Հա

Քաղաքական

ԱՊՐԻԼԻ 24
%PM, %14 %423 %2017 %12:%Մրտ

Սերժ Սարգսեան. «Բաքւում պէտք է հասկանան, որ պատերազմը խնդիրների լուծման տարբերակ չէ»

Պաշտօնական այցով Մոսկւայում գտնւող ՀՀ նախագահ Սերժ Սարգսեանը ռուսական «Իզւեստիա» պարբերականում հրապարակւած յօդւածում անդրադարձել է երկրի սոցիալ-տնտեսական զարգացմանը, միջազգային ասպարէզում համագործակցութեանն ու ԼՂ-ի հակամարտութեան կարգաւորմանը:

«alikonline.ir» - Պաշտօնական այցով Մոսկւայում գտնւող ՀՀ նախագահ Սերժ Սարգսեանը ռուսական «Իզւեստիա» պարբերականում հրապարակւած յօդւածում անդրադարձել է երկրի սոցիալ-տնտեսական զարգացմանը, միջազգային ասպարէզում համագործակցութեանն ու ԼՂ-ի հակամարտութեան կարգաւորմանը: Տեղեկացնում է «tert.am»-ը:

ՀՀ նախագահը նշել է, որ Հայաստանը, լինելով Արցախի Հանրապետութեան բնակչութեան անվտանգութեան երաշխաւորը, շարունակում է հետեւողական ու կառուցողական ջանքեր գործադրել ԵԱՀԿ Մինսկի խմբի ձեւաչափում հակամարտութեան խաղաղ կարգաւորման տարբերակներ գտնելու համար:

«Հայաստանը հետեւողականօրէն բարձրացնում ու ամրապնդում է իր պաշտպանական կարողութիւնը՝ այդ թւում նաեւ իր ռազմավարական դաշնակցի՝ Ռուսաստանի հետ ռազմատեխնիկական համագործակցութեան շրջանակում: Մենք միասին ստեղծել ենք Միացեալ զորախումբ, ձեւաւորել ենք հակաօդային պաշտպանութեան համակարգ: Հայաստանի տարածքում է գտնւում ռուսական 102-րդ ռազմաբազան»,- նշել է Սերժ Սարգսեանը՝ անցում կատարելով նախորդ տարւայ ապրիլեան դէպքերին ու նկատելով, որ ադրբեջանական ագրեսիան զգալի վնաս է հասցրել բանակցային, կողմերի միջեւ վստահութեան վերականգնման ջանքերին ու հակամարտութեան խաղաղ կարգաւորման գործընթացներին:

Խօսելով 2017 թւականի փետրւարի 24-ի լոյս 25-ի գիշերը ղարաբաղա-ադրբեջանական հակամարտ զօրքերի շփման գծում արձանագրւած իրավիճակի սրմանը՝ Սերժ Սարգսեանը եւս մէկ անգամ ընդգծել է, թէ որքան հրատապ է շփման գծում հրադադարի պահպանման ռեժիմի վերահսկմանն ուղղւած մեխանիզմների գործարկման անհրաժեշտութիւնը:

«Վերջիվերջոյ, Բաքւում պէտք է հասկանան, որ Հայաստանն ու համանախագահ պետութիւնները խօսում են մի լեզւով. քաղաքակիրթ աշխարհում բանակցութիւններն այլընտրանք չունեն, պատերազմը խնդիրների լուծման տարբերակ չէ, եւ միայն երկխօսութեան, այլ ոչ վերջնագրերի միջոցով է հնարաւոր  խաղաղութեան հասնել: Մենք հիմնւում ենք նրա վրայ, որ ժողովրդի՝ սեփական ճակատագիրը տնօրինելու իրաւունքը ժամանակակից աշխարհակարգի անքակտելի մասն է: Եւ հէնց սրա հիման վրայ էլ պէտք է լուծւի ԼՂ-ի հակամարտութիւնը: Միեւնոյն ժամանակ, պէտք է ուշադրութիւն դարձնել միջազգային փորձագիտական հանրութեան գնահատականներին առ այն, որ ԼՂՀ-ում հետեւողականօրէն ժողովրդավարական պետականաշինութիւն է իրականացւում»,- նշել է ՀՀ նախագահը:

اخبار مرتبط

  • Մարիա Զախարովա.«Հայաստան, Ռուսաստանը միշտ քեզ հետ է»․
    Մարիա Զախարովա.«Հայաստան, Ռուսաստանը միշտ քեզ հետ է»․

    Հայաստանի վարչապետ Սերժ Սարգսեանի հրաժարականին իր ֆէյսբուքեան պաշտօնական էջում կատարած գրառմամբ արձագանքել է նաև Ռուսաստանի արտգործնախարարութեան խօսնակ Մարիա Զախարովան:

  • Սերժ Սարգսեանը հրաժարական է տւել
    Սերժ Սարգսեանը հրաժարական է տւել

    ՀՀ վարչապետ Սերժ Սարգսեանը հրաժարական է տւել։ Հրաժարականը ներկայացւած է պաշտօնական կայքում։

  • Մեր ճշմարիտ յաղթանակը
    Մեր ճշմարիտ յաղթանակը

    Չմոռնանք, որ Դաշնակցութիւնը մուտք գործեց կառավարական դաշինքէն (կոալիցիա) ներս ԻՐ ԻՆՔՆՈՒՐՈՅՆ ՊԼԱՏՖՈՐՄՈՎ, որ կը ցոլացնէր ՀՅԴ 32-րդ Ընդհանուր Ժողովի եւ ՀՅԴ Հայաստանի Գերագոյն ժողովներու որոշումները։ Դժբախտաբար այս շատ կարեւոր հանգամանքը ցարդ լիարժէք եւ տեսանելի կիրառում չէ ստացած իրական կեանքի մէջ։ Պատճառը մասամբ այն է, որ կառավարական դաշինքը գործի երկար փորձ չէ ունեցած տակաւին եւ շատ բան կը մնայ քննարկելի։ Այնուամենայնիւ պէտք է ընդունիլ, որ կարելի չէ ասով միայն բացատրել դաշինքի գործունէութեան մէջ գոյութիւն ունեցող այս շատ կարեւոր բացը։

  • Նախարար. «Ես որպէս ծնող պարտաւոր եմ հոգալ իմ անչափահաս երեխաների անվտանգութեան եւ կրթութիւն ստանալու հարցերը»
    Նախարար. «Ես որպէս ծնող պարտաւոր եմ հոգալ իմ անչափահաս երեխաների անվտանգութեան եւ կրթութիւն ստանալու հարցերը»

    Խորհրդարանական ժողովրդավարութեան համար այդքան էլ լաւ չէ, երբ ազատ կամարտայայտութեան եւ ժողովրդավարական ազատութիւններ օգտագործելու իրաւունքը հակասութեան մէջ է մտնում օրէնքի պաշտպանութեան այլ բաղադրիչների հետ եւ այդ գործընթացում ստիպւած սկսում են ներգրաււել իրաւապահները: Այս մասին լրագրողների հետ հանդիպմանը ասաց ՀՀ պաշտպանութեան նախարար Վիգէն Սարգսեանը:

  • Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն
    Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն

    Երկուշաբթի, 23 ապրիլ 2018-ին, Ն.Ս.Օ.Տ.Տ. Արամ Ա Կաթողիկոսին գլխաւորութեամբ միաբանական հանդիպում մը տեղի ունեցաւ Անթիլիասի Մայրավանքին մէջ։

    Վեհափառ Հայրապետը ընդհանուր գծերով պարզեց Հայաստանէն ներս տեղի ունեցող իրադարձութիւնները։ Ան շեշտեց, որ մեր եկեղեցին չի կրնար անտարբեր մնալ, սոսկ դիտողի կրաւորական վիճակին մէջ մնալ ի տես հայրենիքէն ներս պարզուող ներկայ բողոքի ու ընդվզումի արտայայտութիւններուն։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։