Հա

Քաղաքական

Չորեքշաբթի, 12 Ապրիլի 2017 15:00

Արման Նաւասարդեան. «Բիւլբիւլօղլիի նշանակումը ԻՒՆԵՍԿՕ-ի գլխաւոր տնօրէնի պաշտօնում ՀՀ եւ հայութեան համար կարող է ունենալ անցանկալի հետեւանքներ»

ՌԴ-ում Ադրբեջանի դեսպան Փոլադ Բիւլբիւլօղլիի առաջադրումը ԻՒՆԵՍԿՕ-ի գլխաւոր տնօրէնի պաշտօնում բաւականին անհանգստացնող երեւոյթ է Հայաստանի համար: Ինչպէս տեղեկացնում է «tert.am»-ը՝ լրագրողների հետ զրոյցում այս մասին ասաց արտակարգ եւ լիազօր դեսպան Արման Նաւասարդեանը:

«alikonline.ir» - ՌԴ-ում Ադրբեջանի դեսպան Փոլադ Բիւլբիւլօղլիի առաջադրումը ԻՒՆԵՍԿՕ-ի գլխաւոր տնօրէնի պաշտօնում բաւականին անհանգստացնող երեւոյթ է Հայաստանի համար: Ինչպէս տեղեկացնում է «tert.am»-ը՝ լրագրողների հետ զրոյցում այս մասին ասաց արտակարգ եւ լիազօր դեսպան Արման Նաւասարդեանը:

«Մեծ հաւանականութիւն կայ, որ 9 թեկնածուներից հէնց նա կընտրւի այդ պաշտօնում: Դա կարող է ունենալ անցանկալի հետեւանքներ Հայաստանի եւ հայութեան համար երկու հիմնական պատճառով: Առաջինն այն է, որ այդ անձնաւորութեան մօտ կայ հայաֆոբիա կամ էլ նա տուրք է տալիս այժմեան իշխանութիւններին: Նա տասը տարուց աւելի եղել է Ադրբեջանի մշակոյթի նախարար, եւ հէնց այդ ժամանակաշրջանում են ոչնչացւել Նախիջեւանի բոլոր խաչքարերը: Ինձ համար՝ որպէս մասնագէտի, յատկապէս ցաւալի է նրա 11 տարւայ աշխատանքը որպէս Ռուսաստանում Ադրբեջանի դեսպան»,- ասաց նա:

Նրա խօսքով՝ այն պաշտօնեան, ով մշտապէս հանդէս է գալիս ոչ միայն ղարաբաղեան հակամարտութիւնը զէնքի ուժով լուծելու դիրքերից, այլեւ յայտարարել է, որ պատրաստ է զէնք վերցնել եւ կռւել այդ հողերի համար՝ նմանատիպ նկրտումներ արտայայտելով նաեւ Երեւանի առումով, չի կարող նշանակւել այդ պաշտօնում:

«Երբ որ փողոցային խուժանը քայլեր է անում, եւ նրան չեն կանգնեցնում, նա աւելի շատ է ոգեւորւում: Ես չեմ տեսել, որ նրա ասածներին որեւէ պաշտօնական հակադարձում լինի հայկական դեսպանութեան, հայ համայնքի կողմից: Սա դառը իրականութիւն է, եւ ժամանակի ընթացքում նա աւելի ոգեւորւեց: Ես չեմ ուզում խորանալ, թէ ինչ փողեր են պտտւում ԻՒՆԵՍԿՕ-ում, բայց նրա նշանակման համար շանսեր կան: Տւեալներ կան, որ ամէն ինչ արւում է, որ հէնց նա նշանակւի՝ հաշւի առնելով այն, թէ ինչ ֆինանսական վիճակում է ԻՒՆԵՍԿՕ-ն. որոշ երկրներ կրճատել են անդամավճարները, այդ թւում՝ ԱՄՆ-ն, իսկ Թուրքիան, Ադրբեջանը եւ այլ մահմեդական երկրներ աւելացրել են մուծումները»,- նշեց դեսպանը:

Արման Նաւասարդեանի կարծիքով՝  այս հարցին պէտք է պաշտօնական մօտեցում, պաշտօնական արձագանգ լինի Հայաստանի կողմից:

«Մենք աւելի քան մէկ ամիս է՝ լծւած ենք այս գործին, մտաւորականութեան, հասարակական կազմակերպութիւնների հետ միասին կազմակերպել եւ նամակներ ենք ուղարկել ըստ համապատասխան հասցէների՝ բացատրելով, թէ նրա նշանակումը ինչ հետեւանք կարող է ունենալ: Յղում ենք կատարել նաեւ կանոնադրութեանը, որով արգելւում է նման փիլիսոփայութիւն քարոզող անձին զբաղւել այդ գործով: Տեսնենք՝ ինչ կը ստացւի: Շատ կարեւոր է, որ հէնց պաշտօնական մակարդակով քայլեր լինեն, դիմել ենք նաեւ Արտգործնախարարութեանը՝ բացատրելով, որ պէտք է եթէ ոչ պաշտօնական, գոնէ պետական մակարդակով քայլեր արւեն»,- ասաց նա՝ յաւելելով, որ նոյնիսկ յուշել են Արտգործնախարարութեանը՝ ոտքի հանել ողջ դիւանագիտական կորպուսը,  ոտքի հանել այնպիսի անձնաւորութիւնների, ինչպէս օրինակ Շառլ Ազնաւուրն է:

Արման Նաւասարդեանի կանխատեսմամբ, եթէ այս փուլում այս հարցը չարգելափակւի, Բիւլբիւլօղլին մեխանիկօրէն կը նշանակւի ԻՒՆԵՍԿՕ-ի գլխաւոր տնօրէնի պաշտօնում:

Յարակից Հրապարակումներ

  • Հակաիրանական նոր ցասում Ադրբեջանում՝ դարձեալ Արցախի պատճառով
    Հակաիրանական նոր ցասում Ադրբեջանում՝ դարձեալ Արցախի պատճառով

    Նախօրէին ադրբեջանական իշխանամէտ լրատւամիջոցներից մէկում հրապարակւել է «Իրանական մամուլի՝ մեր կուրծքը խրած հերթական դանակը. նորից հայկական սէր...» վերտառութեամբ ընդգծւած հակաիրանական բովանդակութեամբ ընդարձակ վերլուծութիւն, որի առանցքային թեման հերթական անգամ եղել է Արցախի Հանրապետութեան արտաքին գործերի նախարար Մասիս Մայիլեանի՝ իրանական ազդեցիկ «Շարղ» օրաթերթին տւած հարցազրոյցը։

  • ԱՀ խորհրդարանի փոխխօսնակ. «Կը գայ մի օր, երբ Արցախը կը դառնայ ՄԱԿ-ի անդամ»
    ԱՀ խորհրդարանի փոխխօսնակ. «Կը գայ մի օր, երբ Արցախը կը դառնայ ՄԱԿ-ի անդամ»

    Օրերից մի օր Ադրբեջանը համակերպւելու է, որ Արցախն անկախ է: «tert.am»-ի հետ զրոյցում ասաց Արցախի Հանրապետութեան Ազգային ժողովի փոխնախագահ Վահրամ Բալայեանը: Նա նշեց, որ Ադրբեջանը չի կարող պայքարել այն տենդենցի դէմ, որը կայ աշխարհում` ճանաչել Արցախը: Ըստ նրա` Ադրբեջանը չունի այն հնարաւորութիւնները պայքարել ամբողջի դէմ, ժողովրդավարական երկրները չեն կարող անտեսել արցախցիների անկախութեան պահանջը:

  • Բաքու-Թբիլիսի-Կարս թւաբանութիւնը. ինչպէս Ադրբեջանը ճանապարհ գործարկեց ուրւական-գնացքների համար
    Բաքու-Թբիլիսի-Կարս թւաբանութիւնը. ինչպէս Ադրբեջանը ճանապարհ գործարկեց ուրւական-գնացքների համար

    Բաքու-Թբիլիսի-Կարս երկաթուղին կարելի է համարել 826 կմ. երկարութեամբ ձգւող քաղաքական ատրակցիոն։

    Հոկտեմբերի 30-ին Ադրբեջանի, Վրաստանի, Ղազախստանի եւ Թուրքիայի առաջնորդները հանդիսաւորութեամբ բացեցին Բաքու-Թբիլիսի-Ախալքալաք-Կարս (ԲԹԿ) երկաթգիծը, որի վրայ աւելի քան մէկ միլիարդ դոլար է ծախսւել։

  • Թեհրանական հորիզոններ. Երեւանը գազ կը գնի՞ Իրանից
    Թեհրանական հորիզոններ. Երեւանը գազ կը գնի՞ Իրանից

    Որոշակի պայմանաւորւածութիւններ են ձեռք են բերւել Իրանից Հայաստան գազի գնման գործընթացի կազմակերպման հարցերի շուրջ:

    Հայաստանն ու Իրանն արդեն որոշակի պայմանաւորւածութիւններ ունեն` իրանական գազի գնման հարցի շուրջ։ Պայմանաւորւածութիւնները ձեռք են բերւել ՀՀ ԱԺ Հայաստան-Իրան բարեկամական խմբի պատւիրակութեան Իրան կատարած աշխատանքային այցի շրջանակներում: 

  • Վահէ Դաւթեան. «Իրանական գազի գնման շուրջ Հայաստանի հետ տարւող բանակցութիւնները, ենթադրում եմ, որ արդիւնք տւել են, գինը նւազել է»
    Վահէ Դաւթեան. «Իրանական գազի գնման շուրջ Հայաստանի հետ տարւող բանակցութիւնները, ենթադրում եմ, որ արդիւնք տւել են, գինը նւազել է»

    Չնայած նրան, որ ներկայումս Հայաստանի համար իրանական գազը մօտ 30 դոլարով աւելի թանկ է, քան ռուսականը, այն իր որակով չի գերազանցում ՌԴ-ից գնւող գազին, ամէն դէպքում դրական է, որ Հայաստանի եւ Իրանի միջեւ ակտիւացել է երկխօսութիւնը ներկրւող գազի ծաւալների աւելացման շուրջ: 

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։