Հա

Քաղաքական

Հինգշաբթի, 13 Ապրիլի 2017 12:40

Ագրամունտի ջանքերը այս անգամ հազիւ թէ արդիւնք տան

Ապրիլի 24-27-ը Ստրասբուրգում կանցկացւի Եւրոպայի խորհրդի խորհրդարանական վեհաժողովի գարնանային նստաշրջանը: Այս օրերին վեհաժողովում կը քննարկւի ԵԽԽՎ նախագահ Պեդրօ Ագրամունտի պաշտօնանկութեան հարցը: Նրա անունը կապւում է կոռուպցիոն գործարքների հետ, նա հովանաւորում է ԵԽԽՎ կոռումպացւած պատւիրակներին, չարաշահում է պաշտօնական դիրքը: 

«alikonline.ir» - Ապրիլի 24-27-ը Ստրասբուրգում կանցկացւի Եւրոպայի խորհրդի խորհրդարանական վեհաժողովի գարնանային նստաշրջանը: Այս օրերին վեհաժողովում կը քննարկւի ԵԽԽՎ նախագահ Պեդրօ Ագրամունտի պաշտօնանկութեան հարցը: Նրա անունը կապւում է կոռուպցիոն գործարքների հետ, նա հովանաւորում է ԵԽԽՎ կոռումպացւած պատւիրակներին, չարաշահում է պաշտօնական դիրքը: Ագրամունտը մշտապէս աչքի է ընկել նաեւ ադրբեջանամէտ կեցւածքով: Տեղեկացնում է «yerkirmedia.am»-ը:

Եւրոպայի խորհրդի խորհրդարանական վեհաժողովի նախագահ Պեդրօ Ագրամունտը Պետդումայի պատգամաւորների հետ մարտի 20-ին այցելել էր Սիրիա՝ չունենալով կառոյցի լիազօրութիւնը: Այցը աղմուկ էր բարձրացրել ԵԽԽՎ պատւիրակների շրջանում, եւ «Եւրոպական ժողովրդական» կուսակցութեան (ԵԺԿ) խմբակցութեան ղեկավար Ակսէլ Ֆիշէրը նախաձեռնել է Ագրամունտի քայլը դատապարտող մի նախագիծ: Ագրամունտը եւս ԵԺԿ-ի անդամ է: Սպասւում է, որ Ֆիշէրի բանաձեւը կը քննարկւի ԵԽԽՎ ապրիլեան նստաշրջանում, բայց սա չի լինի Ագրամունտին առնչւող միակ հարցը: Դեռեւս յունւար ամսին վեհաժողովի կանոնակարգի յանձնաժողովում քննարկւել է ԵԽԽՎ-ի կոռումպացւած պատւիրակների գործունէութիւնը հետաքննող մարմին ստեղծելու հարցը. տարբեր հրապարակումներում Ագրամունտը դիտարկւում է որպէս նրանց հովանաւոր:

«Յանձնարարութիւն կար, որ ճշտւի հետաքննող մամնի մանդատը: Այդ գործը պէտք է կատարէր նստաշրջանների արանքում գործող կոմիտէն մարտին: Բայց քանի որ այդ կոմիտէն ղեկավարում է Ագրամունտը, ամէն ինչ արւեց, որ բանաձեւը չընդունւի: Ես վստահ եմ, որ յետաձգումը այլեւս անհնար է դառնալու, բանաձեւը քննարկւելու է ապրիլեան նստաշրջանում, եւ հետաքննող մարմինը ստեղծւելու է»,- նշեց ՀՀ ԱԺ ՀՅԴ խմբակցութեան ղեկավար, ԵԽԽՎ-ում ՀՀ ԱԺ պատւիրակութեան անդամ Արմէն Ռուստամեանը:

Վերջինս կարծում է՝ սա այլեւս անդառնալի գործընթաց է, ու Ագրամունտի ջանքերը այս անգամ հազիւ թէ արդիւնք տան. ԵԽԽՎ-ի հեղինակութեամբ մտահոգ պատւիրակների թիւը մեծացել է, իսկ Ֆիշէրի բանաձեւն ու հետաքննող մարմին ստեղծելու նախաձեռնութիւնը պարզապէս միմեանց լրացնելու են:

«Կայ երկու պրոցես՝ մէկը վերաբերում է Ագրամունտի այցին. դա կարող է անվստահութեան գործընթաց առաջացնել հէնց Ագրամունտի մասով: Միւսը հետաքննող մարմնի ստեղծումն է: Դրանք ուղղակիօրէն միմեանց հետ կապւած չեն, բայց առնչութիւններ ունեն: Անկախ մարմին ստեղծելու պրոցեը այլեւս չի կարող անարդիւնք լինել:Այս երկուսը միասին ձնագնդի էֆեկտ են տալու, եւ աւելի լուրջ քննարկում է սպասւում»,- յաւելեց Ռուստամեանը:

Զեկոյցի քննարկումը ուղղակիօրէն առնչւելու է ԵԽԽվ-ում տարածւած խաւիարային դիւանագիտութեանը. շոշափելու է իտալացի Վոնոտէի, սերբ Միլիցա Մարկովիչի անունները: Այս համատեքստում՝ հայկական պատւիրակութիւնը կարեւոր է համարում անդրադարձը հէնց այս դիւանագիտութեան արդիւնքում ընդունւած եւ հէնց կոռումպացւած պատւիրակների կողմից մշակւած հակահայ բանաձեւերին: Արմէն Ռուստամեանն ասում է, որ պէտք է աշխատել դրանք չեղեալ համարելու ուղղութեամբ:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։