Հա

Քաղաքական

Կիրակի, 12 Մարտի 2017 10:40

Արմէն Ռուստամեան. «Տեսէք, թէ ուր ենք մենք հասել, որ ընտրողների համար ընտրութիւնը դարձել է փող աշխատելու միջոց»

Բոլոր համապետական ընտրութիւններում Դաշնակցութիւնը արձանագրում է միշտ իր ունեցած ընտրազանգւածի մի այնպիսի ծաւալ, որը չի պակասել երբեք․ «tert.am»-ի հետ զրոյցում՝ խօսելով խորհրդարանական ընտրութիւններում իրենց մասնակցութեան եւ ունեցած «կայուն» ընտրազանգւածի մասին՝ ասաց  ՀՀ ԱԺ ՀՅԴ խմբակցութեան ղեկավար, խորհրդարանական ընտրութիւններում պատգամաւորութեան թեկնածու Արմէն Ռուստամեանը:

«alikonline.ir» - Բոլոր համապետական ընտրութիւններում Դաշնակցութիւնը արձանագրում է միշտ իր ունեցած ընտրազանգւածի մի այնպիսի ծաւալ, որը չի պակասել երբեք․ «tert.am»-ի հետ զրոյցում՝ խօսելով խորհրդարանական ընտրութիւններում իրենց մասնակցութեան եւ ունեցած «կայուն» ընտրազանգւածի մասին՝ ասաց  ՀՀ ԱԺ ՀՅԴ խմբակցութեան ղեկավար, խորհրդարանական ընտրութիւններում պատգամաւորութեան թեկնածու Արմէն Ռուստամեանը:

«Այդ ընտրազանգւածը գոյանում է ոչ պատահականօրէն: Քանի որ Դաշնակցութիւնը գաղափարական կուսակցութիւն է, մեր ընտրազանգւածը համոզումով է քւէարկել մեր օգտին: Դա պայմանաւորւած է նրանով, որ մենք ցանկացել ենք եւ արել ենք քայլեր, որ այդ համոզւածութիւնը Դաշնակցութեան հանդէպ չկորի»,- ասաց նա՝ նշելով, որ իրենք նպատակ ունեն իրենց համակիրների շրջանակն ընդլայնել, միայն խորհրդարանում անցողիկ շեմը յաղթահարելով չսահմանափակւել:

Խօսելով իշխանութիւնների հետ կոալիցիա կազմելու եւ դրա հետեւանքով նրանց նկատմամբ վստահութեան չափի փոփոխութեան մասին՝ նա նկատեց, որ երկրում կար կուտակւած օբիեկտիւ դժգոհութիւն: Նշեց, որ իրենց քննարկումների արդիւնքում էլ եկել են այն եզրակացութեան, որ եթէ այդ դժգոhութեան «պատճառներից պատճառը» չվերացնեն, այն միշտ էլ կը մնայ: «Դա հնարաւոր էր կատարել երկու ճանապարհով՝ մէկը` յեղափոխական, չնայելով, թէ ինչպիսի արդիւնքներ կը լինեն այդ յեղափոխութեան ժամանակ, միւսն էլ՝ ներսից մտնել»,- ասաց նա՝ յաւելելով, որ իրենք վերջին տարբերակն ընտրեցին: Հասկացան, որ պէտք է «որոշակի գին» վճարեն․ որոշակի դժգոհութիւն իրենց նկատմամբ կառաջանար, թէկուզ եւ պայմանաւորւած նրանով, որ իրենք էլ արդէն իշխանութեան մի մասն են: «Մենք հասկացանք, որ պէտք է այդ գինը վճարենք, յետոյ այդ խնդիրները լուծենք»,- ասաց նա:

Արմէն Ռուստամեանը նաեւ իր զարմանքն արտայայտեց ընտրակաշառքի տեխնոլոգիան օգտագործողների եւ դրանից օգտւողների մասին: «Ցինիզմի է հասել ամէն ինչ, արդէն առանց ամաչելու ընտրողն ուղղակի կոչ է անում, որ իրեն շատ փող տան, փող տւողն էլ չի ամաչում ասել, որ՝ այո՛, փող է տալու, որ իրեն ընտրեն: Տեսէք ու՞ր ենք մենք հասել, որ ընտրողների համար ընտրութիւնը դարձել է փող աշխատելու միջոց: Իրենք չեն դիտում ընտրութիւնը, որպէս իրենց ճակատագիրը որոշելու հարց, որ իրենց ընտրական իրաւունքը, քւէն իսկապէս ուժ ունի եւ կարող է օգտագործել դա աւելի որակեալ իշխանութիւն ունենալու համար»,- ասաց նա:

Յարակից Հրապարակումներ

  • Ագրամունտի ջանքերը այս անգամ հազիւ թէ արդիւնք տան
    Ագրամունտի ջանքերը այս անգամ հազիւ թէ արդիւնք տան

    Ապրիլի 24-27-ը Ստրասբուրգում կանցկացւի Եւրոպայի խորհրդի խորհրդարանական վեհաժողովի գարնանային նստաշրջանը: Այս օրերին վեհաժողովում կը քննարկւի ԵԽԽՎ նախագահ Պեդրօ Ագրամունտի պաշտօնանկութեան հարցը: Նրա անունը կապւում է կոռուպցիոն գործարքների հետ, նա հովանաւորում է ԵԽԽՎ կոռումպացւած պատւիրակներին, չարաշահում է պաշտօնական դիրքը: 

  • Արմէն Ռուստամեան. «Ենթադրում եմ՝ ՀՅԴ-ՀՀԿ համագործակցութիւնը պէտք է շարունակւի»
    Արմէն Ռուստամեան. «Ենթադրում եմ՝ ՀՅԴ-ՀՀԿ համագործակցութիւնը պէտք է շարունակւի»

    «Ենթադրում եմ, որ այն համագործակցութիւն­ը, որի մասին դուք տե­ղեակ էք, պէտք է շարունակւի, որովհետեւ, ի վերջոյ, դա անժամկէտ էր, պայմանաւորւած չէր որեւէ ձեւաչափով, այլ` խնդիրների լուծմամբ, իսկ այն հարցերը, որ համագործակցութեան մէջ արձան­ագրւած են, դրանց զգալի մասը լուծւած չե­ն»,- ասաց Ռուստամեան­ը:

  • Աղւան Վարդանեան. «Դաշնակցութիւնն «աւելին էր ակնկալում»»
    Աղւան Վարդանեան. «Դաշնակցութիւնն «աւելին էր ակնկալում»»

    Ե՛ւ ընտրակաշառքից, ե՛ւ վարչական ռեսուրսի օգտագործումից, ե՛ւ ընտրողներին ուղղորդելուց, ե՛ւ այդ ուղղորդումը վերահսկելուց․․․ ե՛ւ վարկանիշային թեկնածուների մեծ քանակութիւնը, եւ ակտիւ աշխատանքը իւրաքանչիւր բնակչի հետ բերեց շատ մեծ մասնակցութիւն: Դժւար է ասել այս մասնակցութիւնը ամբողջովին իրակա՞ն էր, թէ՞ որոշ փոքր շեղումներ հեռաւոր տեղերում եղել են: Բայց որ սա նաեւ ակտիւութիւն դրսեւորում էր մարդկանց՝ իրենց ձայնը կարեւորելու դիրքորոշման, սա եւս ակնյայտ է:

  • Հանրապետական կուսակցութեան արդիւնքներն ու հնարաւոր պատգամաւորները
    Հանրապետական կուսակցութեան արդիւնքներն ու հնարաւոր պատգամաւորները

    «Հայաստանի Հանրապետական» կուսակցութիւնը խորհրդարանական ընտրութիւններում ստացել է ընտրողների  49.19% քւէ: Հաշւի առնելով, որ խորհրդարան անցնելու շեմը չյաղթահարած կուսակցութիւնների եւ դաշինքների հաւաքած տոկոսները բաշխւելու են շեմը յաղթահարած չորս ուժերի միջեւ, ապա Հանրապետական կուսակցութեան տոկոսները մօտաւոր կը հասնեն 53-54%-ի սահմաններ:

  • Սերգէյ Լեբեդեւ. «Մեր առջեւ բոլոր դռները բաց էին»
    Սերգէյ Լեբեդեւ. «Մեր առջեւ բոլոր դռները բաց էին»

    ԱՊՀ-ի դիտորդական առաքելութեան գնահատականով, ՀՀ-ում խորհրդարանական ընտրութիւններն անցան հանգիստ, թափանցիկ ու կազմակերպւած,- այսօր լրագրողների հետ հանդիպմանը յայտարարեց ԱՊՀ գործադիր քարտուղար, ԱՊՀ դիտորդական առաքելութիւնը գլխաւորող Սերգէյ Լեբեդեւը՝ ամփոփելով իրենց առաքելութիւնը:

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։