Հա

Քաղաքական

03/04/2017

Էդւարդ Շարմազանով. «Շատ տրամաբանական եմ համարում, որ ապագայ կառավարութիւնը կը ձեւաւորենք ՀՅԴ գործընկների հետ»

Շատ տրամաբանական եմ համարում, որ ապագայ կառավարությունը կը ձեւաւորենք ՀՅԴ գործընկների հետ

«alikonline.ir»- ՀՀ ԱԺ-ի փոխնախագահ Էդւարդ Շարմազանովը «azatutyun.am»-ի հետ զրուցում, անդրադառնալով խորհրդարանական ընտրութիւնների նախնական արդիւնքներին,  կարեւորեց, որ ընտրութիւններից յետոյ Հայաստանն ունենալու է թարմ, նոր ընդդիմադիր ուժ` յանձինս «Ելք» դաշինքի: «Ծառուկեան» դաշինքի ստացած ձայները նա անսպասելի չհամարեց, քանի որ կարծում է, որ դաշինքի առաջնորդ Գագիկ Ծառուկեանն ունի իր կողմնակիցները:

Անդրադառնալով ՀՅԴ-ին, նա ասաց, որ այն ազգային կուսակցութիւն է եւ ունի ամենակայուն ընտրազանգւածը: «Դաշնակցութիւն քաղաքական դաշտի աղն է: Իրենք պէտք է լինեն»,-ասաց նա: Ինչ վերաբերում է ՀՅԴ-ի հետ կոալիցիա կազմելուն, Շարմազանովը նշեց, որ վերջնական կարող է այդ հարցի պատասխանը տալ քննարկումներից յետոյ:

«Շատ տրամաբանական եմ համարում, որ ապագայ կառավարությունը կը ձեւաւորենք ՀՅԴ գործընկների հետ։ Շատ չի կարող լինել, բայց որ քիչ է լինում, անհամ կը լինի: Քանի դեռ մեր կուսակցութիւնը եւ Դաշնակցութիւնը պաշտօնապէս չեն քննարկել, ես կոռեկտ կը լինեմ եւ որեւէ գնահատական չեմ տայ։ Բայց, քանի որ մենք արդէն ունենք կոալիցիոն կառավարութիւն, ՀՀԿ-ի եւ ՀՅԴ-ի ստորագրած փաստաթուղթը ռազմավարական եւ ծրագրային է եւ, ընդհանուր առմամբ, ունենք լուծումներին հասնելու ընդհանուր տեսլական, ես շատ տրամաբանական եմ համարում, որ անկախ նրանից՝ ՀՀԿ-ն կը լինի մեծամասնութիւն, թէ ոչ, ապագայ կառավարութիւնը կը ձեւաւորենք Դաշնակցութեան մեր գործընկների հետ»։

Էդւարդ Շարմազանովը անակնկալ չհամարեց, որ «Կոնգրես-ՀԺԿ» դաշինքը չի անցել, փոխարէնը՝ անակնկալ համարեց «Հայկական վերածնունդ» կուսակցութեան չանցնելը. նշեց, թէ մտածում էր, որ այդ կուսակցութիւնը «մի կերպ» կանցնի` յաղթահարելով 5 տոկոսանոց շեմը: Նա նկատեց, որ կուսակցութիւնն ակտիւ քարոզարշաւ չիրականացրեց:

ՀՀ ԱԺ-ի փոխնախագահը նաեւ կանխատեսելի համարեց  «Օհանեան-Րաֆֆի-Օսկանեան» դաշինքի չանցնելը. «Ինձ համար դա եղել է պաշտօնաթող նախարարների ակումբ: Հումորով ասեմ՝ եթէ կումունիստները մի քիչ աւելի լաւ աշխատէին, աւելի շատ կարող էին հաւաքել»:

Ինչ վերաբերում է «Ազատ դեմոկրատներ»-ի՝ խորհրդարան չանցնելուն, Էդւարդ Շարմազանովն ասաց, որ ափսոսում է այդ ուժի համար, բայց համարում է, որ նրանց քարոզչութիւնը, բառի լաւ իմաստով, շատ եւրոպական էր ու առանց պոպուլիզմի: «Խաչիկ Քոքոբելեանին եւ Հրանտ Բագրատեանին շնորհակալութիւն եմ յայտնում գոնէ 5 տարւայ համատեղ աշխատանքի համար, նրանցից 2-ից էլ, մանաւանդ՝ Հրանտ Բագրատեանից, շատ բան եմ սովորել»,- ասաց նա:

Էդջարդ Շարմազանովն ասաց, որ յետընտրական հանրահաւաքների ոչ մի հիմք չի տեսնում:

 

Յարակից լուրեր

  • Արա Պապեանի նորագոյն անլրջութիւնները
    Արա Պապեանի նորագոյն անլրջութիւնները

    Հինգշաբթի, մայիս 17-ին, Փաստ կէտ Էյ. Էմ կայքէջի լրագրողներէն Արմինէ Գրիգորեան յօդուածի ձեւաչափով հարցազրոյց մը լոյս ընծայած է նախկին դեսպան, «Մոտիւս վիւենտի» կեդրոնի ղեկավար Արա Պապեանի հետ, որ կը զարգացնէ այն միտքը, որ Դաշնակցութիւնը «պէտք է ինքնամաքրուի»՝ եթէ կ՛ուզէ տեղ գրաւել յառաջիկայ խորհրդարանին մէջ։

  • Դաշնակցութեան դէմ ստաբանութեան զինուորագրեալները
    Դաշնակցութեան դէմ ստաբանութեան զինուորագրեալները

    Հայ Յեղափոխական Դաշնակցութեան դէմ ստաբանութեան արշաւի զինուորագրեալները երբեք չեն պակսած հայ կեանքէն ներս։ Ի վերջոյ ասոնք զինուորագրեալներ են, թէ ի՞նչ հաշիւներով, որո՞ւ հաշւոյն կամ ինչպիսի՞ ծառայութեան մէջ այնքան ալ կարեւոր չէ այս պահուն։ Կարեւորը նման ծառայողներու գոյութեան փաստն է։

  • «Որեւէ հակադրութիւն չի կարող լինել ՀՅԴ-ի ներսում». Բագրատ Եսայեանը հերքում է կուսակցութեան դրսի եւ ներսի կառոյցներում հակասութիւնների մասին լուրերը
    «Որեւէ հակադրութիւն չի կարող լինել ՀՅԴ-ի ներսում». Բագրատ Եսայեանը հերքում է կուսակցութեան դրսի եւ ներսի կառոյցներում հակասութիւնների մասին լուրերը

    Որեւէ հակադրութիւն չի կարող լինել Դաշնակցութեան ներսում, որովհետեւ ով Դաշնակցութեան ներսում է, տեղեակ է կուսակցութեան որոշումներից: Այս մասին «tert.am»-ի հետ զրոյցում ասաց ՀՅԴ անդամ, Կրթութեան եւ գիտութեան նախկին փոխնախարար Բագրատ Եսայեանը: «128  տարւայ մէջ երեւի հազարաւոր այդպիսի դէպքեր են եղել, որ հակադրումը փորձել են անընդհատ շեշտել, յօրինել նման բաներ»,- նշեց նա:

  • ՀՅԴ ԳՄ անդամ. «Արցախեան հարցը մեր առաջնահերթութիւններից է»
    ՀՅԴ ԳՄ անդամ. «Արցախեան հարցը մեր առաջնահերթութիւններից է»

    Նիկոլ Փաշինեանի հետ ունեցել ենք բանակցութիւններ, եւ մեր մօտեցումներն Արցախեան հարցի լուծման շուրջ բաւականին մօտ են. լրագրողների հետ զրոյցում ասաց ՀՅԴ Հայաստանի Գերագոյն մարմնի անդամ Արթուր Եղիազարեանը՝ պատասխանելով հարցին, թէ կիսո՞ւմ են Նիկոլ Փաշինեանի՝ Արցախեան հակամարտութեան վերաբերեալ մօտեցումները:

  • Արթուր Եղիազարեան. «ՀՅԴ-ն քաղաքական առեւտրի մէջ չի մտել»
    Արթուր Եղիազարեան. «ՀՅԴ-ն քաղաքական առեւտրի մէջ չի մտել»

    Այսօր` մայիսի 15-ին լրագրողների հետ հանդիպման ժամանակ ՀՅԴ Հայաստանի Գերագոյն մարմնի ներկայացուցիչ Արթուր Եղիազարեանը, խօսելով կոալիցիոն կառավարութիւնից ՀՅԴ-ի դուրս գալու վերաբերեալ, նշեց, որ ՀՀԿ-ի հետ կոալիցիոն համաձայնագրի շրջանակում առաջ քաշւած խնդիրների լուծումը դանդաղել էր:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։