեմբերին կատարւած հետազօտութիւնների ժամանակ ՀՀԿ-ի եւ ԲՀԿ-ի ցուցանիշները գրեթէ հաւասար էին, ընդ որում` մարզերում ԲՀԿ-ն ունէր բարձր ցուցանիշ, իսկ Երեւանում` ՀՀԿ-ն:

«Սա անսպասելի ցուցանիշ չէ, որ ԲՀԿ-ն առջեւում է, թէեւ ՀՀԿ-ի եւ ԲՀԿ-ի միջեւ տարբերութիւնը 3 տոկոս է, եւ քարոզարշաւն ու ռէյտինգային թեկնածուները կարող են շատ բան փոխել այս ցուցանիշներում»,- ասաց Արամ Նաւասարդեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։