Հա

Քաղաքական

20/03/2017 - 09:19

Արմէն Ռուստամեան. «Դաշնակցութեան նպատակը երկիրն առողջացնելն է»

Ճիշտը դժգոհութիւնը ծնող պատճառները վերացնելն է, քան տեղ-տեղ ցաւազարկելը, որովհետեւ մինչեւ հիւանդութիւնը չբուժես՝ օրգանիզմը չի կարող առողջանալ

«alikonline.ir» - Ամէն մարդ իր արժանապատիւ վարձատրութիւնը ստանալու է, եթէ երկիրը ճիշտ ճանապարհի վրայ լինի, սակայն դրա համար պէտք են մեխանիզմներ, պէտք է միջավայր փոխւի: Այս մասին, ըստ ՀՅԴ Բիւրոյի պաշտօնական կայքի` երէկ`մարտի 19-ին Կոտայքի մարզի Քաղսի համայնքի ընտրողների հետ հանդիպմանն ասաց ՀՅԴ Բիւրոյի քաղաքական ներկայացուցիչ, ՀՀ ԱԺ ՀՅԴ խմբակցութեան ղեկավար Արմէն Ռուստամեանը:

Նրա խօսքով՝ չի կարելի խաբել մարդկանց, սուտ խոստումներ տալ միայն նրա համար, որ այդ օրը գան եւ իրենց օգտին քւէարկեն: Ըստ նրա՝ երկրի բոլոր սոցիալական խնդիրների հիմքում ընկած է քաղաքական համակարգը եւ եթէ քաղաքական համակարգը չփոխւեց, այդ բոլոր խնդիրները մնալու են:

Դաշնակցական թեկնածուն բնակիչներին ներկայացրեց խորհրդարանական կառավարման համակարգի առաւելութիւններն ու հաւաստիացրեց, որ նոր համակարգում չի լինելու որեւէ մէկն, ով միանձնեայ որոշում կը կայացնի, վերեւից մինչեւ ներքեւ բոլոր կադրային նշանակումները կանի:

«Դաշնակցութիւնն ի սկզբանէ ասել է, որ այս համակրգը չարիք ծնող համակարգ է: Մենք 1990-1991 թւականներից նոյն բանն ենք ասում: Նախագահական ընտարակարգի արդիւնքում Հայաստանում երեք նախագահ փոխւեց, բայց մարդկանց կեանքում իրականում ոչինչ չփոխւեց, եղաւ սեփականութեան դերաբաշխում, սրանից անցաւ նրան, արդիւնքում ժողովուրդը ոչինչ չստացաւ, չքաղեց անխակութեան պտուղները»,- յայտարարեց նա:

Նրա խօսքով՝ դաշնակցութեան նպատակը երկիրն առողջացնելն է. «Ճիշտը դժգոհութիւնը ծնող պատճառները վերացնելն է, քան տեղ-տեղ ցաւազարկելը, որովհետեւ մինչեւ հիւանդութիւնը չբուժես՝ օրգանիզմը չի կարող առողջանալ»,-ասաց նա՝ յաւելելով, որ եթէ մարդիկ ցանականում են արագ փոփոխութիւններ, ապա ձեւաւորւող խորհրդարանը պէտք է որակ ունենայ:

Պատգամաւորի խօսքով՝ ժողովրդի իշխանութիւնը դրսեւորւում է ընտրութեան ժամանակ: «Որեւէ մէկը չի կարող ձեր ձայնը կեղծել: Մարդիկ զզւել են ընտրութիւններից, որովհետեւ իրենց ձայնը կեղծւել է: Մարդիկ զզւել ու գնացել են ընտրակաշառքի յետեւից, ասել են՝ առիթ է, գոնէ մի 10-15 հազար դրամ փող աշխատենք, որովհետեւ էս ընտրութեամբ բան չի փոխւելու: Հաւատացէք, որ ժողովրդի իշխանութիւնը դրսեւորւում է ընտրութեան ժամանակ, դուք ձեր իշխանութիւնից մի հրաժարւէք, դա աւելի մեծ բան է, քան այն 10-15 հազար դրամը, որով ձեզ գայթակղում են, դրանով պարզապէս ձեր իշխանութիւնը ձեզնից խլում են»,- ասաց նա՝ յորդորելով գիւղացիներին՝ մասնակցել ընտրութեանը եւ իրենց քւէի տէրը լինել:

Յարակից լուրեր

  • «Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան
    «Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան

    ՀՅԴ-ն գտնում է, որ Ամուլսարի հանքի շահագործման հարցի շուրջ ստեղծւած լարւածութեան պատճառը ՀՀ իշխանութիւնների հակասարական, չկշռադատւած գործողութիւններն են, որի արդիւնքում՝ հասարակութեան մօտ մեծ սպասումներ էին ձեւաւորւել եւ որն իրենք չկարողացան սպասարկել. Tert.am-ի հետ զրոյցում նման տեսակէտ յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը: 

  • Ընկեր Վահանին յիշելիս
    Ընկեր Վահանին յիշելիս

    Ծնունդդ շնորհաւոր ընկեր Վահան, քեզ անսահման շատ ենք կարօտում:

  • ԶՈՄ-ականները՝ ՀՅԴ Ստեփանակերտի «Նիկոլ Դուման» կենտրոնում
    ԶՈՄ-ականները՝ ՀՅԴ Ստեփանակերտի «Նիկոլ Դուման» կենտրոնում

    Օգոստոսի 13-ին ՀՅԴ Ստեփանակերտի «Նիկոլ Դուման» կենտրոն են այցելել Արցախի Հանրապետութեան Մարտունի քաղաքում պատանեկան ճամբար իրականացնող ՀՅԴ Լիբանանի «Զաւարեան» Ուսանողական Միութեան անդամներ Հրագ Կարամինասեանը եւ Սելին Գրիգորեանը:

  • Սեւրի երկրորդ շնչառութեանը սպասելիս
    Սեւրի երկրորդ շնչառութեանը սպասելիս

    Սեւրի պայմանագիրը դարձաւ 99 տարեկան:

    1920 թւականի օգոստոսի 10-ին Փարիզի արւարձանում՝ Սեւրում, Անտանտի երկրների եւ Օսմանեան կայսրութեան կողմից ստորագրւեց հաշտութեան պայմանագիր, որը պաշտօնապէս հաստատում էր կայսրութեան բաժանումը Եւրոպայի եւ Մերձաւոր Արեւելքի միջեւ:

  • Կառավարման ճիշտ տարբերակը խորհրդարանական համակարգն է
    Կառավարման ճիշտ տարբերակը խորհրդարանական համակարգն է

    Սահմանադրական բարեփոխումներ իրականացնելու դէպքում, նախեւառաջ, պէտք է վերացնել սուպերվարչապետական ինստիտուտը։ Այս մասին «Փաստինֆօ»-ի հետ զրոյցում ասաց Հայ Յեղափոխական Դաշնակցութեան Գերագոյն մարմնի ներկայացուցիչ Իշխան Սաղաթելեանը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։