Հա

Քաղաքական

02/04/2017 - 09:03

Այսօր Ապրիլեան քառօրեայ պատերազմի տարելիցն է

Ընդամենը մէկ տարի առաջ յանուն Հայրենիքի պաշտպանութեան իրենց կեանքը զոհաբերած մեր քաջարի տղաների թափած արիւնը կարդիւնաւորւի այն ժամանակ, երբ այս ընտրութիւններն ազդարարարեն ՆՈՐ ՍԿԻԶԲ, որը կարդիւնաւորւի ԱՐԴԱՐ ՀԱՅԱՍՏԱՆ-ի ձեւաւորմամբ

«alikonline.ir» - Այսօր լրանում է Ապրիլեան քառօրեայ պատերազմի առաջին տարելիցը:

2016 թւականի ապրիլի 1-ի` լոյս 2-ի գիշերը ղարաբաղա-ադրբեջանական շփման գծի ողջ երկայնքով ադրբեջանական ԶՈՒ-ն նախաձեռնեց լայնամաշտապ յարձակում: 4 օր տեւած պատերազմական գործողութիւնների ընթացքում առաւել թէժ մարտեր ընթացան յատկապէս  ռազմաճակատի վերածւած առաջնային գծի հարաւային (Հադրութ) եւ հիւսիսարեւելեան (Մարտակերտ) ուղղութիւններով։

Մեր տղաների սխրագործութեան շնորհիւ հայական ԶՈՒ-ի ստորաբաժանումներին յաջողւեց չէզոքացնել հակառակորդի նախայարձակ գործողութիւնները եւ նրանց յետ շպրտել ելման կէտ` պատճառելով մեծաթիւ մարդկային եւ նիւթական կորուստներ:

Հայկական ԶՈՒ-ի հակահարւածն այնպիսին էր, որ հակառակորդն ապրիլի 5-ին ստիպւած եղաւ ընդունել հրադադար` դադարեցնելով մարտական գործողութիւնները:

Մարտական գործողութիւնների ընթացքում, յանուն Հայրենքի պաշտպանութեան հերոսաբար ընկան 110 հայորդիներ` սահմանելով հերոսութեան եւ սխրանքի նոր չափորոշիչներ, ի յայտ բերելով հայ զինւորի անկոտրուն ոգու նոր որակները: Իսկ հայութիւնն էլ Հայաստանով եւ Սփիւռքով ցուցաբերեց միասնականութեան եւ հայրենասիրութեան աննախադէպ դրսեւորում` ապացուցելով, որ Հայրենիքը եւ նրա պաշտպանութիւնը վեր է ամէն ինչից:

Այսօր` 2017 թւականի ապրիլի 2-ին, ուշագրաւ փաստ է այն է, որ Հայաստանի խորհրդարանական ընտրութիւնները համընկել են Ապրիլեան քառօրեայ պատերազմի առաջին տարելիցին: Այս համընկնումն առաւել պարտաւորեցնող է դարձրել հայաստանաբնակ մեր հայրենակիցների քաղաքացիական պարտքի կատարումն ու քաղաքական ընտրութիւնը:

Ընդամենը մէկ տարի առաջ յանուն Հայրենիքի պաշտպանութեան իրենց կեանքը զոհաբերած մեր քաջարի տղաների թափած արիւնը կարդիւնաւորւի այն ժամանակ, երբ այս ընտրութիւններն ազդարարարեն ՆՈՐ ՍԿԻԶԲ, որը կարդիւնաւորւի ԱՐԴԱՐ ՀԱՅԱՍՏԱՆ-ի ձեւաւորմամբ:

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Արցախի պետական նախարար Գրիգորի Մարտիրոսեան Լիբանանի մէջ
    Արցախի պետական նախարար Գրիգորի Մարտիրոսեան Լիբանանի մէջ

    16 մարտ 2019-ին սկսաւ Արցախի Հանրապետութեան պետական նախարար Գրիգորի Մարտիրոսեանի Լիբանան այցելութիւնը: Պետական նախարարին կ՛ընկերակցի Արցախի Շահումեան շրջանի վարչակազմի ղեկավար Գագիկ Մարտիրոսեան:

  • Արցախը պէտք է լինի բանակցութիւնների ուղղակի եւ լիիրաւ կողմ
    Արցախը պէտք է լինի բանակցութիւնների ուղղակի եւ լիիրաւ կողմ

    «Factor.am»-ի հարցազրոյցը Արցախի ԱԺ ՀՅԴ խմբակցութեան ղեկավար Արմէն Սարգսեանի հետ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։