Հա

Քաղաքական

Երկուշաբթի, 03 Ապրիլի 2017 00:47

Արմէն Ռուստամեան. «Այս ընտրութիւնների ամենաստւերոտ մասը կը լինի ընտրակաշառքի հանգամանքը»

Մենք համոզւած ենք, որ սա չորրորդ Հանրապետութեան հիմնադիր խորհրդարանն է, եւ ուզում ենք, որ այդ չորրորդ Հանրապետութիւնը ճշմարիտ սկզբնաւորում ունենայ:

«alikonline.ir»- Ապրլի 2-ին իր քաքացիական պարտքը կատարեց ՀՅԴ Բիւրոյի քաղաքական ներկայացուցիչ, ՀՅԴ համամասնական ցուցակը գլխաւորող Արմէն Ռուստամեանը: Տեղեկացնում է «yerkir.am»-ը:

Քւէարկութիւնից յետոյ լրագրողները Ռուստամեանից հետաքրքրւեցին` յանուն ինչի՞ է քւէարկել եւ ի՞նչ փոփխութիւնների կը հանգեցնի այս նոր համակարգը:

«Մենք համոզւած ենք, որ սա չորրորդ Հանրապետութեան հիմնադիր խորհրդարանն է, եւ ուզում ենք, որ այդ չորրորդ Հանրապետութիւնը ճշմարիտ սկզբնաւորում ունենայ: Դրա համար եմ քւէարկել` վստահ լինելով, որ մենք, իսկապէս, թեւակոխում ենք մի նոր ժամանակաշրջան, եւ այս ընտրութիւնը լինելու է որոշիչ, վճռական: Մեր հետագայ քայլերն ինչպէ՞ս կարող ենք կատարել եւ ի՞նչ խորութեամբ ու արագութեամբ` կախւած է այն խորհրդարանի որակից, որն այսօր կընտրւի»,- ասաց նա` յաւելելով` ուզում են աւելի լուրջ ներկայութիւն ունենալ խորհրդարանում, որ այս գործընթացը, որն իրենք են սկսել, մինչեւ վերջ կարողանան տեղ հասցնել:

Ինչ վերաբերում է ընտրախախտումներին, այն, որ օնլայն հեռարձակումներ չկան ընտրատեղամասերից, Ռուստամեանն ասաց, որ իրենք այդ ամէնը կը ստուգեն եւ յետոյ եզրակացութիւններ կանեն:

Խօսելով կիրառւող նոր տեխնոլոգիաների մասին` նա ասաց, որ տեսնում է` ժողովուրդը իւրացնում է նոր տեխնոլոգիաները: «Շատ հաճելի է տեսնել, շատերն ասում էին, որ սա խնդիրներ կառաջացնի, բայց հակառակը` շատ սահուն է ընթանում ամէն ինչ»,- ասաց Ռուստամեանը:

«yerkir.am»-ի դիտարկմանը` 2013 թւականի ապրիլի 2-ին սպանւեց Պռոշեանի գյուղապետ Հրաչ Մուրադեանը, իսկ անցած տարի այս օրը ապրիլեան քառօրեան էր, իսկ այսօր խորհրդարանական ընտրութիւններ են, Ռուստամեանն արձագանգեց. «Ես մի քիչ առաջ հոգեհանգստից եմ գալիս. ոչ միայն Պռոշեանի մեր ընկերոջ` Հրաչ Մուրադեանի հոգեհանգիստն էր, այլ նաեւ` ապրիլի 2-ին քառօրեայ պատերազմում ընկած բոլոր զինւորների: Բոլորին անուն առ անուն յիշեցինք: Նրանք հերոսներ են, եւ պէտք չէ միայն սգով նայել այդ ամէն ինչին, ես վստահ եմ, որ նրանք նոր Հայաստանի, այսօրւայ Հայաստանի հիմքերը դրեցին, ապահովեցին, որ մենք կարողանանք այսօր ազատ ընտրութիւններ անցկացնել, դա նաեւնրանց շնորհքն էր եւ նրանց վաստակը, եւ սա պէտք է գլխաւորը լինի: Նրանց անունները կը գրւեն մեր պատմութեան մէջ»:

Հարցին` ընտրակաշառքի մասին ահազանգեր, տեղեկութիւններ ստացե՞լ են այսօր, նա պատասխանեց. «Ընտրակաշառքի մասին ստացել ենք մինչեւ այսօր, չեմ բացառում, որ այսօրւայ մէջ էլ լինի, որովհետեւ դրան պատրաստւել են շատերը: Այս ընտրութիւնների ամենաստւերոտ մասը կը լինի ընտրակաշառքի հանգամանքը»:

Հարցին`իրենց գործընկեր ՀՀԿ-ի՞ն էլ նկատի ունի, Ռուստամեանն արձագանքեց. «Ես այստեղ խնդիր չեմ դնում որեւէ մէկին առանձնացնելու, ընտրակաշառք տւողն էլ, վերցնողն էլ պէտք է իմանան, որ նոյն յանցաւոր համագործակցութեան մէջ են: Մեր ժողովուրդը պիտի հասկանայ` այս ձեւով չի կարող այն երկիրն ունենալ, որի մասին երազում է»: 

 

 

Յարակից Հրապարակումներ

  • Դաշնակցութեան կառուցողական մօտեցումը կոալիցիոն կառավարման
    Դաշնակցութեան կառուցողական մօտեցումը կոալիցիոն կառավարման

    Կոալիցիոն կառավարման նկատմամբ Դաշնակցութեան կառուցողական մօտեցումը էականօրէն կը բխի մեր ժողովուրդին ու հայրենիքին ճիշդ կերպով եւ լաւօրէն ծառայելու յանձնարարութենէն։ Այդ իսկ պատճառով Դաշնակցութիւնը միշտ նախանձախնդիր եղած է, որպէսզի կոալիցիաներու հիմքը կազմեն քաղաքական եւ գաղափարական սկզբունքները, ոչ թէ պաշտօններու շուրջ առեւտուրը։

  • Ա. Ռուստամեան. «ՀՅԴ-ական նախարարների փոփոխութիւն չի լինի»
    Ա. Ռուստամեան. «ՀՅԴ-ական նախարարների փոփոխութիւն չի լինի»

    Ինչ վերաբերում է պորտֆելներին, Ա. Ռուստամեանն ասաց, որ այս պահին պահպանում են այն, ինչ որ կայ, փոփոխութիւն այս առումով նախատեսւած չէ. «Բայց այդ հնարաւորութիւնը պահպանւում է, հետագայում աշխատանքային կարգով ըստ անհրաժեշտութեան, ըստ կադրերի նշանակման նպատակայարմարութեան, այս խնդիրները կարող են իրենց լուծումները ստանալ: Ակնյայտ է, որ նախարարների փոփոխութիւն չի լինի, որովհետեւ արդէն հրաժարւել են պատգամաւորութեան մանդատներից»:

  • Ստորագրւեց ՀՀԿ-ՀՅԴ կոալիցիոն յուշագիրը
    Ստորագրւեց ՀՀԿ-ՀՅԴ կոալիցիոն յուշագիրը

    Քաղաքական վերոնշեալ երկու ուժերը կոալիցիոն յուշագրով քաղաքական պատասխանատւութիւն են ստանձնել կառավարութեան ողջ գործունէութեան համար: Ստորագրւած փաստաթղթում ամրագրւած են քաղաքական կոալիցիայի շրջանակներում համագործակցութեան ռազմավարական նպատակները, կոալիցիայի առաջնահերթութիւնները, գործունէութեան եւ կազմակերպման կարգը:

    Հայաստանի Հանրապետական կուսակցութեան կողմից փաստաթուղթը ստորագրել է ՀՀԿ նախագահի տեղակալ Արմէն Աշոտեանը, Հայ Յեղափոխական Դաշնակցութիւն կուսակցութեան կողմից՝ ՀՅԴ Հայաստանի Գերագոյն մարմնի ներկայացուցիչ Աղւան Վարդանեանը:

  • Գագիկ Մինասեան. «ՀՀԿ-ՀՅԴ նոր կոալիցիոն յուշագիրը նախորդի կրկնութիւնը չի լինելու»
    Գագիկ Մինասեան. «ՀՀԿ-ՀՅԴ նոր կոալիցիոն յուշագիրը նախորդի կրկնութիւնը չի լինելու»

    ՀՀԿ-ի եւ ՀՅԴ-ի միջեւ ստորագրւելիք նոր կոալիցիոն յուշագիրը նախորդի կրկնութիւնը չի լինելու, բայց որեւէ մանրամասներ ներկայացնելը կոռեկտ չի լինի: «tert.am»-ի հետ զրոյցում այս մասին ասաց ՀՀԿ Գործադիր մարմնի անդամ Գագիկ Մինասեանը:

  • Արմէն Ռուստամեան. «Թող միւս նախարարներն էլ այնքան խիզախութիւն ունենային, որ առաջադրւէին, տեսնէին, թէ ինչ է մտածում իրենց մասին ժողովուրդը»
    Արմէն Ռուստամեան. «Թող միւս նախարարներն էլ այնքան խիզախութիւն ունենային, որ առաջադրւէին, տեսնէին, թէ ինչ է մտածում իրենց մասին ժողովուրդը»

    «Հիմա վաղը, միւս օրը, եթէ Դաշնակցութիւնն իր կադրային բազայի վրայ պէտք է յենւի՝ ինչ-որ գործեր անելու համար, մենք առաջին հերթին պէտք է առաջնորդւենք այն կադրերով, որ առաջին հերթին ռէյտինգային քւէարկութիւնների միջոցով արտայայտել են իրենց ազդեցութիւնը տարածքներում։ Եւ իրենց ձայներն իսկապէս «մաքուր» ձայներ են, ազնւօրէն ձեռք բերւած ձայներ են։ Դա իրական ռէյտինգ է: Օրինակ՝ Արծւիկ Մինասեանն էլ ռէյտինգայինով առաջադրւեց, ճիշտ է, առաջինը չէր, երկրորդն էր ընտրատարածքում, բայց փորձեց: Թող միւս նախարարներն էլ այնքան խիզախութիւն ունենային, որ առաջադրւէին, տեսնէին ժողովուրդն իրենց մասին ինչեր է մտածում»,- ասել է Արմէն Ռուստամեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։