Հա

Քաղաքական

Շաբաթ, 11 Մարտի 2017 09:20

«Forbes»-ը նշել է ռուսաստանաբնակ հայ միլիարդատէրներին, ովքեր կարող են ազդել ՀՀ-ում ընտրութիւնների վրայ

Հեղինակաւոր «Forbes» հանդէսը հրապարակել է Ռուսաստանի միլիարդատէր հայ գործարարների անունները, որոնք կարող են առանցքային դեր խաղալ Հայաստանում ապրիլի 2-ին կայանալիք խորհրդարանական ընտրութիւնների ժամանակ:

«alikonline.ir» - Հեղինակաւոր «Forbes» հանդէսը հրապարակել է Ռուսաստանի միլիարդատէր հայ գործարարների անունները, որոնք կարող են առանցքային դեր խաղալ Հայաստանում ապրիլի 2-ին կայանալիք խորհրդարանական ընտրութիւնների ժամանակ: Տեղեկացնում է «yerkir.am»-ը: 

«Սամուէլ Կարապետեանը, Ռուբէն Վարդանեանը, Սերգէյ Համբարձումեանը եւ Սարկիսով եղբայրներն ազդեցիկ գործարարներ են՝ հայկական ծագմամբ: Նրանք ակտիւօրէն ներդրումներ են կատարում Հայաստանում՝ երկրի հասարակական-քաղաքական կեանքում լուրջ գործօն դառնալով»,- գրում է հանդէսը:

Նշւում է, որ նրանց ներդրումները ներգրաււած են Հայաստանի գրեթէ իւրաքանչիւր յաջողւած նախագծում:

«Forbes»-ը գրում է, որ այս ազդեցիք գործարարները Հայաստանում ներդրումներ են կատարում առանց ինչ-որ նշանակալի եկամուտ ակնկալելու. նրանք փոխարէնն ակնկալում են «իմիջա-վարկանիշային եւ քաղաքական դիւիդենտներ շահել»:

Նշւում է, որ քաղաքական տեսանկիւնից, Ռուսաստանում հայկական սփիւռքի կառոյցների ղեկավարները սերտ կապեր են պահպանում պաշտօնական Երեւանի իշխանութիւնների հետ:

«Forbes»-ի վարկածի համաձայն, երկրի քաղաքական կուրսից բնակչութեան դժգոհութեան, ինչպէս նաեւ՝ արեւմտահայկական սփիւռքի (մասնաւորապէս, ԱՄՆ-ի ու Ֆրանսիայի) ընդդիմադիր քաղաքական կառոյցների հանդէպ համակրանքի աճը Ռուսաստանի հայ գործարարներին դարձնում են պաշտօնական Երեւանի միակ՝ «առանց այլընտրանքի հնարաւորութեան» համակիրները:

Այսպիսով, ինչպէս նշում է հանդէսը, ապրիլեան ընտրութիւններում հայկական սփիւռքի ֆինանսական էլիտայի գործօնը կարող է առանցքայիններից մէկը դառնալ:

Յարակից Հրապարակումներ

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։