Հա

Քաղաքական

Երեքշաբթի, 04 Ապրիլի 2017 15:00

Ահարոն Ադիբէկեան. «Միայնակ մասնակցութեան դէպքում «Ժառանգութիւն»-ն աւելի շատ ձայներ կը հաւաքէր»

Հրաշքները երկնքում են լինում, երկիրն ապրում է երկրային սպասելիքներով: Դրա համար էլ ՀՀ ԱԺ ընտրութիւնների արդիւնքում որեւէ հրաշք տեղի չունեցաւ: Ինչպէս տեղեկացնում է «panorama.am»-ը՝ այս մասին, լրագրողների հետ այսօր կայացած հանդիպման ժամանակ ասաց սոցիոլոգ Ահարոն Ադիբէկեանը:

«alikonline.ir» - Հրաշքները երկնքում են լինում, երկիրն ապրում է երկրային սպասելիքներով: Դրա համար էլ ՀՀ ԱԺ ընտրութիւնների արդիւնքում որեւէ հրաշք տեղի չունեցաւ: Ինչպէս տեղեկացնում է «panorama.am»-ը՝ այս մասին, լրագրողների հետ այսօր կայացած հանդիպման ժամանակ ասաց սոցիոլոգ Ահարոն Ադիբէկեանը:

«ՀՀԿ-ն մեծամասնութիւն է եւ կոալիցիայի կարիք չի ուեննայ: Բայց ամէն դէպքում, կոալիցիան կը պահպանւի ՀՅԴ-ի հետ: Միւս կուսակցութիւնները բաւականին թոյլ էին: Երբ տարբեր սոցիոլոգիական հարցերով ինձ դիմած 7 քաղաքական ուժերին ներկայացնում էի սպասւելիք պատկերը, նրանք չէին հաւատում: Շատ ուժեր անգամ չկարողացան մօտենալ նւազագոյն շեմին: Ինձ հարցնում են՝ ինչու մարդիկ վաճառեցին իրենց ձայնը, ես էլ պատասխանում եմ՝ նրանք վաճառելու համար այլ բան չունէին, ինչպէս մարմնից բացի՝ վաճառելու բան չունեն ճանապարհին կանգնած կանայք»,- ասաց բանախօսը:

Ահարոն Ադիբէկեանի խօսքով՝ ինչ վերաբերում է «Ծառուկեան» դաշինքին, ապա դրա ղեկավար Գագիկ Ծառուկեանը ընտրական գործընթացների վերաբերեալ պարզունակ պատկերացում ունի: Նա, սոցիոլոգի խօսքով՝ ընտրողներին ընդունում է որպէս միասնական զանգւած եւ կարծում, որ այդ զանգւածից իրեն շատերն են սիրում: Ըստ Ադրբէկեանի՝ Գագիկ Ծառուկեանը մի քիչ ինքնասիրահարւած է, նարցիցիզմով է տառապում: Մինչդեռ հաշւի չի առնում, որ ընտրազանգւածը բաղկացած է տարբեր սեռային, կրթական խմբերից: 

««Ծառուկեան» դաշինքի ձայների մեծ մասը տարել է «Ելք»-ը, ընդ որում՝ պոպուլիստական  խոստումներ տւող այս դաշինքին ձայն են տւել հիմնականում 60-անց մարդիկ: Ինչ վերաբերում է  կոնկրետ Ծառուկեանին, ապա նա այդպէս էլ չկարողացավ դէպի իրեն քաշել իշխանական ընտրազանգւածին»,- յաւելեց բանախօսը:

Ինչ վերաբերում է «ՕՐՕ» դաշինքին, ապա, Ահարոն Ադիբէկեանի դիտարկմամբ, Րաֆֆի Յովհաննիսեանի պասիւութիւնը՝ տեղ-տեղ տարօրինակ յայտարարութիւններով, իր գործն արեց: Եթէ «Ժառանգութիւն»-ն աւելի շուտ միանար դաշինքին, պատկերն այլ կը լինէր: Եթէ այս կուսակցութիւնը միայնակ մասնակցէր ընտրութիւններին, միանշանակ է, որ աւելի շատ ձայներ կը հաւաքէր, քան «ՕՐՕ» դաշինքը:

«ՀՀԿ-ի դէպքում ընտրազանգւածքը նոյնն է մնացել»,- ամփոփեց բանախօսը:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։