Հա

Քաղաքական

ԱՊՐԻԼԻ 24
%PM, %18 %409 %2017 %12:%Մրտ

Ղարաբաղեան կարգաւորման շուրջ ստեղծւած ներկայ իրավիճակը ներկայացւել է ՄԱԿ-ի գլխաւոր քարտուղարին

Մարտի 17-ին Հայաստանի արտաքին գործերի նախարար Էդւարդ Նալբանդեանը Նիւ Եօրքում հանդիպում է ունեցել ՄԱԿ-ի գլխաւոր քարտուղար Անտոնիօ Գուտերեշի հետ:

«alikonline.ir» - Մարտի 17-ին Հայաստանի արտաքին գործերի նախարար Էդւարդ Նալբանդեանը Նիւ Եօրքում հանդիպում է ունեցել ՄԱԿ-ի գլխաւոր քարտուղար Անտոնիօ Գուտերեշի հետ: Այս մասին, ըստ «yerkir.am»-ի՝ տեղեակցնում է ՀՀ ԱԳՆ-ի մամուլի ծառայութիւնը:

«Սա մեր առաջին հանդիպումն է` Ձեր կողմից ՄԱԿ-ի գլխաւոր քարտուղարի պաշտօնը ստանձնելուց ի վեր, եւ, օգտւելով առիթից, կրկին շնորհաւորում եմ բարձր եւ պատասխանատու պաշտօնում ընտրւելու կապակցութեամբ եւ յաջողութիւն մաղթում Ձեր կարեւոր առաքելութեան մէջ»,- ասել է Էդւարդ Նալբանդեանը:

ՀՀ արտգործնախարարը ՄԱԿ-ի գլխաւոր քարտուղարին է փոխանցել ՀՀ նախագահի ողջոյններն ու բարեմաղթանքները եւ նրա անունից Անտոնիօ Գուտերեշին հրաւիրել է այցելել Հայաստան։ Անտոնիօ Գուտերեշը, շնորհակալութիւն յայտնելով բարեմաղթանքների եւ հրաւէրի համար, վստահեցրել է, որ, որպէս ՄԱԿ-ի գլխաւոր քարտուղար, նպատակադրւած է արդիւնաւետ համագործակցութիւն ծաւալել Հայաստանի հետ։

Գլխաւոր քարտուղարը գոհունակութեամբ արձանագրել է. «Իր անդամակցութեան քսանհինգ տարիների ընթացքում Հայաստանն ակտիւօրէն մասնակցում է ՄԱԿ-ի շրջանակներում իրականացւող աշխատանքներին, համագործակցում կազմակերպութեան բազմաթիւ կառոյցների եւ օղակների հետ, հանդէս գալիս նախաձեռնութիւններով, որոնք արժանի են բարձր գնահատանքի»: ՀՀ ԱԳՆ-ի ղեկավարը հաւաստիացրել է, որ այսուհետ եւս Հայաստանը շարունակելու է իր կառուցողական ներգրաււածութիւնը եւ ակտիւ գործունէութիւնն՝ ուղղւած ՄԱԿ-ի նպատակների կեանքի կոչմանը։

Էդւարդ Նալբանդեանը ՄԱԿ-ի գլխաւոր քարտուղարին ներկայացրել է ցեղասպանութիւնների եւ մարդկութեան դէմ յանցագործութիւնների կանխարգելման ուղղութեամբ Հայաստանի նախաձեռնութիւնները։ Զրուցակիցներն անդրադարձ են կատարել միջազգային եւ տարածաշրջանային հրատապ հարցերի: Քննարկւել են իրավիճակը Մերձաւոր Արեւելքում, փախստականների, միգրացիոն հոսքերի հետ կապւած խնդիրները:

Այս համատեքստում Անտոնիօ Գուտերեշը արժեւորել է Հայաստանի ջանքերը փախստականներին ապաստան տրամադրելու հարցում՝ նշելով, որ դա օրինակելի է: Էդւարդ Նալբանդեանը ներկայացրել է ղարաբաղեան կարգաւորման շուրջ ստեղծւած ներկայ իրավիճակը: Անդրադարձ է կատարւել նախորդ տարի Վիեննայում եւ Սանկտ-Պետերբուրգում կայացած գագաթաժողովներին ձեռք բերւած պայմանաւորւածութիւններին:

Գլխաւոր քարտուղար Անտոնիօ Գուտերեշն աջակցութիւն է  յայտնել ԵԱՀԿ Մինսկի խմբի համանախագահ պետութիւնների` հիմնախնդրի բացառապէս խաղաղ կարգաւորմանն ուղղւած ջանքերին: Նիւ Եօրք այցի շրջանակներում Էդւարդ Նալբանդեանը հանդիպում է ունեցել ՄԱԿ-ի գլխաւոր քարտուղարի քաղաքական հարցերով տեղակալ Ջեֆրի Ֆելթմանի հետ։ Քննարկւեել են ՄԱԿ-ի շրջանակներում Հայաստանի ներգրաււածութեանը վերաբերող հարցեր։

اخبار مرتبط

  • Մեր ճշմարիտ յաղթանակը
    Մեր ճշմարիտ յաղթանակը

    Չմոռնանք, որ Դաշնակցութիւնը մուտք գործեց կառավարական դաշինքէն (կոալիցիա) ներս ԻՐ ԻՆՔՆՈՒՐՈՅՆ ՊԼԱՏՖՈՐՄՈՎ, որ կը ցոլացնէր ՀՅԴ 32-րդ Ընդհանուր Ժողովի եւ ՀՅԴ Հայաստանի Գերագոյն ժողովներու որոշումները։ Դժբախտաբար այս շատ կարեւոր հանգամանքը ցարդ լիարժէք եւ տեսանելի կիրառում չէ ստացած իրական կեանքի մէջ։ Պատճառը մասամբ այն է, որ կառավարական դաշինքը գործի երկար փորձ չէ ունեցած տակաւին եւ շատ բան կը մնայ քննարկելի։ Այնուամենայնիւ պէտք է ընդունիլ, որ կարելի չէ ասով միայն բացատրել դաշինքի գործունէութեան մէջ գոյութիւն ունեցող այս շատ կարեւոր բացը։

  • Նախարար. «Ես որպէս ծնող պարտաւոր եմ հոգալ իմ անչափահաս երեխաների անվտանգութեան եւ կրթութիւն ստանալու հարցերը»
    Նախարար. «Ես որպէս ծնող պարտաւոր եմ հոգալ իմ անչափահաս երեխաների անվտանգութեան եւ կրթութիւն ստանալու հարցերը»

    Խորհրդարանական ժողովրդավարութեան համար այդքան էլ լաւ չէ, երբ ազատ կամարտայայտութեան եւ ժողովրդավարական ազատութիւններ օգտագործելու իրաւունքը հակասութեան մէջ է մտնում օրէնքի պաշտպանութեան այլ բաղադրիչների հետ եւ այդ գործընթացում ստիպւած սկսում են ներգրաււել իրաւապահները: Այս մասին լրագրողների հետ հանդիպմանը ասաց ՀՀ պաշտպանութեան նախարար Վիգէն Սարգսեանը:

  • Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն
    Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն

    Երկուշաբթի, 23 ապրիլ 2018-ին, Ն.Ս.Օ.Տ.Տ. Արամ Ա Կաթողիկոսին գլխաւորութեամբ միաբանական հանդիպում մը տեղի ունեցաւ Անթիլիասի Մայրավանքին մէջ։

    Վեհափառ Հայրապետը ընդհանուր գծերով պարզեց Հայաստանէն ներս տեղի ունեցող իրադարձութիւնները։ Ան շեշտեց, որ մեր եկեղեցին չի կրնար անտարբեր մնալ, սոսկ դիտողի կրաւորական վիճակին մէջ մնալ ի տես հայրենիքէն ներս պարզուող ներկայ բողոքի ու ընդվզումի արտայայտութիւններուն։ 

  • Կոչ սիրոյ եւ զգաստութեան
    Կոչ սիրոյ եւ զգաստութեան

    Իրանահայ գաղութը եւ թեհրանահայը յատկապէս խոր մտահոգութեամբ հետեւում է Հայաստանում - Երեւան եւ այլ քաղաքներում- տեղի ունեցող դէպքերին, ցոյցերին, դժգոհութեան ձայներին, որոնք արդիւնք են երկրի ներսում տեղի ունեցող դժգոհութիւններին, արդար պահանջներին։

  • ՀՀ նախագահ.  «Չի կարելի փորձութեան ենթարկել Հայաստանի եւ Արցախի անվտանգութիւնը»
    ՀՀ նախագահ. «Չի կարելի փորձութեան ենթարկել Հայաստանի եւ Արցախի անվտանգութիւնը»

    ՀՀ նախագահ Արմէն Սարգսեանը յայտարարութիւն է տարածել, որում մասնաւորապէս ասւում է․

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։